- مش مصدجة صح؟
استدعى انتباهها لتناظره بتساؤل:
- ايه هو ده؟
رد بابتسامة جانبية خاليه من اي مرح:
- عن اللي واخد عجلك يا نادية، ومخليكي سرحانة وعنيكي فيها الف سؤال وشك، اتكلمي متخليش حاجة في نفسك.
ردت بحدة وكأنه ضغط على زر الانفجار:
- بصراحة ايوة يا غازي، انا عمري ما اصدق على حجازي حاجة زي دي، ازاي يعني؟ كيف؟ حجازي لا يمكن يعمل كدة، دا جوزي اللي انا عرفاه وحفظاه ...
- انا اللي جوزك دلوك مش هو.....
هتف بها غاضبًا واشتعلت عينيه بنيران اتقدت تحرق فؤاده، ليتابع امام ذهولها:
- الله يرحمه مكانش ملاك، كان بشر ومن الوارد جدًا ان نفسه تضعف جدام حاجة كبيرة وضخمة زي دي، ثم ان الكلام ده مش كلامي، دي شهادة من حضر وشاف وسمع بنفسه، ولا تكوني مش مصدجة بسيوني؟
ابتلعت ريقها تستدرك هفوتها، لتردف مصححة:
- انا مجصديش طبعا اشكك فيك ولا في بسيوني، انا بس مش جاردة استوعبها، حجازي كان....
- خلاص....
هتف بها مقاطعًا بعدم احتمال، ذكرها لإسم الراحل وما تحمله داخلها من رصيد يجعلها تضعه في مكانة خاصة منزهة عن الجميع، تزيد من احتراقه، وكأنها تضغط بقوة على جرحه الغائر، حتى تجعله يتلوى من الألم، لينهض فجأة قائلًا:
#غازي_الدهشان_ونجمته
#الفصل_السادس_عشر
#نسائم_الروح
#الجزء_الثاني_من_ميراث_الندم
موعدنا ع العيد ان شاء الله، لكن من البداية كدة احب انوه اننا داخلين في كشف الحقايق وحل الالغاز، والفصلين ١٦ و ١٧
مرتبطين ببعض، هو هينزل الاول ع المدونة ان شاء الله ليلة العيد وبعدها هنا على طول لو لقيت تفاعل ممكن انزل الفصلين في يوم واحد
ع العموم كونو بالقرب واستعدوا للمفاجأت بعد العيد بإذن الله
أنت تقرأ
ميراث الندم الجزء الاول والجزء التاني نسائم الروح
ChickLitوضعها القدر تحت رعايته، لتستنجد به من غدر أعز الأحباب لديها، من أجل حمايتها، متعشمة في رجولته كي يساندها، حتى تسترد حقها وما سلب بخسة منها، ولكن ما لم تحسب حسابه هو أن تقع اسيرة بين يديه، وقد اغراه الطمع في فتنتها، يريد الاستئثار بها ، يختلق الحجج و...
