طفلة في جحيم الأسد

🌹 الفصل السادس والثلاثون 🌹

من الطبيعي أن تكون البدايات جميلة !! فلا يعقل أن يأتي أحدهم و يقول لك "مرحبا أنا حقير "

********

كان يهرول أمامها ذهاباً وإياباً بغضب شديد وعقله يكاد يفتك من شدة التفكير في حل لتلك المصيبة التي افتعلتها...
بينما هي كانت تجلس بكل برود ولا مبلاه بينما تمسك بيدها كأس نبيذ ترتشف منه بإبتسامة شيطانية لا تبشر بالخير...

ثواني ونظر لها والشرر يتطاير من عينيه ليردف/ إنتي إزاي قاعدة بالبرود ده كله بعد الكارثة إللي عملتيها ها...

سالي بهدوء شديد/ والمفروض أقعد إزاي يا علي باشا..؟! اعيط مثلاً

علي بحدة/ لاء أنا مش بطلب منك أنك تعيطي لأن واحدة بالجحود والسواد إللي جواكي أكيد معندهاش مشاعر ولا أحاسيس علشان تعيط على أبوها إللي هي إللي قتلته أصلاً....

سالي وهي تقلب عيناها بملل/ اممم طيب وعايز إيه يا علوشي...

علي وهو يجلس أمامها/ عايزك تفكري في حل نطلع بيه من المصيبة دي قبل ما نروح كلنا في داهية بسبب عملتك السودة....

سالي وهي ترتشف من كأس النبيذ بيداها/ للأسف مفيش حل غير أننا نختفي من قدام البوليس الفترة دي والمهمة دي عليك طبعاً...

علي بغضب/ أنا الحاجة الوحيدة إللي عايز أعملها دلوقت هي إني اقتلك واخلص...!! أنا كان لازم أسمع كلام أبويا لما قالي أبعد عن واحدة مجنونة زيك بس للأسف عملت إللي في دماغي وخرجتك من المصحة رغم أنها كانت أفضل مكان ليكي...؟!

سالي وقد تحولت عيناها إلي اللون الأحمر مع ابتسامه جانبية لا تبشر بالخير/ علوشي..؟! كلامك ده جرح مشاعري وزعلني جداً منك...ثم أكملت وهي تقترب منه وتجلس على قدمه وتمرر أناملها على وجهه ببطء بينما تردف أمام شفتاه بفحيح/ وأنا لما بزعل من حد بمحيه من على وش الدنيا... علشان كده ألتزم حدودك معايا وخد بالك من كلامك بدل ما أحط أسمك في قيمتي السودة واخلي نهايتك زي نهاية مختار الجمال واكتر..فهمت يا علوشي...

قالت جملتها الأخيرة وهي تبتعد من على قدمه وتجلس بجانبه ليردف علي بغضب/ مش علي المغربي إللي يتهدد من واحدة زيك..ده أنا بإشارة واحدة مني امحيكي فاهمة يا سالي..

سالي وهي تصر على أسنانها بغضب كبيت/ فاهمة..فاهمة يا علي...ثم أكملت وهي تضع قدم فوق أخري/ قولي بقا ناوي تعمل إيه مع أسد وميرال...؟!