ကမ္ဘာလုံးဆိုင်ရာရှင်သန်ခြင်း(1 to ongoing)

1-2

ကမ္ဘာလုံးဆိုင်ရာရှင်သန်ခြင်း
အခန်း(1)
နတ်ဆိုးတွင်းနက်၊ရွှေအဆင့်စာရင်း၊ကမ္ဘာပျက်ကပ်ဘေးများ
""ငါ့ရဲ့အစ်ကိုကြီးမင်းရဲ့အသားကိုစားပြီး မင်းရဲ့သွေးကို သောက်ဖို့ငါ မစောင့်နိုင်တော့ဘူး။
ဟား ဟား၊ ငါတို့က ဟိုတုန်းက  အရင်းနှီးဆုံး ညီအကိုတွေ ဖြစ်ခဲ့ဖူးပေမယ့် အခု မင်း ငါ့နဲ့ တတိယညီမကို မင်းလက်နဲ့ သတ်ပစ်လိုက်ပြီ။  ကောင်းတယ် အစ်ကိုကြီး။
နောက်ဘဝဆိုတာရှိရင်ငါမင်းကိုထာဝရငရဲမှာကျခံနေစေမယ်"""""
         အေဒီ-2052 ကျန်းစီးတီးမြို့လယ်ရှိချူဖုန်း၏နေအိမ်တွင်ဧည့်ခန်း၌တပ်ဆင်ထားသောပုံရိပ်ယောင်တီဗီမှနေ့လည်ခင်းသတင်းများအားထုတ်လွှင့်နေသည်။
         အိမ်၏အပြင်ဘက်တွင်နေရောင်ကတောက်ပနေပြီးလေနုအေးများတိုက်ခတ်လျှက်ရှိသည်။
         အိမ်အတွင်း၌ချူဖုန်းသည်ခေါင်းပေါ်တွင်ရေခဲအိပ်ကပ်၍အိပ်ပျော်နေလျှက်ရှိလေသည်။အိပ်နေရင်းနှင့်ပင်ချူဖုန်းသည်လက်သီးများကိုတင်းတင်းဆုပ်ကာမျက်မှောင်ကြုံ့လျှက်ရှိပြီးအိမ်မက်ဆိုးများမက်နေဟန်တူသည်။
        "မဟုတ်ဘူး၊ငါဒါကိုလက်မခံနိုင်ဘူးးး"
         အော်ဟစ်ပြီးနောက်အခိုက်အတန့်တွင်ချူဖုန်းသည်ဆိုဖာပေါ်မှခုန်၍ထလိုက်လေသည်။ချွေးစီးများကျလာနှလုံးတုန်၍မောဟိုက်နေလေသည်။
         "ငါမသေသေးဘူးလား"
         ချူဖုန်းသည်ပတ်ဝန်းကျင်ကိုလှည့်ပတ်၍ကြည့်လိုက်လေသည်။အကိုကြီး၏ဒဏ္ဍာရီခွဲဓားသည်သူ့၏နှလုံးသားကိုဖြတ်သန်းသွားသောခံစားချက်ကိုသူကောင်းကောင်းမှတ်မိနေသည်။အကိုကြီး၏စိတ်ဓာတ်အရသူ့ကိုလွှတ်ပေးမည်မှာမဖြစ်နိုင်ပေ။
         "ဒါကဘယ်နေရာလဲ"
         သူ့ရှေ့ကရင်းနှိးသောပတ်ဝန်းကျင်ကိုကြည့်ကာချူဖုန်းအံ့အားသင့်သွားလေသည်။
         "ဒါငါ့အိမ်မဟုတ်ဘူးလား၊ဒါပေမယ့်ငါ့အိမ်ကကမ္ဘာပျက်ကပ်မှာဖျက်စီးခံလိုက်ရပြီမဟုတ်ဘူးလား"
         ရုတ်တရက်သူတစ်ခုခုအားတွေးလိုက်မိသည်။
         ချူဖုန်းသည်ကောဝေ့ဖုန်း၏နောက်ဆုံးပေါ် မော်ဒယ်P800ဖုန်းကိုအမြန်ထုတ်ကြည့်လိုက်မိသည်။သူကဖုန်းမျက်နှာပြင်ပေါ်ကရက်စွဲအားကြည့်လိုက်မရာအသက်ရှူသံများပါမြန်ဆန်၍လာလေသည်။
         "ဇွန်-25/2052ခုနှစ်၊ဒါကလွန်ခဲ့တဲ့ဆယ်နှစ်ကပဲ"ချူဖုန်းသည်ထိုအချိန်နှင့်ပတ်သတ်၍နက်နက်နဲနဲမှတ်မိလေသည်။
     ရွှေအဆင့်ဇယားဆယ်ခုပေါ်လာသည့်အချိန်မှစ၍လူသားများ၏ကံကြမ္မာပြောင်းလဲသွားခဲ့ရလေသည်။
     အချိန်အတော်ကြားပြီးမှပင်ချူဖုန်းကသူလွန်ခဲ့သည့်ဆယ်နှစ်တွင်ပြန်လည်မွေးဖွားလာကြောင်းလက်ခံမိလိုက်လေသည်။လောလောဆယ်တော့ဘာဒုက္ခမှပေါ်မလာသေးပေ။အဖြစ်ဆိုးတစ်ခုမှမပေါ်လာသေးပေ။
     "ချစ်ရတဲ့အကိုကြီးရေအရာရာကမပြီးသေးဘူး"ချူဖုန်း၏မျက်လုံးများမှအေးဆက်သောသတ်ဖြတ်ချင်စိတ်များထွက်ပေါ်လာလေသည်။ထိုအချိန်တွင်ရုပ်မြင်သံကြားမှအရေးပေါ်သတင်းတင်ဆက်သံကိုကြားလိုက်ရလေသည်။
     "(အထူးသတင်း)ယနေ့မွန်းတည့်ချိန်တွင်နိုင်ငံA၌တူးဖော်နေသောမိုင်းတွင်းတွင်ချောက်နက်ကြီးတစ်ခုအားတူးဖော်မိပါတယ်၊အဆိုပါချောက်နက်ကြီိးမှအမျိုးအမည်မသိသေးသောထူးဆန်းသည့်သတ္တဝါများထွက်လာကာတိုက်ခိုက်ထဲ့ပါတယ်။ထိုသတ္တဝါများ၏တိုက်ခိုက်မှုကြောင့်အနီးအနားမြို့များမှပြည်သူလူထုများသေကြေပျက်စီးကြရကြောင်းသတင်းရရှိပါတယ်"
     ချူဖုန်းသည်သတင်းကိုနားမထောင်တော့ပေ။ဘာဆက်ဖြစ်မည်မှန်းကိုခန့်မှန်းသိရှိနေခဲ့လေသည်။
     "နတ်ဆိုးတွင်းနက်တော့ပေါ်လာပြီ၊ရွှေအဆင့်စာရင်းဆယ်ခုလည်းပေါ်လာသင့်ပြီ"
     တီးတိုးရေရွတ်ရင်းပြတင်းပေါက်မှနေ၍ကောင်းကင်ပေါ်သို့လှမ်းကြည့်လိုက်မိသည်။မျှော်လင့်ထားသည့်အတိုင်းပင်တိမ်များကင်းစင်နေသောကောင်းကင်ကြီးသည်မှောင်မည်းလာနေလေသည်။တစ်စုံတစ်ယောက်ကကုလားကာချလိုက်သလိုပင်။မှောင်မဲလာသောကောင်းကင်ကြီးတွင်ကြယ်ရောင်များတောက်ပလာသလိုရွှေရောင်အလင်းများကောင်းကင်ထက်သို့ပျံတက်သွားလေသည်။တဖြည်းဖြည်းနှင့်ကောင်းကင်ကင်ထက်တွင်ပေထောင်ပေါင်းများစွာမြင့်သောဧရာမမျက်နှာပြင်ပုံစံသို့ပြောင်းလဲသွားလေသည်။ရွှေစာရင်းဆယ်ခုစတင်ထွက်ပေါ်လာသည်။တစ်ကမ္ဘာလုံးကလူများလည်းရွှေစာရင်းဆယ်ခုအားတွေ့လိုက်ရလေသည်။
     "ဂြိုလ်သားတွေရောက်လာတာလားဟ"
     "ဘုရားသခင်ကိုယ်ထင်ပြတာများလား"
     အပြင်ဘက်တွင်ရှုပ်ထွေးနေသောအခြေအနေများကိုမြင်လိုက်ရသောအခါချူဖုန်းအသက်ပြင်းပြင်းရှူလိုက်မိသည်။
     "နတ်ဆိုးတွင်းနက်ကြီးပေါ်လာပြီ၊ကမ္ဘာပျက်ကပ်လည်းစတင်လာပြီ၊နတ်ဘုရားတွေကငါ့ကိုနောက်ထပ်အခွင့်အရေးပေးလာမှတော့ဒီအခွင့်အရေးကိုငါတန်ဖိုးထားရမယ်။ဒါမှပဲရှင်သန်နိုင်ဖို့အခွင့်အရေးရလိမ့်မယ်"
     ဆူညံနေသောလူများနှင့်စာလျှင်ချူဖုန်းတွင်အားသာချက်ကြီးကြီးမားမားရှိနေသည်။နောက်ဆယ်နှစ်တွင်ဘာဖြစ်မလဲသိနေခြင်းပင်။ဂိမ်းကိုဟတ်၍ဆော့နေရသလိုပင်။အရင်ဘဝတွင်ရောက်ခဲ့ဖူးသောA+အဆင့်ကိုပြန်လည်ရောက်ရှိဖို့ကလက်ဖဝါးထဲကရေလိုပင်ဖြစ်သည်။မကြာမှီကောင်းကင်တွင်ရွှေအဆင့်စာရင်းများကပီပြင်စွာပေါ်လာလေသည်။လူသားတို့နားလည်သောဘာသာစကားဖြင့်ရေးထားခြင်းမဟုတ်သော်လည်းလူတိုင်းကနားလည်နေနိုင်လေသည်။
    [ဝိညာဥ်စွမ်းအင်ရွှေအဆင့်ဇယား
    သွေးမျိုးဆက်ရွှေအဆင့်ဇယား
    အိမ်မွှေးတိရစ္ဆာန်ရွှေအဆင့်ဇယား]
    "ဒါတွေအားလုံးကဘာကြောင့်များလဲ၊ဘာလို့ငါကဝိညာဥ်စွမ်းအင်ပေါ်လာတဲ့အချိန်မှာပြန်မွေးဖွားလာတာလဲ၊ဘာကြောင့်ဖြစ်နိုင်မလဲ၊ငါဘာလို့အများကြီးစဥ်းစားနေရတာလဲ၊ရှားပါးတဲ့ဖြစ်စဥ်ကြောင့်ပြန်လည်မွေးဖွားလာရတာပဲ၊ငါဘာလို့အချိန်ကုန်ခံပြီးတွေးနေရမှာလဲ၊ဒီခေတ်မှာငါကဇာတ်ဆောင်မင်းသားဖြစ်လာရမယ်"
    ရုတ်တရက်ထူးထူးခြားခြားဖြစ်စဥ်ကြောင့်ကမ္ဘာတစ်ခုလုံးရုတ်ရုတ်သဲသဲဖစ်နေကြလေသည်။ချူဖုန်းအတွက်ကတော့သူဘာဆက်လုပ်ရမလဲဆိုတာကိုရှင်းရှင်းလင်းလင်းသိနေလေသည်။အရင်ဘဝမှကောလဟာလများမှာရွှေအဆင့်စာရင်းဆယ်ခုသည်ကမ္ဘာစိတ်ဝိညာဥ်မှတဆင့်ပြောင်းလဲလာပြီးစွမ်းအားကြီးမားလေသည်။ရွှေအဆင့်စာရင်းတွင်အဆင့်သတ်မှတ်ခံရသူသည်ကြီးမားသောကံကောင်းမှုများ၊ကံကြမ္မာကောင်းများရရှိကြသည်။အဆင့်မြင့်လေဆုလာဒ်ကများလေဖြစ်သည်။
    ရွှေအဆင့်တွင်ပထမဆုံးစာရင်းဝင်သူသည်ပထမဆုံးမြင့်မြတ်သောအထူးဆုတစ်ခုကိုရရှိမည်ဖြစ်သည်။ဉပမာအားဖြင့်သူအရင်ဘဝမှကျွမ်းကျင်သူများသည်ရွှေစာရင်းမှမြင့်မြတ်သောဆုလာဒ်ကိုရရှိထားပြီးခိုင်မာသောအခြခံများရှိကြသည်။
    Sအဆင့်ပညာရှိသားရဲဧကရာဇ်သည်[အိမ်မွေးတိရစ္ဆာန်ရွှေစာရင်း]တွင်ပထမဆုံးဝင်ရောက်ခဲ့သည်။
    Sအဆင့်မသေမျိုးဧကရာဇ်သည်လည်း[သွေးမျိုးဆက်စာရင်းတွင်ပထမဆုံးဝင်ရောက်ခဲ့သူဖြစ်သည်။
    ချူဖုန်း၏အသွေးအသားထဲမှမုန်းတီးနေသောသွေးသောက်အကိုလင်းရီသည်လည်း[ဝိညာဥ်စွမ်းအင်ရွှေစာရင်း]တွင်ပထမဆုံးဝင်ရောက်သူဖြစ်သည်။ချူဖုန်းသည်အခြားသူများ၏မြင့်မြတ်သောဆုလာဒ်ကိုတော့သူမသိပေ။သူ့၏သွေးသောက်အကိုလင်းရီသည်ရှေးကျသောကိုယ်ခံပညာအသိုင်းအဝိုင်းမှဖြစ်ပြီးပထမဆုံးသောDအဆင့်ဖြင့်ဝိညာဥ်ရွှေအဆင့်တွင်စာရင်းဝင်ခဲ့သည်။မြင့်မြတ်သောဆုလဒ်ကားကျင့်ကြံခြင်းအရှိန်အဆတစ်ရာအမြန်နှုန်းကိုရရှိခဲ့လေသည်။ဒါကလူတိုင်းနီးပါးကိုရူးသွပ်စေသောဆုလာဒ်တစ်ခုဖြစ်သည်။ကျင့်ကြံခြင်းအဆတရာအမြန်နှုန်းဖြင့်လင်းရီသည်လူတိုင်းအားနောက်တွင်ချန်ထားကာကမ္ဘာထိပ်တန်းကျွမ်းကျင်သူ(10)ဦးထဲမှတစ်ဦးဖြစ်လာခဲ့လေသည်။
    ရွှေအဆင့်ဇယားကိုအခြေခံ၍ကျင့်ကြံသူများကိုအဆင့်D၊အဆင့်C၊အဆင့်B၊အဆင့်A၊အဆင့်A+နှင့်အဆင့်Sဟူ၍ခဲဲခါးထားလေသည်။ပိုမြင့်သောအဆင့်များကိုကားသူ့အရင်ဘဝကဘယ်သူမှမတက်နိုင်၍မသိခဲ့ရပေ။ချူဖုန်း၏စိတ်ထဲတွင်အကြောင်းအရာများစွာပေါ်ပေါက်လာခဲ့လေသည်။ယခုဘဝတွင်တော့မြင့်မြတ်သောဆုလာဒ်များအားရယူ၍ခိုင်မာသောအုတ်မြစ်အားထူထောင်ရန်ဆုံးဖြတ်လိုက်လေသည်။ချူဖုန်းသည်သူ့အရင်ဘဝကမသေမျိုးဧကရာဇ်ပင်နတ်ဆိုးတွင်းနက်ကြီးအားမခုခံနိုင်ခဲ့ကြောင်းသတိရမိလိုက်သည်။သူပိုသန်မာမှဖြစ်မည်။သဘာဝအတိုင်းပင်သူ့အကိုကြီးလင်းရီ၏ဆုလာဒ်များအားအရင်ဆုံးလုယူရပေမည်။