(عشق الاسر)
_الفصل الثامن والعشرون_
• متنسوش التصويت يا قمراااات ❤
****************************
صـدمة كبيرة الجمت الكل مش قادرين يصدقوا اللى عينهم شايفاه، روميساء و قاسم!!! لا وواقفين بكـل بجاحة قصاد الكـل، كأنهم مش عاملين كارثة.
عـامر صرخ بغضب: الكلام ده صح يا روميساء !!!
روميساء دمعت ومكنتش هترد، قاسم ضغط على ايدها بتحذيـر.
ردت بالم:
- ايوة يا أونكل صح.
عامر بغضب جامح: اطلعى برة بيتى وانت معاها اللى تخون حسابها الموت بس أنا مش هوسخ إيدي بدم واحـدة زيك، وانت يا قاسم ياللى كنت بعتبرك إبنى تخـون إبن خالتك !!
أمال: استنى بس يا عامر نفهم، مش معقول كلامك ده هى روميساء هتعمل كده بردو!!
إلهام بتبص لقاسم بلوم: ليه عملت كده يا قاسم!!
قـاسم تنهد بملل: مين جاب سيرة الخيانة يا أونكل وأنتى يا امى انا مأجرمتش، أنا لما عرفت إن كارم طلقها محبتش تطلع من البيت، وهى خلاص بقت صحبته وبعدين انا متجوز بردو مستحيل هخون مراتى..
روميساء بدموع: أنا مش زى ما حضرتك بتقول يا أونكل، انا مستحيل هعمل كده، بس كارم غـلـط فى حقى، وانا مش ممكن هسامحه..
عامر تنهد بضيق: غلط فى ايه، ايه اللى حصل!!
روميساء باختناق: مش لازم احكى السبب، دى حكاية كانت بينى وبينه، ومش هتكلم فيها..
إلهام بضيق: ايوة بس كلام قاسم ولا كلامك مش منطقى، هو فى واحد عاقل هيقرر يتجوز كده من الباب للطـاق!!
ياسمين اتكلمت أخيراً بالم: ايوة يا ماما، هو كلمني انا فى الموضوع، وعرفنى غرضه من الجوازة..
إلهام بصتلها: أنتى عارفـة!!
ياسمين بمرارة: عارفة وموافقة.. ولعلمك قاسم مش ممكن يخونى انا واثقة فيه، ورميساء كانت مرات اخوه مستحيل يكون بصلها حتى، انا عارفة طباعه.
عامر بغضب: اياً كان السبب أنا مش راضي عن الجوزاة دى.. أنا طـالع..
سابـهم وطلـع..
زينب حست بالحرج: طب عن اذنكم، إحنا لازم نمشي حالاً، يلا يا أكرم!!
بصت لأكرم لقته بيبص لحنين بصـدمة وهى بتبادله النظرات بصمت كأنهم عـارفين حاجة..
زينب سالت: فى ايه يا أكرم!!
أكرم بصلها: امي معلش أنا عايز اقعد مع حنين شوية، هكلملك أوبـر يوصلك لو حابـة..
زينب بتحذير وصوت واطى: عالله تأذيها..
أكرم بملل: حاضر.. أقعدى بقي يا امي لحد ما أكلم الاوبر و يجى.
أنت تقرأ
طفلة أحيت فؤادى «عشق الآسر»_{كاملة}
Romantik-حاصلة على المركز الأول فى تصنيف «ألم» بتاريخ 2023/12/30 شَهّد مقتل والده واختطاف اخته الصغيرة، رأى الذل بانواعه، على يد قاتل ابيه، كان يري والدته تُضرب امامه عينيه ولا يقوى على التدخل، كل هذا كان كفيل ان يجعل منه وحش كاسر، دون قلب او شعور، بل انه...
