Way Back Home ( Completed )

22🍂

Unicode

အသီးဗူး​လေးကိုဖွင့်ကာ ​​ဂေဟာမှထယ်​ယောင်းတစ်​ယောက်ထဲထိုင်​နေကြခုံတန်း​လေးဆီ အခု​မှာတော့ ​ဒေါက်တာနဲ့အတူ။

ခုံတန်း​လေး​ပေါ်ထိုင်သည်တိုင်း ​​မြေပြင်နဲ့ထိကပ်မ​နေသည့်​ခြေ​ထောက်က​လေးကိုလွှဲတက်သည့်အကျင့်​လေးဟာ​လဲ ငယ်စဥ်ကတည်းကအခုထိမ​ပျောက်ပျက်​သေးခဲ့။
ငယ်စဥ်ထဲက အခုထိလဲ ထယ်​ယောင်းမှာထိုခုံတန်း​လေးဆီထိုင်သည်တိုင်း ​​​ခြေ​ထောက်နဲ့မြေပြင်ထိကပ်သွားသည်ဆိုတာမျိုးမရှိခဲ့ပါ။

​​ခေါင်းငုံ့ထားလျှက်အ​နေအထားဖြင့် ​ဒေါက်တာ့ဘက်​အနည်းငယ်​စောင်းကြည့်​တော့ ​​ဒေါက်တာ့​ခြေ​ထောက်နဲ့​မြေပြင်ဟာ​တော့ ကွက်တိအ​နေအထားမှာပင်။
ထိုအရာကိုကြည့်ရင်း ထယ်​ယောင်းအဖြစ်အပျက်တစ်ချို့ကိုပြန်သတိရမိသည်။

၁၄နှစ်သား ဧည့်သည်​ကောင်​လေးဆိုလျှင်လဲဒီ​နေရာမှာအမြဲထိုင်သည်တိုင်း ထယ်​ယောင်းလိုပဲ​ခြေ​ထောက်နဲ့​မြေပြင်ဟာ ထိကပ်မ​နေခဲ့ပါ။
နှစ်​ယောက်သားအတူတွဲထိုင်တိုင်း ထယ်​ယောင်း​ခြေ​ထောက်​​လေး​တွေဟာ တစ်ယမ်းယမ်းလွှဲတက်​နေခဲ့ပြီး သူ့​ခြေ​​ထောက်​လေး​တွေက​တော့ ချထားသည့်အတိုင်းငြိမ်​နေခဲ့ပါသည်။

ယခုမှာလဲ ထပ်တူပါပဲ ..။
မသိမသာလွှဲ​နေခဲ့တဲ့ ထယ်​ယောင်း​ခြေအစုံနဲ့ .. ​မြေပြင်​ပေါ်ချထားသည့်အတိုင်းငြိမ်​နေခဲ့တဲ့ ​ဒေါက်တာ့​ခြေအစုံ။

အ​ဝေးမှာ​တော့ ချိန်းကြိုးတန်းလန်း​လေးဖြင့်ရပ်ထားရသည့် စက်ဘီးက​လေးလဲရှိ​နေပါ၏။

" ကင်မ်ထယ် "

" ဗျာ "

​ခေါ်လိုက်သည့်အချိန်အလိုက်တသိ​လေးထူးမိ​တော့ သူ့ကိုကြည့်လာသည့်​ဒေါက်တာ့အကြည့်​တွေကရီ​​ဝေ​ဝေ .. ပြီး​တော့ .. ​ဆွေး​မြေ့​မြေ့။

" ဒီ​နေရာ​လေးက ​အေးချမ်းတယ်​နော် "

​ဂေဟာဝန်းပတ်ပတ်လည်ကိုအကြည့်တို့ပို့လိုက်ရင်း ဆိုလာခဲ့သည်။
ထယ်​ယောင်းလဲ ​ဒေါက်တာ့ဆီမှအကြည့်တို့ကိုဖယ်ခွာလိုက်ရင်း အ​ရှေ့သို့ပြန်လှည့်ကာ ဖွဖွပြုံးလိုက်သည်။