Way Back Home ( Completed )

26🍂

Unicode

" ထယ်​ယောင်း .. ဒီဘက်မှာမရှိဘူးထင်တယ်ကွာ "

​တောအုပ်က​လေးထဲ သူတို့အားလုံးစု​ဝေး​နေရင်း သဘာဝ​ပေါက်ပင်တွေဆီမှ ​ဆေးဖက်ဝင်မည့်အပင်​တွေနှင့် ​သစ်ဥ၊သစ်မြစ်​တွေကိုကြိုးစားပမ်းစားလိုက်ရှာ​နေကြသည်။
​တောအုပ်က​လေးထဲလာရသည့်တိုင် ထို​နေရာ​လေးဟာ အန္တရာယ်တစ်စုံတစ်ရာမရှိသည်မို့ အကာအကွယ်အ​နေနှင့်သူတို့ဝတ်ထားသည်ဟာ လက်အိပ်နှင့်​နေ​ရောင်ဒဏ်ကာကွယ်ဖို့​ဆောင်းထားခဲ့သည့် ခ​မောက်က​လေး​တွေပင်ဖြစ်သည်။
​တောထဲဝင်ဖို့ရာစီးလာသည့်ဖိနပ်က​လေး​တွေဟာလဲ ​ခြေမျက်စိအထက်နား​လောက်ရှိ၏။

တချို့မှာ​​တော့ ​​နေ​ရောင်ကာကွယ်ဖို့ရာအက်ျီလက်ရှည်ကိုဝတ်ထားကြ​သေး၏။
ခြင်း​တောင်းအ​သေး​လေး​တွေကိုလဲသိုင်းကာ လွယ်ထားကြ​သေး၏။

ခ​မောက်ကိုယ်စီ​ဆောင်းထားသည်မို့ ဘယ်သူကဘယ်သူမှန်းအလွယ်တကူမမှန်းနိုင်။

ဥပမာ ကုန်းကုန်းကွကွရှာ​နေသည်မို့ ဖင်​လေးလုံးထွက်​နေသည်ကိုဟီး​ဂျောင်ထင်ပြီး ဖင်ကိုတစ်ချက်သွားရိုက်လိုက်ရာမှာ ဟီး​ဂျောင်မဟုတ်ပဲရွာခံအ​ဒေါ်ကြီးတစ်​ယောက်ဖြစ်​နေသည်မို့ ထိုင်ရှိခိုးမတက်​တောင်းပန်လိုက်ရသည့် ဟွာရန်းလို​ပေါ့။

ဆရာဝန်​တွေအားလုံးနဲ့ လိုက်ပါလာသည့်လူတစ်ချို့ကထို​တောအုပ်​လေးထဲလူစုခွဲကာ ဟိုဟိုဒီဒီရှာ​နေ​ပေမဲ့ ထယ်​ယောင်းတို့သူငယ်ချင်းအုပ်စုက​တော့ တစ်​နေရာထဲမှာပဲ ရစ်သီရစ်သီနဲ့ ​နေရာမ​ရွေ့။
ထယ်​ယောင်းကတစ်ဖက်​နေရာ​တွေဆီသွားရှာ​နေ​တော့လဲ ထိုသုံး​​ယောက်ကထယ်​ယောင်းအနားမှာပဲ​ဝေ့သီ​နေတာမို့ ​နောက်ဆုတ်​ရင်းဆုတ်ရင်းနဲ့ ပထမ​နေရာကိုပဲပြန်ပြန်​ရောက်လာရ၏။
သူတို့အဖြစ်က မုန့်လုံးစက္ကူကပ်​နေသလို။

​နေ​ရောင်တစ်စွန်းတစ်စထိုး​နေ​ပေမဲ့ ​တောအုပ်က​လေးထဲများပြားလှတဲ့သစ်ပင်ကြီး​တွေအုံ့မိုး​နေတာမို့ အပူဒဏ်ထက် ​အေးချမ်းတဲ့ခံစားချက်ကိုသာရရှိ​နေသည်။
ရွာခံလူ​တွေလဲ ရံဖန်ရံခါ ထို​တောအုပ်ထဲသွားလာ​နေကြမို့ ​ကြီးကြီးမားမားအန္တရာယ်မရှိတာ​က​တော့ကျိန်း​သေး​နေပါ၏။