Way Back Home ( Completed )

1🍂

Unicode

ဒယ်ဂူမြို့၊ ဂူဟွာ​ (၂၀၁၁) ခုနှစ်။

အပူအ​အေးမျှတစွာ​တိုးဝင်​နေတဲ့ သဘာဝဆန်ဆန်​လေ​အေး​အေးဟာ အိမ်အမှတ်(၃၀၆) ဟုရေးမှတ်ထားသည့်နှစ်ထပ်တိုက်ပု​​လေးရဲ့အ​ပေါ်ထပ်အခန်းကျဥ်း​လေးထံဖြတ်သန်းတိုက်ခတ်နေသည်။

တစ်ကိုယ်စာကုတင်​လေး​ပေါ်ပုစွန်ထုတ်​လေးသဖွယ်​ကွေး​ညွှတ်​နေတဲ့ခန္ဓာကိုယ်​လေးတစ်ခု။ ​ပေါင်တံလေးနှစ်ဖက်ကြားလက်တိုးကာ အ​​အေးဓါတ်​ပျောက်ကွယ်​အောင်​​နွေး​ထွေးမှုယူ​​နေ​​တော့သည်။

​​လေတစ်ချက်ဖြတ်တိုက်သွားအခိုက်မှာအေးမြသွားတဲ့ခံစားချက်ကိုရလိုက်တာမို့ပြုံးလိုက်ရင်း​ .. ​ခေါင်းလုံးလုံးက​လေးခုအိပ်ထားတဲ့​ခေါင်းအုံး​လေး​ပေါ် ပိုတိုးပွတ်သပ်လိုက်သည်ဟာ ​ဇိမ်ခံမှုကိုနှစ်သက်သည့်ကြောင်​လေးတစ်​ကောင်နှယ်။

" ​မြေးရေထ​တော့​လေ "

ကြား​​နေကြအသံချိုချို​ကြောင့် နှုတ်ခမ်းတို့ကပြုံး​ယောင်သန်းသွား​ပေမဲ့ ​ဟန်​ဆောင်စွာဆက်​မှေး​နေလိုက်​တော့ ခဏအကြာအခန်းတံခါး​ဖွင့်သံတိုးတိုးနဲ့အတူ ကုတင်ဟာလဲအိကျသွားပြီး ..

" ​မြေး​လေး .. ထ​​တော့​လေ "

ဆံနွယ်နုနုကိုဖွဖွပွတ်သပ်ရင်းလှုပ်နှိုး​နေမှုမှာ သူ့နှုတ်ခမ်းတို့ပြုံးသ​ယောင်​ယောင်ဖြစ်သွား​ပေမဲ့ မျက်ဝန်းတို့ကိုထိုအတိုင်း​မှေးမှိတ်လျှက်သားဖြင့် အိပ်​ပျော်​နေသဖွယ်ငြိမ်​သက်​နေလိုက်သည်။

" အိပ်ချင်ယောင်ဆောင်တဲ့သူနှိုးရခက်တယ်တဲ့ .. ဒီက​လေး​တော့ မထ​သေးပဲလှိမ့်​နေတယ်​ပေါ့​လေ "

လှုပ်ရွရွဖြစ်​နေသည့်မျက်​တောင်​တွေ​ကြောင့် ဖွားကရိပ်မိသွား​​တော့သူဆက်ပြီးဟန်မ​ဆောင်နိုင်​တော့​ပဲ ဟီးကနဲပြုံးလိုက်မိ​တော့သည်။

" နိုးပါပြီဖွားရဲ့ .. သားကအိပ်ချင်ယောင်ဆောင်နေတာမဟုတ်ရပါဘူး၊ ရုတ်တရက်ကြီးထလိုက်ရင် စိတ်က​လေးမကြည်လို့ ခဏ​လေး​အချိန်ယူတဲ့သ​ဘောမျိုးပါ​နော် "

နှုတ်ခမ်း​လေးဆူကာခပ်ချွဲချွဲ​လေး​ပြောလိုက်​တော့ ဖွားကအသံထွက်သည်အထိရယ်လာသည်။ အရွယ်​ရောက်ခါနီး ၁၆နှစ်သားတိုင်းဟာ သည်လိုပဲချစ်စရာ​ကောင်း​နေသည်တဲ့လား ..။ ဒါမှမဟုတ် ထယ်​ယောင်း​​ဆီမှာမှထိုအပြုအမူ​လေး​​​​တွေက ချစ်ဖို့​ကောင်း​နေခဲ့သည်လား။