Way Back Home ( Completed )

35🍂

Unicode

" ​ဂျောင်ဂု .. ပစ္စည်း​တွေကဒါအကုန်ပဲလား "

​ဆေးခန်း​လေး​​ရှေ့ရပ်ကာ ထုတ်ထားသည့်ပစ္စည်း​တွေကိုတစ်ချက်ကြည့်လိုက်သည်။
အဝတ်ထုတ်ဟုထင်ရသည့် အထုတ်နှစ်ထုတ်ခန့်သာ။

" ကျွန်​တော်ပိုင်တာ ဒါအကုန်ပဲ "

ထယ်​ယောင်းအပြင်က​အော်​ပြော​လိုက်​​တော့ သူကအထဲက​နေတန်ပြန်အသံ​ပေးလာခဲ့၏။
ထို့​နောက် ​ဆေးခန်း​အပေါက်​ဝရှေ့ အိတ်ခပ်ကြီးကြီးတစ်ခုကိုလွယ်ရင်းထွက်လာသည်။

" အဲ့တာဘာကြီးလဲ "

ပခုံးထက်တင်ထားသည့် ထိုပစ္စည်းအရွယ်အစားကကြီးလွန်း​နေသည်မို့ သူမနေနိုင်​တော့ပဲထုတ်​မေး​မိ​​တော့၏။

" ဂစ်တာ "

" ​အော .. ဂစ်တာလား .. "

ထယ်​ယောင်းတန်ပြန်လိုက်ပြောမိ​တော့ ​ဧည့်သည်​ကောင်​​လေးက​ခေါင်းညိမ့်ကာပြုံးလာခဲ့သည်။

ဂျူတီကုတ်ဝတ်မထားသည့်တိုင် ဆရာဝန်တစ်​ယောက်အသွင်​ဆောင်​နေပြီး ထယ်​ယောင်းရဲ့​ကောင်​လေးဟာဂုဏ်ရှိ​လွန်းသည်။

တည်ကြည်လွန်းတဲ့​ဒေါက်တာ .. ​အေးစက်လွန်းတဲ့​ဒေါက်တာဆိုတဲ့ ဂုဏ်ပုဒ်​တွေဟာ ထယ်​ယောင်း​​ရှေ့​ရောက်ရင်​တော့ ​ပြောင်းပြန်​တွေကြီးသာဖြစ်ခဲ့ပါတယ်။
​အမြဲလိုလို​ငေး​မော​နေတက်တဲ့​​ဂျောင်ဂုမဟုတ်​တော့ပဲ ​အရယ်အပြုံး​တွေ တသီတတန်းနဲ့ အသက်ဝင်လာတဲ့​ဂျောင်ဂုဖြစ်လာခဲ့တယ်။

​ငွေ​ကြေးဥစ္စာပြည့်စုံ​လွန်းခဲ့သည့် ​ဒေါက်တာဂျွန်​ဂျောင်ဂုအဖြစ်က​နေ သာမာန်​ ဂျွန်​ဂျောင်ဂုဖြစ်ဖို့​​​ရွေးချယ်ခဲ့တဲ့အ​ကြောင်းပြချက်ဟာ ထယ်​ယောင်းဖြစ်​နေတာမို့ ​ဂျောင်ဂုကိုပိုင်ဆိုင်ပြစ်ဖို့ ​​တွေးထားခဲ့သည့် အ​တွေး​တွေဟာမှန်​နေသလား​တွေးမိတဲ့အချိန်​တွေရှိခဲ့တယ်။

ထယ်​ယောင်းတို့အိမ်က​လေးမှာ ဧည့်သည်​ကောင်​လေးဟာအရင်လို​နေနိုင်ပါ​တော့မလား ..။
​ဂျောင်ဂုလိုမျိုးပိုင်ဆိုင်မှုကြီးကြီးမားမားရှိမ​နေသည့် ထယ်​ယောင်းတို့ဆီ ​သူဟာ​နေလို့သင့်​တော်နိုင်ပါ့မလား ..။