كان حمزة مذال يقف مع حازم وبعض من أصدقائه عندما اقتربت منهم سالي بإبتسامة هادئة
لتردف بخبث وهي تضع يدها على كتف حمزة /إيه ده يا ميزو اومال فين ميرال....؟!!
حمزة بإنتباه/نعم...؟! هو إيه إللي فين ميرال إنتي مش اخدتيها علشان تجيبلها عصير....!!
سالي بتصنع الدهشة/أيوة وبعد ما اديتها العصير بعتها ليك تاني وطلعت علشان اظبت الميك آب بتاعي...هي مجتش ولا ايه....؟!!
حمزة بصدمة/لاء مجتش...البنت راحت فين يا سالي....؟
سالي بحدة/قولتلك معرفش أنا بعتهالك شوف أنت بقا بنت عمك المصونة راحت فين من غير ما تقولك....!!
حمزة بصراخ/هسألك تاني يا سالي ميرال فييين....!؟
حازم وهو يحاول تهدئته/أهدي يا حمزة هنلقيها متخفش...ثم وجه حديثه الي سالي بشك/سالي إنتي إللي اخدتي البنت علشان تجيبلها العصير ومن بعدها مرجعتش...سيبتيها فين....؟!
سالي بصراخ هي الأخري حتي التفت لها الجميع و اوقفه الموسيقى/في ايه انتوا الاتنين..مالكم بتتكلموا معايا كده قولتلكم معرفش هي راحت فين...ولو مش عايزين تصدقه براحتكم والفيلا قدامكم أهي دوروا عليها وشوفوها راحت فين....!؟
حمزة وهو يصك على أسنانه بغضب/أقسم بالله يا سالي لو طلعتي عملتي فيها حاجه ما هرحمك....
أنها جملته وأشار إلى حازم ليبحثوا عنها بينما إنضم لهم جميع اصدقائهم ليبحثوا معهم.....
أما سالي فأرتسمت على ثغرها إبتسامة خبيثة وهي تردف لنفسها/دوروا براحتكم..عمركم ما هتلقوها تاني..
وأنت يا حمزة ال*******وحياة حبي لأسد لبعتك ليها في أقرب وقت...؟
ظل الجميع يبحثون في كل مكان داخل الفيلا وخارجها علي أمل إيجادها لكن لم يجدوا أثر لها وكأنها قد تبخرت في الهواء....
حمزة وهو يمسك برأسه بضياع/أعمل إيه يا حازم البنت اختفت من الفيلا كلها...ومستحيل تكون مشيت من غير ما تقولي... أنا بجد مش عارف أعمل إيه أنا حاسس اني عاجز....
حازم وهو يربت على كتفه/مفيش حل غير أننا نبلغ البوليس...وهو يلقيها...
حمزة وقد تذكر أسد/نهااار أسود أسد...؟!
حازم بإستغراب/ماله أسد...؟
حمزة وهو يمسك برأسه/أسد قالي ما اسيبهاش مع سالي ونبهني كويس وأنا روحت واديتها لسالي بإيدي ومن بعدها البنت مرجعتش... أنا انتهيت يا حازم خلاص ربنا يرحمني....!!
أنت تقرأ
طفلة في جحيم الأسد
Roman d'amourيقولون أن للعشق جنون لكن لعشق ذلك الأسد جحيم فماذا سيحدث إذا دخلت تلك الطفلة جحيم ذلك الأسد.. هل سيتركها تحترق داخل جحيمه وسيظل قاسي كما هو.....أم ستجعله تلك الطفلة يتغير وتأخذه معها إلى عالمها الوردي. 💖 أم........... ...
