طفلة أحيت فؤادى «عشق الآسر»_{كاملة}

الفصل 37

البارت الـ³⁷
لـ عشق الآسر
"- فيروز أحمد مغازى-"

•وحشتونى وحشتونى وحشتونى جدااا خااالص، يارب تكونوا بخيـر، الأول شكراً ع العدد اللى بيتفاعل معايا حتى لو كنتم مش كتير، بس أنا بحبكم ووالله حابة اكون معاكم مهما كان، وياريت لو تثبتولى اننا عيلة وانى عندى فـانز بيتفاعل معايا.. عايزة رايكم فى البارت ولو فى أى انتقاد، أنا هسمعكم..

___________________________

- انا في أتعس نُسخة منِّي على الإطلاق؛ لا أحد يفهم ذلك، ولا لديَّ طاقة لشرحِ ذلك ♡..

شال حجابها وهى مستسلمة تماماً معاه، نسيت تانيبها، نسيت انها بتعمل دلوقتي كارثة، كارم كان هيقرب أكثر لكن قطعهم صوت فون روميساء بيرن باصـرار.

روميساء انتفضت وبعدت عنه، بصتله وهى مش قادره تصدق انها وللمرة التانية تضعف بالشكل المقرف ده

قصاده كارم شاور بعينه ع الفون: فونك بيرن على فكرة

روميساء: أطلع برة أوضتى.

كارم قعد بكل هدوء متجاهل كلامها تماماً

روميساء اتعصبت: قولت أطلع برة أوضتى

كارم بصلها وقال ببساطة: مش هطـلع عشان لسه هنتكلم.

روميساء عيطت: نتكلم فى ايه!! أنا مش عارفة انت عايز منى ايه انل بقيت مقرفة بسببك بقرف من نفسي..

كارم بهدوء: عشان كده بقولك هنتكلم ردى ع فونك لحسن يكون سي قاسم ويشك فى حاجة.

روميساء مسكت الفون وكان قاسم فعلاً..

ارتبكت ومكنتش عارفة تعمل ايه!!

كارم بصلها بهدوء: روميساء لازم نحط حد للموضوع ده، ردى عليه وخدى خطوة فى الموضوع ده..

روميساء هزت راسها بدموع: عندك حق، انا مش قد عقاب الخيانة ولا قد تانيب الضمير، اكرهه فيا ويطلقنى أفضل حل.. أنا لازم اعمل كده.

كارم ابتسم برضا: أنتِ كده صح يا حبيبتي.

روميساء شاولتله بترتعش: متتكلمش لحد ما اخلص ونشوف هنعمل ايه..

كارم هز راسه: ماشي.

مسكت فونها وردت.

قاسم بقلق: كل ده عشان تردى يا روميساء قلقتينى.

روميساء اخدت نفس عميق وردت ببرود: مكنتش فاضية، مخنوقة مش عايزة اكلمك، انت ليه مصمم يعنى، هو انا فارقة معاك!!!

قاسم: بعيدا عن مش عايزة اكلمك دىى، بس قوليلى مالك ايه اللى خانقك، ومن أمتى أنتِ مش فارقة معايا، بالعكس أنتِ اول اولوياتى..

روميساء بسخرية: لا معلش خلى ياسمين أول اولوياتك، أنا أصلاً مش طايقاة سيرتك خليك معاها.. وريحنى انا من الهم ده..