طفلة أحيت فؤادى «عشق الآسر»_{كاملة}

الفصل 19

(عشق الاسر)
-الفصل التاسع عشر-

•التصويت قبل القراءة فضلاً وليس أمراً ❤❤

كارم كأن الدنيا بتلف بيه، كأن عقارب الساعة وقفت، متصمر مكانه وقلبه بينبض ببطء وهو شايف قدامه اخر شخص توقع فى يوم انه يشوفه او حتى يلمح طيفه فى حلمه، ملاك، ملاكه اللى المفروض ماتت، متعلقة فى ايد رجل ظاهر عليه الثراء، الظاهـر من هيئته انه رجل أعمال، عيونه دمعت بالم مصدوم من اللى شايفه، معقول كل الالم اللى شافه كان على كدبة، هو مكنش عايش اساساً من بعدها.

روميساء مكنتش تعرفها، بصتله لقته بنفس الحالة، مسكت ايده بقلق وسالته:
- كارم مالك !! 

كارم عيونه مصوبة ع ملاك اللى وقفت، بتبصله بكل ندم، وشوق لسنين عشتها فى بعده غصب عنها، لسه حبه ساكن قلبها، عايشة على كل لحظة وكل ذكرى معاه.

ملاك بصت لجوزها وعيونها دمعت بالم ووجع  واتكلمت: طاهر انا..

طاهر اتعصب وشدها من ايدها: قدااامى..

روميساء اتعصبت من طريقة طاهر راحت ناحيته وزعقت فيه بغضب جاامح: انت اتجننت ايدك..

طاهر بصلها بغضب: امشى من وشي، والا هتطربق المكان على دماغك.. انتى وجوزك..

كارم اتنرفز ومسكه من ياقته وبجنون وزعق فيه؛ اااااايه هو انا مش مالى عينك ولا اى، دانا انسفك من على وش الارض فاهم، كلـه الا روميساااااء انت فاهم

طاهر بعصبية: لا انا لسه مزعقش، والله اوديك فى ستين داهيـة، انت فاااهم..

كارم محسش بنفسه الا وهو بيلكمه لكمات متتالية بكل وجع السنين اللى عاشها فى بعدها، غليان فى صدره زى اللهيب، هيتجنن ويفهم ايه علاقته بمـلاك، ملاك اللى كانت حياته ازاى سابته هو، وراحت لده!!!!

روميساء اتخضت وصرخت فى حد يشيلهم من بعض، وفعلا الناس اتجمعت وفضوا الاشتباك..

كارم بنرفزة؛ مش هسيبك يا طااااهر مش هسيبك..

طاهر بسخرية: وانا وجعتك يا كارم، عرفت اكسر قلبك، اخدتها منك، اختارتنى انا...

ملاك صرخت بدموع: بااااس كفاية بقي، كفاية يا طاهر انت ايه ياخى مش كفاية اللى عملته فيااا، عايز منى ايه!!!!

طاهر بصلها بغضب: ملاااك اخرسى لما اتكلم تخرسي خااالص، عشان لسه حسابنا انا وانتى فى البيت..

روميساء اتصدمت و عيونها دمعت وبصت لكارم لما فهمت انها ملاك، اللى المفروض مع الاموات، مكنتش فاهمة، بس كل اللى كان فى دماغها دلوقتي، تمشى معاه، لازم تمشي من هنا..

كارم كان فى دنيا تانية، بيحاول يستوعب كل اللى بيحصل حواليه، ملاك عايشة!! طب انا كنت حزين على مين!! عشت ايام بموت من وجعى ع مين!!! كـارم لو هنوصف حالته بالمصدوم، مش هنعرف، نوصف كم الوجع والتوهة اللى هو فيهــــا فـى اللحــظة دى، الدنيا حرفيا واقفة حواليه، صمت، صمت رهيب.