طفلة في جحيم الأسد

🌹 الفصل الواحد والثلاثون 🌹

أخجل قليلاً، فالذي يُدبر الأمر من السماء إلى الأرض أيعجزه أمرك ؟

*************

مساءً بقصر الجبالي وتحديداً غرفة الطعام كان جلال يترأس الطاولة بينما فريدة تجلس بجانبه الأيمن ويتناولون طعامهم بهدوء وصمت....
ثواني واردف جلال بتساؤل/ اومال فين حمزة وميرال يا فريدة مانزلوش ليه علشان يتعشوا معانا....؟!

فريدة/ ميرال قالت لفتحية أنها نازلة وحمزة هياخد شور سريع وينزل هو كمان.....

أومأ لها جلال بصمت وهو يتناول طعامه ثواني واردفت ميرال وهي تدلف إلي الغرفة/ مساء الخير عليكم...

جلال -فريدة/ مساء النور...

جلال بتساؤل/ هو أسد لسة مرجعش من الجهاز...

ميرال بإستياء/ لأ لسه مارجعش هو يا حبيبي عنده شغل كتير الفترة دي زي تعويض كده عن الشهر إللي كان واخده اجازه...

فريدة بحزن/ ربنا معاه بيتعب أوي يا حبيبي..

ميرال وقد شعرت بحزنها/ معلش يا انطي عارفه أنك زعلانة أن أسد مقعدش معاكي زي ما وعدك بس والله غصب عنه...

فريدة/ أنا عارفة ومقدرة بس كل اللي مضايقني أنه لسة راجع من إيطاليا ما بقلهوش يومين ومن وقت ما رجع ماشفتهوش غير مرة واحدة في اليوم إللي رجعتم فيه....

جلال بجدية/ ما إنتي عارفة كويس يا فريدة أنه مالهوش حكم في شغله وأنه زي ما ميرال قالت غصب عنه....

فريدة/ وأنا مش زعلانة منه والله يا بابا هو بس واحشني أوي ونفسي أقعد واتكلم معاه شوية...

ميرال بإبتسامة/ بس كده ده إنتي تؤمري يا فريدة هانم والله ما أنا نايمة النهاردة غير لما يرجع علشان أقوله يقعد معاكي وده غصب عنه بقا مش بكيفه....

جلال بضحك/. ههههه شوفي مرات إبنك بقت مسيطرة من أول شهر جواز يا أم أسد...

ميرال بغرور مصتنع/. احم أنا وبلا فخر مسيطرة من زمان أوي يا جدو بس انتوا إللي مكنتوش واخدين بالكم....

فريدة بخبث/ إنتي هتقوليلي ده حتى بإمارة لما دخلتي جناحه وعمل معاكي الصح....

ميرال وهي تعبث بشعرها بإحراج/ ما خلاص بقا يا انطي بلاش فاضيح...