♡طبعاً الأول بشكر حبايب قلبي اللى بيدعمونى فى كل بارت بنزله بدون إلحاح منى وزعلانة جداً من اللى بيشوفوا البارت وبيطنشوا هى حاجة بسيطة بالنسبالك بس بتفرق جداً معايا وبردو بعرف رأيكم فى البارت من خلال التفاعل، ياريت بجد يبقي فى تفاااعل يا حبايبى عشان أعرف أنزلكم دايما بدون ملل، واخيرا بقي بحبكم جداً♡
أسيبك مع البارت
-----------------------------------------
البارت الـ ³¹
لـ عشق الآسر
بقلم فيروز أحمد.
_من كتر ما أتالمت فاض بالألم منك_
قاعدة على السرير وفستانها الابيض مفروش حوالين منها، بتفكر فيه، فى اللى جارحها، فى حياتها الجاية معاه هتكون عاملة ازاى !!!
دموعها غصب عنها نزلت من الوجع، وهى بتفتكر كلامه فى الفرح وإنه مش مسؤل عن الطفل.. وان حتى جوزاتهم مجرد كلمتين على ورق، مش ممكن يعتبرهم حقيقة.
حنين بقهر وألم: مكنتش أتوقع انك تبقي بالندالة دى، كنت فاكرة إنك ملاك طلعت أسوء واحد فى البشر يا اكرم اسوء بكتيـر أنت، أنت شيطان، قدرت توجعنى، وأنا كالعادة مش قـادرة ولا عارفة أعمل ايه..
فتح باب الحمام وطلع منه بيدندن لقاها قاعدة ع السرير بتعيط، دموعها واضحة ليه جداً..
أكرم رمى المنشفة اللى بيجفف بيها شعره، وقعد جمبها حس إنه مش قادر يشوف دموعها..
أكرم مسح دموعها: ممكن أفهم ليه الدموع دى!!!
حنين انتفضت أثر لمسته: ممكن أنا أفهم انت بتعمل إيه جمبى!! إبعد عنى، أنا مش مراتك..
أكرم زفـر بضيق: ممكن تهدى، أنتى اللى طلعتينى عن شعورى، وخلتينى اضايقك فى الفـرح..
حنين بمرارة: مش فارقة يا أكرم، كله محصل بعضه بس ممكن تسيبنى، أنا مش حمل تعب..
أكرم لانت ملامحه: حنـون، أنا عمرى ما اتمنيت علاقتنا تكون كده، بس والله العظيم أنـا ما كنت متخيل أبداً إنى اتجوزك، أنا كنت بعتبرك أخت، ومكنتش بتمنى الصداقة اللى بينا تنتهى كده..
حنين بصتله بالم: أنت خسرتنى من اللحظة اللى كسرتنى فيها، ومش ممكن فى يوم هسامحك..
أكرم باس ايدها بحنو: متزعليش، هحاول انسيكى على قد ما أقدر بصي، هنكون صحاب زى ما كـنـا زمان، وتبقي علاقتنا زى ما كانت إيه رأيك!!
حنين بحزن: تفتكر اللى أتكسر ممكن يتصلح!!
أكرم بابتسامة صغيرة: ممكن والله.. لو عندك عزيمة هترجعى كل اللى أتكسر زى ما كان، وانا مستعد اعمل أى شيء فى سبيل راحتك.. وأنك تسامحى..
حنين دموعها نزلت تانى: بس أنا موجوعة اوى يا أكرم، ومش هتفهم أبداً اللى أنا حاسة بيه..
أنت تقرأ
طفلة أحيت فؤادى «عشق الآسر»_{كاملة}
Romance-حاصلة على المركز الأول فى تصنيف «ألم» بتاريخ 2023/12/30 شَهّد مقتل والده واختطاف اخته الصغيرة، رأى الذل بانواعه، على يد قاتل ابيه، كان يري والدته تُضرب امامه عينيه ولا يقوى على التدخل، كل هذا كان كفيل ان يجعل منه وحش كاسر، دون قلب او شعور، بل انه...
