طفلة أحيت فؤادى «عشق الآسر»_{كاملة}

الفصل 36

البارت الـ³⁶
«عشق الآسر»

•بارت كمان أهو يا سكاكر عشان خاطركم.. عايزة دعم وتفاااعل، عشان والله بعمل قصارى جهدى عشانكم رغم لبخة الامتحانات..

* وحشتووونى جداً بقى ❤
_______________________

يوسف بدون تفكير راح لڤيلة آسر، على أمل تكون رودينا رجعت هو ميعرفش حاجة عنها من ساعة اللى حصل، ويقدر يشوفها ويصلح غلطته فى حقها.

آسر قاعد ببرتشف قهوته وجمبه همسة.

همسة ابتسمت: آسر تفتكر ماما عليا هتوافق!!

اسر هز راسه: ان شاءلله.. انا واثق فى ده.

همسة: متعرفش هو أونكل هيخرج أمتى!!

آسر تنهد: يعنى ع الأقل اسبوع..

همسة بحزن: يوه اسبوع، انا كنت عايزاه يخرج ع طول عشان نقول لرودينا ع اللى حصل وترجع، ونلم شمل العيـلة بقي.

آسر بيرتشف قهوته بغموض: هترجع يا همسة قريب، بس وهى حقها راجع قصاد يوسف.. لو كان فاكر أنى عديت الموضوع، يبقي غلطان، أنا مستنى يبقي دليل براءتها فى ايدى، وهندمه ع كل لحظة وجعها فيها..

قبل ما همسة ترد..

رئيس الحرس دخل: آسر بيه.. يوسف برة وعايز يدخل، بقوله ممنوع، مش عايز يمشي..

آسر سند فنجانه بهدوء: خليه يدخل.. وخليك قريب من هنا عشان هعوزك بعد دقايق من دخوله..

رئيس الحرس: تحت امرك يا فندم..

همسة سالت آسر بتوجس: ناوى على ايه يا آسر.

آسر بهدوء: هتعرفى دلوقتي..

يوسف دخل الڤيلة بص لـ آسر: فين مراتى يا آسر!!

آسر بسخرية: مرات مين!!

يوسف بضيق: لو سمحت مش عايز كلام كتير، عايز مراتى اتكلم معاها، اكيد رجعت..

آسر وقف وقال بغضب: لا هى مبقتش مراتك، من اللحظة اللى مديت ايدك عليها فيها، وكمان شكيت فيها مبقتش مراتك، وبعدين أنت جاى بأنهى وش عايز تقابلها!!

يوسف زفر بضيق: أنا عايز اشوفها.

آسر بزعيق: لا مش هتشوفها تانى خالص يا يوسف، وكويس انك جيت عشان أثبتلك انك غبى وحمار، وانك مكنتش قد الامانة اللى شيتهالك..

يوسف اتضايق: انا لحد اخر لحظة مش عايز اغلط.

آسر بصوت جهرى: لا وكمان ليك عين تتكلم يا يوسف باشا، أنت بس اللى رحمك من تحت ايدى ان فى يوم كان بينا عيش وملح انما أنت خسارة العشرة فيك..

يوسف اتعصب: ماشي ماهى تصرفاتها كانت...

آسر مقاطعا بغضب جااامح: اخرس.. أختى شريفة.. ودلوقتى هتعرف انك ضيعت كل حاجه من ايدك.. تعاااالى يابنى وهات الامانة اللى فى ملحق الڤيلة..