طفلة أحيت فؤادى «عشق الآسر»_{كاملة}

الفصل 34

البارت الـ³⁴
لـ عشق الآسـر

- العو جيه العو حضر 😂 سامحونى يا قمرااتى كان عندى امتحانات اليومين دول ومعرفتش والله أنزل، وحشونى فى اليوم ده، وشكرا للـى سال عليا بجد فرحت ان فى حد بينتظرنى، وبينتظر البارت، واهـو نزلتلكم بارت جديد، عايـزة تفااااعل بقي..

__________________________

لقد وجدتك بطلي ، واللطيف في الأمر أنك لن تكون بطلا لإحدي رواياتي؛ بل بطلا لحياتي♥️🖇️

قاسم قلبـه وقع فى رجليه لما شاف روميساء فاقـدة الوعى وواقعة على الارض قصاد عينه، جرى عليها وقلبه بيدق ببطئ شديد من الخوف عليها..

شـالها وسندها على الفراش حاول يفوقها، بس هى، للاسف مكنتش بتفوق، أضطر يـكلم الدكتور، كـلمه ومن بعدها غطى شعرها وغطاها بالملاية بحيث مفيش حاجة تبان منها..

قاسم مسد ع شعرها بحزن: مش عارف أعمل ايه عشان أكسبك، مش عارف ليه بتعملى فيا كده..

الدكتور جيه بعد شويـة، كشف عليها وعطاها حقنة، كل ده وقاسم متابعه بقلق، بعد ما الدكتور خلص..

قاسم بقلق بلغة الدكتور: كيف حالتها!!

الدكتور أبتسم بهدوء: لا داعى للقلق سيد قاسم، هذا طبيعى فى حالتها، زوجتك حامل..

قاسم اتسعت عيونه بسعادة: حامل!!

الدكتور أومى براسه: نعم، لكنها ضعيفة جداً تحتاج رعاية، والاهتمام بصحتها اكثر من ذلك..

قاسم هز راسه: بالطبع، هذا ما سيحدث..

عطاه فلوس، مبلغ اكتر من اللى طلبه وده لفرحته بيها، بعد ما خرج الدكتور بص لملامحها وابتسم بحزن وقال:
- يارب تتقبلى الموضوع من غير ما تتعبينى يا روميساء، خايف تكرهيه لمجرد أنه أبنى ..

بعد شويه روميساء فتحت عيونها، لقته جمبها بصت حواليها لقته قاعد جمبها، وفى عيونه نظرة حنـونة، نظرة بتخليها دايما تندم ع اسلوبها معاه.

قاسم مسد ع شعرها بحنان: أخيراً فتحتى عيونك..

روميساء زقت ايده واعتدلت فى جلستها وسالت بجمود: ايه اللى حصل!!

قاسم زعل منها بس معلقش ورد: تعبتى و جبتلك الدكتور يطمنى عليكى، والحمدلله أنتِ بخير..

روميساء باستغراب: تعبت!!

قاسم تنهد: اه جيت لقيت فاقدة الوعى على الارض، المهم إنك دلوقتي كويسة.. احم فى خبر كمان عايز اقولك عليه..

روميساء بريبة: خبر!! خبر إيه!!

قاسم بابتسامة حزينة: أنتِ حامل..

روميساء هزت رأسها وعيونها دمعت: مش ممكن!!

قاسم اضايق: يااااه للدرجة دى مش طايقانى حتى مش فرحانة إنك هتكونى أم!!