مغفلون
يجعلونك تصل الى مرحلة تسكت فيها من الإشمئزاز فيظنون أنهم انتصروا و أفحموك !
******************
إيطاليا
أمام ذلك المنزل الذي كان يمكث به أسد وميرال كان يقف علي المغربي أمامه منذ دقائق طرق الباب عدت مرات ولكن لا رد... فأمسك بهاتفه وقام بالإتصال على أسد ثواني واتاه الرد ليردف/ صباح الخير يا أستاذ سفيان أتمنا مكونش ازعجت حضرتك...
أسد على الهاتف/ لا أبداً مفيش إزعاج ولا حاجة أنا أصلاً كنت صاحي..خير فيه حاجه يا ايڤان باشا...
علي بجدية/. لا بس أنا واقف قدام بيتك من شوية ومفيش حد بيرد هو أنت وليلي مش موجدين ولا ايه...؟!!
أسد بخبث/ أيوة بصراحة أنا وليلي رجعنا مصر إمبارح بسبب موضوع طاريء...
علي بصدمة/ إيه رجعتم مصر... إزاي...
أسد بإستياء مزيف/ بصراحة كان نفسي أسلم على حضرتك قبل ما اجي وليلي كمان كانت هتتجنن وتشوفك بس ماكنش عندنا وقت.. أصل عقبال عندك خطوبة ليلي على أبن عمها آخر الأسبوع وكان لازم نجهز كل حاجة بسرعة....
علي وقد التجم مكانه من الصدمة/ إيه خطوبة...؟! يعني إيه وازاي وبعدين هي ليلي موافقة أصلاً على الموضوع ده....
أسد بإبتسامة شيطانية/ لاء بصراحة هي مش موافقة ومن وقت ما عرفت وهي عمالة بتعيط ومش بتاكل ولا بتشرب...بس في النهاية هي طفلة ومش عارفه فين مصلحتها....
علي بغضب لم يستطع السيطرة عليه/ ولما هي طفلة عايز تجوزها ليه..اسمعني كويس يا أستاذ سفيان إللي أنت بتعمله ده غلط ماينفعش تغصب بنتك الوحيدة على حاجة هي مش عايزها وخصوصاً في موضوع مصيري زي ده..فكر كويس يمكن..يمكن تكون في حياتها حد تاني مثلاً....
أسد بجدية مصتنعة/ والله إن جيت للحق يا أستاذ ايڤان أنا شاكك في حاجة زي كده..بس حتى لو ده بجد أنا لا يمكن اسيبها تنجرف وراء مشاعرها لأن الله أعلم من الشخص إللي في حياتها ده وعايز منها إيه والأهم بيحبها بجد ولا لاء.....؟!!
علي بسرعة وتأكيد/ بيحبها والله العظيم بيحبها ومستعد يعمل أي حاجة علشان يحصل عليها صدقني...
أسد بشك مصتنع/ وأنت متأكد كده ليه هو أنت تعرف مين هو الشخص ده....؟!
علي وهو يضغط على المنطقة بين عيناه بحسم/ استاذ سفيان الكلام في الفون مش هينفع وخصوصاً أن أنا عايزك في موضوع يخص ليلي... علشان كده أرجوك وقف كل حاجة بتعملها والغي الخطوبة دي.. وأنا يومين تلاتة بالكتير وهكون في مصر ووقتها هنقدر نتكلم ونتفاهم....
أنت تقرأ
طفلة في جحيم الأسد
Romanceيقولون أن للعشق جنون لكن لعشق ذلك الأسد جحيم فماذا سيحدث إذا دخلت تلك الطفلة جحيم ذلك الأسد.. هل سيتركها تحترق داخل جحيمه وسيظل قاسي كما هو.....أم ستجعله تلك الطفلة يتغير وتأخذه معها إلى عالمها الوردي. 💖 أم........... ...
