(عشق الآسـر)
-الفصل الخامس عشر -
• التصويت بقي يا صحاااااابى، ياريت تقدروا تعبى، اقسملكم معنديش وقت كفاية انى اكتب بس بكتب عشانكم وبحاول عشان اخلصها معاكم، وان شاء الله الـ parts اللى جاية فيها احداث حلوة، ياريت بقي القى تقدير و.... اخيرا بحبكم ❤
وشكـرا طبعاً لكل اللى دعمنى، خد قلبي ❤
*********************************
"التراكمات صنعت مني شخص صامت، صامت في كل الأوقات - ♡(: "
فـاق من دوامة عشقه الوهيمة اللى كان معيش نفسه فيها، بص جمبه لقى ياسمين نايمة وشعرها مغطى وشها، حرك شعرها وهو بيبلع ريقه بالم وحـزن عليها مكنش عايـز يوصل للمرحلة دى، وبعدين يجرحها.
تأمل ملامحها الهادية بحزن ومسد ع شعرها وقال باسف:- انا اسف، اوعدك هعمل كل اللى اقـدر عليه عشان اسعدك، هكون ليكى كل حاجة، وهحميكى وهبقالك ضهرك وسندك، ومش ممكن يوم هخذلك.
ياسمين فتحت جفونها بنعاس لما حست بيه: قاسم!!
قاسم ابتسم بهدوء ومسد ع شعرها بحنو: صحيتى ليه!!! خليكى نايمة، مكنتش اعـرف ان نومك خفيف.
ياسمين اتكسفت واعتدلت فى جلستها: لا عادى مدام انت صاحى مش هعرف انـام، سكتت لحظات، اخدت نفس عميق وكملت، قاسم، مش هتتخلى عنى!!!
قاسم لف ايده حول كتفها العارى: انتى شايفة انى عيل عشان ارجـع فى كلامى !!! ياريت تبقي عارفة طباع جوزك، لما بيقول كلمة، كلمته بتبقي سيف..
ياسمين تنهدت بحـزن: ما ده اللى مخوفنى، انت قولت انك مش ممكن هتتنازل عن روميساء لغيرك، يبقي يا انت بترجع فى كلامك، ومش هتبقي ليك بجد، ياما بتصمم ع اللى فى دماغك وهتنفذ القسم ده.
قاسم تهجمت ملامحه: ينفع طول ما احنا مع بعض متجبيش سيرة روميساء، ومتفضليش كل لحظة تفكرينى بيها، انا بحاول اكون معاكى بكل ما فيا، متخليش اليوم يتقفل بقي..
ياسمين سندت راسها ع صدره وتنهدت: اسفة خلاص المهم إنك متسبنيش، والله ما هعرف اعيش من غير وجودك يا قاسم، انت الاكسجين اللى بتنفسه، انت كل حاجـة ليا، قاسم انا بحبك.
قاسم باس راسها: وانا مش ممكن اتخلى عنك
ياسمين زعلت ان تخطى اعترافها بس سكتت.
قاسم فهمها وحاول يشغلها عشان متزعلش، مرر اطراف اصابعه بشرة كتفها وهمسلها فى ودنها:
- بقولك ايه!! انتى وراكـى حاجة النهاردة لاخر اليوم.
ياسمين ارتبكت من لمساته وهمست بصوت مهزوز:- لا اانت أصلاً من يوم ما اتجوزتنى بقيت مش بخرج من البيت، انا مكنش بيبقي معايا غير شغلى واهـو بقالى كتير منزلتهوش..
قاسم باس كتفها العارى: طب انسى بقي انك تخرجى من البيت الفترة الجاية، لا انتى تنسي انك تخرجـى من الجناح، هعملك حظر تجول فى البيت، راضية!!!
أنت تقرأ
طفلة أحيت فؤادى «عشق الآسر»_{كاملة}
Romance-حاصلة على المركز الأول فى تصنيف «ألم» بتاريخ 2023/12/30 شَهّد مقتل والده واختطاف اخته الصغيرة، رأى الذل بانواعه، على يد قاتل ابيه، كان يري والدته تُضرب امامه عينيه ولا يقوى على التدخل، كل هذا كان كفيل ان يجعل منه وحش كاسر، دون قلب او شعور، بل انه...
