طفلة أحيت فؤادى «عشق الآسر»_{كاملة}

الفصل 35

البارت الـ³⁵
لـ « عشق الآسر»
بقلمى «فيروز أحمد مغازى»

•اعععععع وعرفت اكتبلكم بارت، يارب القيكـم موجودين بقي، وتشخلعونى، اثبتولى وجودكم، عشان وحشووونى جـااامد خااالص، البارت ان شاءلله  هيعجبكم، واوعدكم لو عرفت اكتب تانى هنزلكم على طول، ملحوظة البارت ده انا كتبت معظمه فى الموصلات وانا راجعة من الامتحان، عشان تعرفوا انكم غااالين، وبعمل المستحيل عشان خاطركم يا حبااايب قلبى.. اسيبكم للبارت بقي ❤

*****************************

خرجت من الاسانسير ماسكة إيد قاسم، بمجرد ما تقدمت خطوة واحدة نحو الطاولة اللى قاسم حجزها ليهم شافت اللى مكنش يخطرلها على بال، كارم قاعد فى نفس المكان على الطاولة المجاورة ليهم، وجمبه ملاك بيتعشوا سوا..

روميساء لسه هتقول لقاسم يمشوا، ملاك لمحتهم ونادت عليهم بصوت عالى:

- قاسم، روميساء!!! مش ممكن الصدفة دى..

كارم اتصدم بوجودهم رفع عيونه وبصلهم ماسكين ايد بعض، غطى وشه الحزن والالم، مش فاهم ليه القدر مصمم يوجعه، ولا هى قاصدة تجرح فيه، وتفضل قدامه!!!

قاسم اخد روميساء وقعد ع نفس طاولة كارم كأنه بيضايقه، سلم على ملاك وقال وهو بيبص لكارم باستفزاز:

- صدفة ولا أجمل يا كارم.. مكنتش اتوقع أنكم هنا..

كارم ابتسم بمرارة: طبعاً صدفة جميلة يا قاسم.. حمدالله علي سلامتكم، مش تقولوا إنكم جاين!!

قاسم لمس ايد روميساء ع الطاولة بابتسامة: معلش اصل روميساء حبيبتي كانت عايزة تعملهلكم مفاجأة..

كارم بص لايدهم المتشابكة ورجع عيونه لروميساء بوجع، كانت بتحاول تبعد نظراتها عنه مش قادرة تبصلـه..

ملاك مسكت ايد كارم وقالت: مبسوطين بوجوكم جداً رغم ان كارم جابنى مخصوص هنا عشان نبقي فى جو رومانسي.

قاسم ابتسم وحضن كتف روميساء: وبمناسبة اننا متجامعين بقي، احب اقولكم خبر حلو..

روميساء همستله بترجى: قاسم..

قاسم تجاهل همسها واتكلم: مبروك ليك يا كارم هتبقي عم، مش احنا فى مقام اخوات بردو!!، أكيد ابنى هيبقي ابن اخوك..

كارم حس كأن اتشل المعلقة وقعت من ايده، والالم تمكن منه، استوطن قلبه بكل جبروت وقسوة، عيونه لمعت ببريق الالم والحسرة وهو بيبص لعيونها بعتاب الكون، عايز يقولها ليه عملتى كده فينا!! معقول هانت عليكى ايامنا !!!

هو كان لحد اخر لحظة مش عايز يصدق انها خدعته وخانته، كان بيقنع نفسه انها عملت كده من غيرتها!!! لكن خبر حملها فوقه..

بس للاسف فاق متأخر، فاق على دمـار، حس ان كل حاجة بناها بحبهم ومشاعرهم اتهدت، اقسم جواه انه عمره ما  هيسامحها، قلبـه مش هيطاوعه يسامح اللى خانت وباعت..