,,يتحدثون بثقة عن الطيبة ويمارسون النفاق بمنتهى الإبداع .،،
****************
كان يجلس على مكتبه وهو يضع رأسه بين كفيه بتعب وإرهاق شديد فقد اشتد عليه المرض بالاوانِ الاخيره كثيراً وقد نقص وزنه بشكل ملحوظ...وبجانب أيضاً كل تلك المشاكل والضغوطات التي تتراكم فوق رأسه بالفترة الأخيرة من العائلة والعمل..فكونه كبير العائلة يكون دائماً موضع إختبار من كل الجهات....
وبينما هو كان يحارب ذلك التعب الذي يشعر به ليظل صامداً طرق باب مكتبه عليه وبعد أن أذن للطارق بالدخول دلف ذلك الوسيم بإبتسامته المشرقة ومن ثم أردف وهو يغلق الباب ويتجه ليقف أمامه/ خير يا جلال باشا فيه حاجه...
جلال وهو يشير له بالجلوس/ تعرف أنك أول واحد أشوفه مبتسم من ساعة ما صحيت...؟!
أحمد بأسف/ أنا بجد مش عارف أقولك إيه على إللي حصل إمبارح..بس محدش عارف يمكن ده خير ليكم وللشركة.....
جلال وقد تذكر حديثه مع أسد بالأمس/ هو فعلاً خير لأنه ظهر حقيقة أشخاص ما يستاهلوش انهم يكونوا في حياتنا...
أحمد بترقب/ ليه هو حصل حاجه يا لورد يعني عرفتم حاجه جديده بخصوص المناقصة....؟!
جلال بنفي/. لا أنا بس بتكلم في المطلق...المهم سيبنا من الشغل دلوقت وقولي أنت ناوي تتجوز امتى...؟!
أحمد بإبتسامة واسعة/. يعني خلاص كلها عشر أيام تقريباً في شوية حاجات لسة مخلصوش وتجهيزات تانية بخصوص حور.. بصراحة تعبتني آخر فترة وهي بتختار الفستان ولغاية دلوقت لسة مش مقتنعة بأي حاجة....!
جلال بجدية/ طيب أسمع بقا فستان حور جاهز وهيوصل من باريس خلال يوم أو اتنين وأنا متأكد أنه هيعجبها..وكمان الفرح مش هيتعمل غير في فندق من بتوعنا .. ودلوقت ياريت تقولي على الشوية الحاجات اللي ناقصه دي خلينا نجهزها بسرعة عايز أخلص منكم واجوزكم انتم كمان.. وأشوف حمزة بقا مش هيبقا فاضل غير وبصراحه أنا متأكد أنها كلها كام أسبوع ويجي يقولي جوزني يا جدو....
أحمد وهو يحك مؤخرة رأسه بإحراج/ أيوة بس يعني كده كتير أوي و.......
جلال بمقاطعة وصرامة/ بقولك ايه يا أحمد أنت عارف إني مابحبش الجدال في أي حاجة..يعني تسمع إللي قولتلك عليه وتنفذ وأنت ساكت ولا أنت بقا مش عايز تتجوز وتدخل القفص....؟!
أحمد بسرعة/ لا طبعاً أكيد عايز اتجوز ودلوقت قبل كمان شويه...
جلال بضحك/ ههههه ما تنشف ياض مستعجل على إيه بكرة تقول ياريتني فضلت عازب كان أرحم...
أنت تقرأ
طفلة في جحيم الأسد
Romantizmيقولون أن للعشق جنون لكن لعشق ذلك الأسد جحيم فماذا سيحدث إذا دخلت تلك الطفلة جحيم ذلك الأسد.. هل سيتركها تحترق داخل جحيمه وسيظل قاسي كما هو.....أم ستجعله تلك الطفلة يتغير وتأخذه معها إلى عالمها الوردي. 💖 أم........... ...
