ကမ္ဘာလုံးဆိုင်ရာရှင်သန်ခြင်း(1 to ongoing)

19-20

ကမ္ဘာလုံးဆိုင်ရာရှင်သန်ခြင်း

အပိုင်း ( 19 ) အိမ်မက်မြူခိုးသားရဲ

           ချူဖုန်းကသွေးကန်ထဲရှိဝါးမျိုခြင်းသွေးများအားစုတ်ယူပြီးချိန်တွင်သူ့ဆဲလ်များမှဆာလောင်မှုအားခံစားမိလိုက်လေသည်။
            
           အခုလေးတင်စုပ်ယူထားသောစွမ်းအင်များအားဆဲလ်များဖွံ့ဖြိုးရန်အတွက်အသုံးပြုခဲ့သည်။သို့ရာတွင်ဆဲလ်များကိုချဲ့ထွင်ခြင်းဖြစ်သောကြောင့်စွမ်းအင်မလုံလောက်သေးပေ။ပိုသန်မာလာရန်စွမ်းအင်များလိုအပ်ပေသည်။
          
           ချူဖုန်းကိုယ်ရေးအကျဥ်းအားဖွင့်လိုက်သောအခါ
          
         အမည်          -     ချူဖုန်း
         အဆင့်          -     C (5%)
  အိမ်မွေးတိရစ္ဆာန်-     မရှိသေး
  ကျွမ်းကျင်မှုများ  -    ရေဒိုမိန်း (စတင်သူအဆင့်
                                   စာရင်းမသွင်းရသေးပါ)
         လက်နက်များ - မရှိသေး
         ရမှတ်               - 72350     မှတ်
  ကုန်သွယ်မှုဧရိယာ  - ယာယီမပွင့်သေး
 
       ချူဖုန်းအံံ့အားသင့်သွားလေသည်။သူကပျက်စီးခြင်းသွေးရင်းမြစ်နှင့်ဝါးမျိုသွေးမျိုးဆက်တို့အားစုပ်ယူထားသည့်တိုင် အဆင့်ကတက်မသွားသည့်အပြင်ပြန်၍ပင်ကျသွားလေသည်။
      
       အစောပိုင်းသွေးသရဖူနတ်ဆိုးသားရဲများကိုသတ်ဖြတ်ခြင်းကြောင့် 20% သို့ရောက်ရိခဲ့သော်လည်းအခုတွင် 5% သို့ပြန်လည်ကျသွားခဲ့သည်။ချူဖုန်းကစိတ်မပူတဲ့အပြင်ဝမ်းသာနေလေသည်။
      
       သူ့ခန္တာကိုယ်ထဲရှိဝိညာဥ်စွမ်းအင်မှာမူကားပျက်စီးခြင်းသွေးမျိုးဆက်နှင့်ဝါးမျိုသွေးမျိုးဆက်ကြောင့်ပို၍များလာနေသည်။
       ရာခိုင်နှုန်းကျသွားခြင်းမှာသူ့ခန္တာကိုယ်ကဝိညာဥ်စွမ်းအင်အားနှစ်ဆလက်ခံလာနိုင်သည့်သဘောပင်ဖြစ်သည်။
      
       အနာဂတ်တွင်ချူဖုန်း၏ဝိညာဥ်စွမ်းအင်များကအဆင့်တူပညာရှင်များထက်ဆယ်ဆခန့်ပိုများနေမည်မှာအသေအချာပင်ဖြစ်သည်။
      
       နှစ်ရှည်လများတိုက်ပွဲများတွင်ဘယ်သူမှသူနဲ့ယှဥ်မတိုက်နိုင်လောက်ပေ။ဒါကလည်းသူ့သွေးကြောတွေကိုအပြည့်အဝနိုးဆွပေးနိုင်မှသာဖြစ်လိမ့်မည်။
      
       ပေးဆပ်ရမည့်တန်ဖိုးမှာကျင့်ကြံခြင်းအဆင့်တက်ရန်စွမ်းအင်ပိုလိုအပ်ခြင်းဖြစ်လိမ့်မည်။
      
       ချူဖုန်းကစိတ်မပူခဲ့ချေ။သူ့ကျင့်ကြံမှုမြန်နှုန်းကအဆတစ်ရာဖြစ်သည်။ထို့ကြောင့်ကျင့်ကြံခြင်းအတွက်လုံးဝစိတ်မပူမိပေ။
      
       ချူဖုန်းသည်သူ့ကိုယ်သူကြည့်ကာမကျေနပ်နိုင်သေးပေ။ကမ္ဘာမြေသို့ပြန်ကာဆုလာဒ်များအားထုတ်ယူရပေလိမ့်မည်။
      
       အကာအကွယ်လွှာကိုတိုက်ရိုက်ချိုးဖျက်ကာသွေးကန်သို့တိုးဝင်လိုက်သည်။ခရမ်းသွေးဝိညာဥ်အပင်မပါပဲသူ့ခန္တာကိုယ်နှင့်သွေးရေအားတိုက်ရိုက်ထိတွေ့လိုက်သည်။
       အံ့သြစရာကောင်းစွာပင်သွေးရေကသူ့အားအန္တရာယ်မပေးနိုင်တော့ပေ။ပျက်စီးခြင်းသွေးမျိုးဆက်အားစုပ်ယူပြီးနောက်တွင်ထိုသွေးကန်မှာဝါးမျိုသွေးမျိုးဆက်မှထုတ်လွှင့်သောစွမ်းအင်မှန်းချူဖုန်းသိလိုက်သည်။
      
       အရင်ဘဝတွင် ဝါးမျိုသွေးမျိုးဆက်အားရရှိခဲ့သောကောင်းကင်ဘုံပညာရှိကသွေးရေ၏ အဆိပ်ဒဏ်ကို မခံစားနိုင်ခဲ့ပေ။ သို့သော်လည်းထိုအရာက ချူဖုန်း မခံနိုင်ဟု မဆိုလိုပေ။တကယ်တမ်းတွင်တော့ထိုသွေးများက ပျက်စီးခြင်းသွေးမျိုးဆက်မှခွဲထွက်လာခြင်းပင်မဟုတ်လား။
      
       အပြန်လမ်းခရီးကချောမွေ့လှသည်။
      
       ရေကန်မျက်နှာပြင်သို့ရောက်ရောက်ခြင်းချူဖုန်းကျယ်လောင်စွာအော်ဟစ်လိုက်မိသည်။အခြားသောနတ်ဆိုးသားရဲများကိုဆွဲဆောင်မိမည်ကိုမစိုးရိမ်မိပေ။
      
       သူ့၏ဝိညာဥ်စွမ်းအင်အဆင့်ကျသွားသော်လည်းချူဖုန်းကအခုအချိန်တွင်အဆင့် B သားရဲနှင့်ပင်ယှဥ်တိုက်နိုင်ကြောင်းခံစားမိနေသည်။
      
       သန်မာသောခန္တာကိုယ်ရှိခြင်းကတကယ်ပင်အကျိုးကျေးဇူးကြီးမားလှသည်။အခုအချိန်သွေးသရဖူသားရဲများနှင့်တွေ့ပါက အရင်လိုထောင်ခြောက်ဆင်စရာမလိုပဲယှဥ်တိုက်နိုင်သည်။
      
       သေချာတာပေါ့တကယ်လို့သာ A အဆင့်သားရဲဘုရင်ကိုယ်တိုင်ထွက်လာရင်လည်းသွေးကန်ထဲကိုခုန်ချလိုက်ယုံပင်ဖြစ်သည်။
      
       သွေးသရဖူနတ်ဆိုးမျိုးနွယ်အားသွားရောက်တိုက်ခိုက်လိုစိတ်ကိုထိန်းချုပ်ထားလိုက်သည်။အခုအချိန်တွင်မြင့်မြတ်ဆုလာဒ်နှစ်ခုကိုရယူခြင်းကပိုအရေးကြီးလှသည်။
      
       ချူဖုန်းကသူ့ခန္တာကိုယ်ပေါ်မှာရှိသောသွေးဆက်များကိုခါထုတ်ရန်ဝိညာဥ်စွမ်းအင်အားအသုံးပြုလိုက်လေသည်။
      
       အတော်လှမ်းလျှောက်ပြီးချိန်တွင်ရုတ်တရက်တစ်ခုခုအားသတိထားမိသွားသည်။ကောင်းကင်အားမော့၍ကြည့်လိုက်လေသည်။
      
       နဂိုကမှိန်ဖျော့နေသောကောင်းကင်တွင်မီးခိုရောင်မြူများအုံ့ဆိုင်းလာသည်။ကောင်းကင်အားဖုံးလွှမ်းထားသလိုပင်ခံစားလိုက်ရသည်။မီးခိုးရောင်မြူများ၏အရှိန်ကမြန်ဆန်လွန်းလှသည်။
      
       ချူဖုန်းသေချာမကြည့်ရသေးခင်ပင်မီးခိုးရောင်မြူများကနီးကပ်လာသည်။
      
       "အားး၊ကယ်ကြပါဦး"
      
       နာနာကျင်ကျင်အော်ဟစ်လိုက်သောလူသံအားကြားလိုက်မိသည်။ထိုလူကမသေခင်အသံကုန်အော်ဟစ်ခဲ့ပုံပင်။
      
       ချူဖုန်းမျက်မှောင်အားကြုတ်လိုက်မိသည်။ချောက်နက်ထဲတွင်နိုင်ငံအသီးသီးကလူများစွာရှိနေသည်။ချူဖုန်းက ကောင်းကင်ချိတ်ဆက်နတ်ဆိုးတောင်တန်းတွင်သူရဲကောင်းမဖြစ်လိုပေ။သူနဲ့မဆိုင်တဲ့ကိစ္စတွေကိုစိတ်မဝင်စားပေ။စူးစမ်းလိုစိတ်ကလူကိုသေစေနိုင်သည်။
      
       အကယ်၍လူသားများကချောက်နက်ထဲမှအရင်းအမြစ်များနှင့်ဖွံ့ဖြိုးတိုးတက်လိုလျှင်တန်ရာတန်ကြေးတော့ပြန်ပေးဆပ်ရပေလိမ့်မည်။
      
       ချူဖုန်းရှောင်ထွက်သွားရန်ကြံလိုက်စဥ်ရင်းနှီးနေသောပုံရိပ်လေးအားတွေ့သွားသည်။
      
       လင်းရှောင်လင်!?
      
       ချူဖုန်းကရင်းနှီးနေသော ဟွာရှစူးစမ်းလေ့လာရေးအဖွဲ့မှလူများအားတွေ့လိုက်ရသည်။မဟာသဟဇာတနိုင်ငံမှလူယုတ်မာများလည်းရှိနေသေးသည်။
      
       ကပ္ပတိန်တိုးရစ်ဖီးနှင့်လူတိုင်းကသူ့တို့အသက်အားကယ်တင်နိုင်ရန်အစွမ်းကုန်ကြိုးစား၍ပြေးလွှားနေကြသည်။ ကပ္ပတိန်ဝေကိုတော့မတွေ့မိပေ။
      
       ချူဖုန်းမျက်မှောင်ကြုံ့လိုက်မိသည်။
      
       (သူတို့ဘာလို့ဒီကိုပြေးလာရတာလဲ၊ကပ္ပတိန်ဝေကကောဘယ်ရောက်နေတာလဲ)
      
       ဘယ်သူမဆို၊ဘယ်နေရာကိုရောက်နေပါစေ၊ကောင်းကင်နတ်ဆိုးတောင်အားတွေးနေမိသရွှေ့ထိုတောင်ဆီသို့ရောက်လာလိမ့်မည်။
      
       ဖြစ်နိုင်သည်မှာသူတို့အဖွဲ့ထဲကတစ်ယောက်ယောက်က ကောင်းကင်ချိတ်ဆက်နတ်ဆိုးတောင်အားစိတ်ဝင်စားနေခြင်းကြောင့်မသိလိုက်ဘဲရောက်လာခြင်းဖြစ်ရပေမည်။
       ဟွာရှစူးစမ်းလေ့လာရေးအဖွဲလည်းရှိနေသောကြောင့် ထိုသူများအားအန္တရာယ်တောထဲမထားခဲ့နိုင်ပေ။
      
       ချူဖုန်းခြေကိုတစ်ချက်စောင့်ကာပြေးထွက်လိုက်သည်။သူ့အမြန်နှုန်းကသာမန် C အဆင့်များထက်များစွာသာသည်။ဒီတစ်ကြိမ်မှာတော့ရှိသမျှဝိညာဥ်စွမ်းအားကိုခြေထောက်သို့ပို့ဆောင်လိုက်ခြင်းပင်။အရင်တစ်ခါလိုမနာကျင်ရတော့ပေ။
      
       ဒါကကြံ့ခိုင်သောခန္တာကိုယ်ရှိခြင်း၏ကောင်းကျိုးတစ်ခုပင်။သူက လင်းရှောင်လင် နှင့်အခြားသူများဆီသို့လျှင်မြန်စွာသွားလိုက်သည်။
      
       အနားသို့ရောက်သောအခါမီးခိုရောင်မြူကဘာမှန်းသိသွား၍ချူဖုန်းအံအားသင့်သွားသည်။
      
       အိမ်မက်မြူခိုးသားရဲ
      
       မီးခိုးရောင် အငွေ့များ က အိမ်မက်မြူခိုးသားရဲမှထုတ်လွှတ်သောမြူများဖြစ်သည်။အိမ်မက်မြူခိုးသားရဲသည်ပုံသဏ္ဍာန်မရှိသောသားရဲဖြစ်သည်။သူ့၏အခိုးအငွေ့များကသူ့ခန္တာကိုယ်ပင်ဖြစ်သည်။
      
       ထိုသားရဲများကရန်သူများကိုမသိလိုက်ပဲပုံရိပ်ယောင်ထဲသို့ခေါ်ဆောင်ကာလှည့်ဖျားသတ်ဖြတ်ကျသည်။တိုက်ခိုက်ပုံကအလွန်ထူးဆန်းလှသည်။
      
       သူ့၏အရင်ဘဝတွင်လူအများအပြားကအိမ်မက်မြူခိုးသားရဲအား အိမ်မွေးတိရစ္ဆာန်အဖြစ်လိုချင်ကြသည်။
      
       အိမ်မက်မြူခိုးသားရဲကတိုက်ပွဲအလယ်တွင်ပြိုင်ဘက်ကိုတုံ့ဆိုင်းစေရန်ထိုတိုက်ခိုက်မှုအားထုတ်လွှတ်လိုက်ပါကတိုက်ပွဲအခြေအနေအားအလှည့်အပြောင်းများစွာဖြစ်လာနိုင်သည်။
      
       အတွေ့ရအများဆုံးအိမ်မက်မြူခိုးသားရဲများမှာ အဆင့် B များသာဖြစ်သည်။ A+ အဆင့်တစ်ယောက်ပင်လျှင် ထိုအဆင့် B အားဖမ်းယူရန်အလွန်ခက်ခဲသည်။
      
       အခုသားရဲ၏မြူခိုးမှာမီးခိုရောင်ဖြစ်နေသောကြောင့် အဆင့် B သားရဲဖြစ်လိမ့်မည်။
      
       အိမ်မက်မြူခိုးသားရဲများတွင်လည်း S အဆင့်သို့ရောက်ရှိနိုင်သော အိမ်မက်မြူခိုးသားရဲများရှိသည်ဟုဒဏ္ဍာရီများအရသိရသည်။
      
       S အဆင့်ကျွမ်းကျင်သူတစ်ယောက်အတွက်ပင်အလွန်ကံကောင်းမှသာ S အဆင့်အိမ်မက်မြူခိုးသားရဲအားရနိုင်သည်။
      
       ချူဖုန်းကသူအလွန်ကံဆိုးကြောင်းတွေးထင်မိသည်။ကမ္ဘာမြေပေါ်မှအလာတွင်{ အထွေထွေပစ္စည်းရွှေစာရင်း}မှသားရဲဖမ်းဘောလုံးများအားမလဲလှယ်လာမိပေ။ဒီလိုမှမဟုတ်ရင်ရှားပါးသားရဲတစ်ကောင်အားဖမ်းယူနိုင်မည်ဖြစ်သည်။
      
       အိမ်မက်မြူခိုးသားရဲနှင့်ဆိုပါက {အိမ်မွေးတိရစ္ဆာန်ရွှေစာရင်း}အားကျိန်းသေပေါက်ဝင်လိမ့်မည်။
      
       ဒါဆိုရင်သူက {အိမ်မွေးတိရစ္ဆာန်ရွှေစာရင်း}မှမြင့်မြတ်ဆုအားထပ်ရယူနိုင်လိမ့်မည်။