الفصل الـ³⁰
لـ « عشق الاسـر»
«بقلم فيروز أحمد»
همسة بحزن: ماما، أنا مش عايزاكى تزعلى نفسك، ولا هضغط عليكى، رغم انى شايفة مصلحة حضرتك معاه، والله هو كويس أوى.
عليا بهدوء مريب ودموعها نازلة: بس أنا قولت مش بحب غير كمال، ومش ممكن هعرف غيره، ياريت تنسي موضوع أمين ده نهائى..
همسة ربتت ع ايدها: حاضر والله ما هتكلم فيه تانى، بس ممكن حضرتك تنزلى تقعدى معانا شويه تحت، بقالك كتير قاعدة لوحدك..
عليا تنهدت: معلش يا همسة سيبنى لوحدى.
همسة اتحايلت عليها كتير، بس عليا كانت رافضة تماماً، مش شايفة غير حياتها جمب كمال، كأنها افتكرت كل اللى فات وعدى معـاه..
فى النهاية همسة خرجت، وبمجرد ما طلعت من اوضة عليا، لقت آسر واقف قدام الباب، وعيونه اسودت من الغضب اللى بيحاول يكبته..
همسة ارتبكت: آسر!!
آسر مسكها من معصمها وسحبها خلفه لاوضتهم بضيق وغضب مكتوم، قفل الباب بعنف وبصلها..
همسة اتالمت: آسر إيدى!!!
آسر انفجر بغضب: هو أنا قولتلك ايه بخصوص أمين!! مش حذرتك تتكلمى معاه!!
همسة خافت بس ردت: مماشي بس أنا معملتش حاجة غلط يا آسر، أنا..
آسر مقاطعاً بزعيق: أنتى عايزة تبوظى حياة امى بعد ما اتحسنت، عايزاها تتعب تانى، بعد ما صدقت خفت
همسة دمعت: أنا يا آسر!!؟
آسر بعصبية: ايوة انتي يا همسة، لما تساعدى أمين يقرب منها، ويقنعها إنه يبقي جزء مهم فى حياتها تبقي مش خايفة ع تعبها ولا شايفة أنها ممكن تفقد النطق تانى، وتتعب تانى..
همسة دموعها نزلت: لا يا آسر انت غلطان، غلطان أوى كمان، أنا أكتر واحدة عايزاها تبقي مبسوطة ووجود اونكل أمين فى حياتها..
آسر صرخ بعصبية: امي راحتها فى وجودى انا و رودينا فى حياتها، وهى مش هتحب حد بعد ابويا، وكفاية اللى حصلها من تحت راس أمين اللى انتى بتساعديه يقرب منها..
همسة سحبت ايدها: وانا عندى رائى يا آسر ومش غلطانة، ولو شايف انى مش خايفة ع مصلحتك ولا مصلحة ماما تبقي متعرفنيش وانا مش عايزة اكمل مع واحد ميعرفنيش، طلقنى..
آسر قبض ع شعرها بعصبية: عالله تنطقى كلمة طلاق على لسانك، هدفنك حية قبلها يا همسة، متنسيش أنا مين وممكن اعمل ايه..
همسة دموعها نازلة بمرارة: وانا مستغربة ليه من اللى بتعمله، مانت هتفضل طول عمرك آسر الحسينى اللى معندوش قلب ولا رحمة ولا عمره هيعرف يحب..
آسر بيلومها بغضب: انتى غبية، غبية يا همسة وانا لو كنت معنديش قلب زى مانتى بتقولى مكنتش دلوقتي بعاتبك كنت دفنتك مكانك، و تفكيرك غلط كمان لان أمى راحتها فى وجودنا جمبها، أمين مش هينفعها....
أنت تقرأ
طفلة أحيت فؤادى «عشق الآسر»_{كاملة}
Romance-حاصلة على المركز الأول فى تصنيف «ألم» بتاريخ 2023/12/30 شَهّد مقتل والده واختطاف اخته الصغيرة، رأى الذل بانواعه، على يد قاتل ابيه، كان يري والدته تُضرب امامه عينيه ولا يقوى على التدخل، كل هذا كان كفيل ان يجعل منه وحش كاسر، دون قلب او شعور، بل انه...
