Way Back Home ( Completed )

23🍂

Unicode

" ​​မေ​မေ့စကားကိုနားမ​ထောင်တာလား သား "

​ဆေးရုံသွားဖို့အတွက်ပြင်ဆင်ကာဆင်းလာရင်း ဧည့်ခန်းထဲထိုင်​စောင့်​နေသည့် သူ့ကိုမြင်သည့်တိုင် ထိုက​လေးဟာမမြင်ချင်ဟန်​​ဆောင်​နေခဲ့ပါသည်။

​သူ့ဘက်ကပဲစတင်၍ စကားစလိုက်သည့်အခါ တံခါးဝသို့လှမ်း​နေသည့်​ခြေလှမ်း​တွေဟာရပ်တန့်သွားပြီး တစ်ချက်သာစောင်းငဲ့ကြည့်​လာရင်း ဒီ​ကောင်​​လေးဟာသူ့ကိုဘာတစ်ခွန်းမှပြန်မ​​ပြောခဲ့။
အဲ့တာထက် .. သူနဲ့မပြောချင်​တာဆိုပိုမှန်လိမ့်မည်ထင်သည်။

" ​ဆရာဝန်ဖြစ်ချင်တာကို ​​မေ​မေလိုက်​​လျော​ပေးခဲ့တယ်။ ဂူဟွာမှာ​နေချင်တယ်လို့​ပြောခဲ့တုန်းကလဲ ​​မေ​မေအဆင်​မပြေရင်​တောင် မင်းအတွက်လိုက်​လျော​ပေးခဲ့ပြီးပြီ "

​ပြော​နေကြစကား​တွေဖြစ်လင့်ကစား သူအမြဲထပ်​ပြော​နေဦးမည်။
စိမ်းသက်​နေတဲ့ သားနဲ့သူ့ရဲ့ကြားကဆက်ဆံ​ရေးကို​ပြေလည်ဖို့အတွက် သူဒါ​တွေကိုဆက်​ပြော​နေရဦးမည်။

သူ့ဘက်ကဘာ​တွေ​ပဲ​ပြော​နေပါ​စေ ထိုက​လေးဟာတုတ်တုတ်မလှုပ်ခဲ့ပါ။

" လိုအပ်သမျှအကုန်​​မေ​မေဖြည့်စည်း​ပေးခဲ့ပြီထင်တာပဲသား။ အိမ်၊ကား၊ပစ္စည်း​တွေ .. ​နောက်ဆုံး ဂူဟွာ​ဆေးရုံကြီးအထိ။ ဒါကို​မင်းက​ဘာမဟုတ်တဲ့ရပ်ကွက်က​လေးထဲ ​​ကိုယ်ပိုင်ဆေးခန်း​လေးကို​​မေ​မေမသိ​အောင်ဖွင့်ခဲ့တယ်။ ဒါကဆန့်ကျင်တဲ့သ​ဘောလားသား။ မင်းက​​မေ​မေ့သားပါ .. မင်းလုပ်​နေသမျှအရာအားလုံးကို​​မေ​မေသိတယ်။ ပြီး​တော့ .. မင်းအခုရှိ​နေရမှာက ဒီရပ်ကွက်​လေးထဲမှာမဟုတ်ဘူး "

တစ်ချက်မှလှည့်ကြည့်မလာခဲ့တဲ့ သူ့ရဲ့သားဟာ တကယ်ကိုပြတ်သားလွန်း​ခဲ့သည်။
ဒါဟာလဲ သူ့​သွေးပါ​နေခဲ့သည်​ကြောင့်။

ဧည့်ခန်းအတွင်းကအသက်ရှူသံ​တွေသည်​တောင် ကျယ်​လောင်​နေခဲ့သလို။

" ကျွန်​တော်ဘာ​တွေများထပ်လုပ်​ပေးရမလဲ မဒမ် "

လွန်ခဲ့တဲ့ ၁၀နှစ်မှစပြီး အိမ်​လေးဆီပြန်​ခေါ်လာခဲ့တဲ့သူ့ရဲ့သားဟာ သူ့ကို​​​​မေ​မေလို့တစ်ခွန်း​တစ်​လေ​တောင်ထပ်မ​ခေါ်ခဲ့ပါ။
ထို ၁၀နှစ်အတွင်းတစ်​​ခေါက်တစ်​လေ​​​တောင်​ပေါ့။