ကမ္ဘာလုံးဆိုင်ရာရှင်သန်ခြင်း
အပိုင်း (91) ဆက်တိုက်ကျော်ဖြတ်ကျခြင်း
ချူဖုန်း၏ လုပ်ရပ်က အားလုံး၏ နှလုံးသားအားအနိုင်ယူသွားခဲ့သည်။လူတိုင်းက ချူဖုန်းအား နတ်ဘုရားတစ်ပါးကဲ့သို့ကြည့်နေကြသည်။
ခုချိန်တွင် သတ္တမမြောက်စစ်အခြေ စိုက် စခန်းတွင် သူ၏ စကားက ချူဖုန်းလောက်မထိရောက်တော့ကြောင်း ဝေရှောင်ကော သိနေသည်။
ဝေရှောင်ကော ကအဲ့ဒါကိုမှားနေတယ်လို့မထင်မိပေ။ သူကိုယ်တိုင်တောင် ချူဖုန်း ၏အနိုင်ယူ ဆွဲဆောင်ခြင်းကို ခံလိုက်ရပြီဖြစ်သည်။
ထိုအချိန်တွင် ကွဲလွဲသောအသံတစ်ခုကထွက်ပေါ်လာသည်။
"ဟားးးးး ငါအဆင့် C ကိုချိုးဖြတ်နိုင်သွားပြီကွ ငါက အသက်နှစ်ဆယ်ထဲနဲ့အဆင့် C ကို ချိုးဖျက်နိုင်တဲ့ စူပါဂျီးနီးယပ်ပဲကွ"
အဲ့တာက ထုံးစံအတိုင်း လီဖန်းဖြစ်သည်။သူက သူ့၏ကျင့်ကြံခြင်းတွင် နစ်မြုပ်နေသောကြောင့် အပြင်မှာဘာတွေဖြစ်သွားလဲမသိလိုက်ပေ။
သူက ဝိညာဥ်သစ်သီး၏ အစွမ်းအကုန်ကို စုပ်ယူလိုက်ပြီးအဆင့်ချိုးဖျက်နိုင်လိုက်သောကြောင့် သူ့အောင်မြင်မှုတွင်နစ်မျောနေခဲ့သည်။
အသက် နှစ်ဆယ် အဆင့် C ပညာရှင်တစ်ယောက်က ဂျီးနီးယပ်ဟုခေါ်လို့ရသည်။လီဖန်း ကပတ်ဝန်းကျင်မှ ချီးကျူးစကားကိုကြားချင်သော်လည်း တစ်ခုခုမှားနေမှန်း ခံစားလိုက် ရသည်။
သူ့အားဘယ်သူမှဂရုတစိုက်ကြည့်မနေပေ။လီဖန်းက စိတ်မလျော့သေးပဲလီယာကို
"ရှောင်းယာ ၊ ငါအဆင့် ကျော်ဖြတ်သွားပြီ၊ အကြီးဆုံးစီနီယာအစ်ကိုနဲ့ အဆင့်တူဖြစ်သွားပြီ"
" အော်" လီယာ ကဂရုမစိုက်စွာပြောလိုက်သည်။
ချူဖုန်းရဲ့လက်ချောင်းထက်စာရင် မင်း အဆင့် C ကိုကျော်ဖြတ်နိုင်တာ ဘယ်သူဂရုစိုက်မှာလဲ။ဟိုက အဆင့် C တွေအကုန်လုံးကိုလက်တစ်ချောင်း နဲ့ဖိနှိပ်နိုင်နေတာကို။
ပြီးတော့ ချူဖုန်းက အဆင့် B သစ်သီးအများကြီးထုတ်ပေးထားလို့ လူတိုင်းက အဆင့် C ကိုကျော်ဖြတ်နေနိုင်ပြီလေ၊ မင်းကို ဂရုစိုက်မယ်ထင်နေလား။
လူတိုင်းက သူ့ကို ဂရုမစိုက်သောကြောင့် လီဖန်း ကနံရံကိုမျက်နှာမူကာ တိတ်တိတ် ဆိတ်ဆိတ် ပင်နေလိုက်သည်။
အချိန်နှင့် ဒီရေသည်လူကို မစောင့်ပေ။
အားလုံးက ကပ္ပတိန်ဝေ၏ ဦးဆောင်မှုအောက်တွင် ကျင့်ကြံမှု အသစ်ကိုစတင်လိုက်ကြသည်။
လူတိုင်းက ဘတ်စကတ် ကွင်းနှင့် ဆင်တူသောအလုံပိတ်ခန်းကြီးထဲသို့ဝင့သွားလိုက်ကြသည်။ထိုအခန်း၏ လေထဲတွင် ကြီးမားသောဝိုင်ယာကြိုးများရှိနေသည်။
ထိုကြိုးများထဲတွင် အမည်မသိသောအရည်တစ်ချို့စီးဆင်းနေသည်။လီဖန်းနှင့် သူညီမ ကလည်းထိုအခန်းထဲတွင်ရှိနေသည်။
လီဖန်းက သူညီမ ပြောပြသောကြောင့် ချူဖုန်း၏ လက်ညိုးအကြောင်းအားသိလိုက်ရချိန်တွင်စိတ်ပျက်သွားခဲ့ရသည်။သူက ကျင့်ကြံနေသောကြောင့် အဓိက ပွဲတော်နှင့် လွတ်သွားခဲ့ရသည်။
YOU ARE READING
ကမ္ဘာလုံးဆိုင်ရာရှင်သန်ခြင်း(1 to ongoing)
Adventureအဟမ်း အားလုံးပဲမဂ်လာပါဗျစာစဥ်လေးတစ်ခုနဲ့မိတ်ဆက်ပေးပါရစေ၊စနစ်ပုံစံလေးပေါ့ဗျာ၊နိုင်ငံAမှာမိုင်းတွင်းတူးဖော်တဲ့အလုပ်သမားတွေကနတ်ဆိုးတွင်းနက်ကြီးတစ်ခုကိုတူးဖော်မိသွားတယ်၊ကမ္ဘာကြီးမှာဝိညာဥ်စွမ်းအင်တွေထွက်ပေါ်လာတယ်၊အဲ့လိုပဲနတ်ဆိုးတွေလည်းပေါ်ပေါက်လာခဲ့တယ်။ရ...
