طفلة أحيت فؤادى «عشق الآسر»_{كاملة}

الفصل 26

(عشق الاسر)
_الفصل السادس والعشرون_

•التصويت يا حلوووين ❤

__________________________

" مؤسف ومؤلم أن تكتشف أن بعض الناس ،لهم تاريخ صلاحية وتاريخ إنتهاء .! "

لو هنوصف حالته، مش هنوصل كم الوجـع اللى هو حس بيه لمجرد انها نطقت الكلمة بكل جمود، حالة من الضـياع والتوهان، مش قادر يصدق انها بتطلب الطلب ده بكل جحود وبساطة، بتطلب الفراق!!!

روميساء دمعت بالم وكملت: طلقنى يا كارم، يلا واقف مستنى ايه!! ريحنى وريـح نفسك.

كارم هز راسه بعدم تصديق: روميساء ده مقلب ااكيد بتهزرى معايا، ااحنا اتفقنا احنا هنـكمل مش هنبعد احنا فرحنا كمان كم يوم، روميساء انا بحبك..

روميساء بجمود حاولت تبينه: وانا مش بحبك كنت مجرد فتـرة فى حياتى وراحت لحالها وانا اكتفيت..

كارم مسك كتفها بايده الاتنين وقال بالم وعيونه لمعت بدموع الوجـع: بصى فى عينى وانتى بتقوليها، انا مش مصدقك، عشان عارف انك زعـلانة منى، بس كده لا بصيلى وقولى بكرهك..

دراعـه وجعه لانه مصاب، وخرج منه أه الم..

روميساء اتخضت و دمعت لما شافت كتفه المصاب: كارم دراعك..

كارم مسك دراعه وبصلها بعتاب: صعبان عليكى وجع دراعى ومش صعبان عليكى قلبي اللى وجعتيه، ردى عليا، ققولى بكرهك ممش هو ده اللى بتطلبى الطلاق عشانه!!!

روميساء مقدرتش تبص لعينه ودموعها نازلة: كارم مضطغش عليا، انا قولتلك مش بحبك، ومش عايزة أكمل معاك، كفاية علينا لحد كده..

كارم بجنون لف وشها ناحيته: قووولى وانتى بتبصي لعينى، قولى انك عمرك ما حبتينى، قوليها يلا..

روميساء دموعها نزلت: ككنت بحبك مش هنكر بس بعد اللى عرفته وانك كنت مع ملاك وطلقتها من جوزها، حبك بالنسبالي بقي ماضي وفات..

كارم حضن ملامحها بايده وبص لعيونه وقال بصدق: مش هكدب واقول لا، اه روحتلها وطلقتها منه، بس انا بحبك انتى، وعملت كده بدافع الانسانية والعشرة اللى كانت بينى وبينها فى يوم، بس والله العظيم ما خونتك.. انا..

روميساء بدموع: وانا مش مصدقة ومش عايزة اكمل تعبت ياخى ايه، هتفرض نفسك عليا!!!؟ قولتلك كل حاجة بقت ماضي، حبى ليك اه كان حقيقـة بس راحت لحالها ومش هترجـع..

كارم بيبص فى عيونها بيحاول يلاقى الصدق فى عيونها، لقاها بتبعد عينها عنه، اتكلم بالم لعلها ترجع فى كلامها ويكون كل ده كدب:
- بسهـولة كده بتقوليها يا روميساء!!! بتقوليلى ان حبنا ماضى ونستيه !!! ولا هى كانت حكاية تافهه بالنسبالك ومليتى منها !! طب انا قلبي ده أقولـه ايه!!! اقولـه اللى انت اخترتها باعتك!!! أقوله إنك طلعتى مش قد العهود والوعود اللى اخدنها سوا!!!