طفلة أحيت فؤادى «عشق الآسر»_{كاملة}

الفصل 23

عشق الاسر «فيروزة»
--الفصل الثالث والعشرون--

• متنسوش التصويت يا حلوين ❤

-------------------------------------

"- أنا مُعجب بالطَريقة التي تَتَحولين فيها بِسهولة من امرأة الى طِفلة ، ومِن طفلةٍ الى امرأة ، الأمر كَمثل قوسٍ لامسَ أوتار كمانٍ ، وخلقَ لحناً إلهياً - "

آسر عيونه لمعت بشـوق وفرحة لما شافها رغم ان الزمن جار عليها وغير فيها كتيـر، بس لسه شايفاها عليا امـه الحنونة اللى منتظر بس يلمح نظرة رضا منها لما تشوفه..

قرب أكتر وقعد حرف السرير، وعليا باصة لنقطة وهمية ودموعها نازلة وايدها بترتعش.

آسر اتكلم بصوت مهزوز من فرط التاثر: امـى!!

عليا متحركتش انش واحد.

آسر حس بالحـزن قعد قصادها مباشرةً وحضن وشها بايده بحنان، وبص لعيونها بقوة: امى عشان خاطري ركزى، بصيلى، انا آسر ابنك..

عليا بصتله أخيراً ودموعها نزلت، شافت فيه كمال ابـوه، رفعت ايدها المرتعشة واتكلمت لأول مرة من زمن مبتسمة رغم دموعها: آسر، اايوة اانت انت ابنى.

آسر حضنها بقوة فى مشهد مؤثـر ودموعه انسابت: وحشتيني اوى يا امى، كل ده غايبة عنى..

عليا انفجرت فى العياط: انت اللى اتخليت عن امك، سبتنى ليه!!! اتخليت عنى يا آسر..

آسر بالم وقلبه وجعه عليها: اانا اسف، صدقينى مش هبعد عنك مهما حصل، مش هسيبك لو فيها موتى.

عليا خرجت من حضنه وتفحصت ملامحه بايدها المرتعشة: اانت انت كويس!! هانى عملك حاجـة!!

آسر باس ايدها بحنية: لا يا حبيبتي، خلاص خلصنا من كابوس هانى الحسينى، جبت حقك منه، واوعدك مش هرحم اى حد هيكون السبب فى تعبك..

عليا ابتسمت من بين دموعها: كبرت يا آسر..

آسر ابتسم بحزن: بعدنا سنين كتيرة يا حبيبتي، بس خلاص والله ما فيه فراق تانى..

عليا سالت بدموع فرحة: اتجوزت!!

آسر بص لهمسة بطرف عينه وابتسم: لا بس خلاص هانت اهى هتجوز، بس كنت مستنى القيكى وافرح برجوعك لدنيتى من تانى.

عليا بصت لهمسة وسالت: اسمها ايه يا آسر!!!

آسر ابتسم: همسة يا امى..

همسة اتكسفت: حمدالله علي سلامتك يا طنط.

عليا شاورتلها تقرب: تعالى يا همسة..

همسة قربت بخجل: نعم يا طنط.

عليا شاورتلها تقعد جمبها من الناحية التانية: تعالـى اقعدى هنا، عايزة اشوفك من قريب.

همسة قعدت وهى متوترة: تحت امرك يا طنط..

عليا بصتلها وتفحصت ملامحها بخبث ورجعت عيونها لآسر مبتسمة: عرفت تختار يا آسر..