Way Back Home ( Completed )

10🍂

Unicode

မြေသင်းနံ့တို့​မွှေးထုံ​နေတဲ့လမ်းက​လေး​ပေါ် ချိုချဥ်နှစ်ခုကိုတစ်ဖက်စီကိုင်ကာ ထိုင်​နေကြသစ်ပင်ကြီး​အောက်မှခုံတန်း​လေးဆီဖြည်းဖြည်းချင်း​လျှောက်လာ​နေသည်။

ရုတ်တရက်ဆိုသလို​ပြောလာခဲ့တဲ့ ဧည့်သည်​ကောင်​​လေးရဲ့စကား​ကြောင့် ထယ်​ယောင်းတို့​ဂေဟာကို​ရောက်လာ​ခြင်းပင်။

​'ဂေဟာက ခုံတန်း​​လေးဆီခဏ​လောက်သွားထိုင်ကြမလား' တဲ့​လေ။

ဘယ်သူ​တွေဘယ်​လိုခေါ်​ခေါ်မလိုက်ချင်ခဲ့သူဖြစ်​ပေမဲ့ ​ဒီတစ်ခါခေါ်လာသည်က​တော့ဧည့်သည်​ကောင်​​လေးတဲ့​လေ။
ထယ်​​ယောင်း မငြင်းမိပါ။

မိုး​ရေစက်​တွေတစ်​ပေါက်ချင်းကျ​နေတဲ့လမ်း​လေး​တွေ​ပေါ် နံ​​ဘေးမှအတူတွဲပါလာသည့်ဧည့်သည်​ကောင်​လေးကိုခိုးကြည့်ရင်း ​​လျှောက်လှမ်းရသည့်​ခြေလှမ်း​​တွေဟာ မိုး​မှောင်​မှောင်ကြားမှာအ​တောက်ပဆုံးဖြစ်​နေခဲ့တာ ..။

" ​ဂျောင်ဂု​ရေ .. ဒီမှာ ဒီမှာ "

နှစ် ၂၀သက်တမ်းရှိ ​ဂေဟာအတွင်းမှသစ်ပင်ကြီး​​အောက် ဝါးခုံတန်း​လေး​ပေါ်ထိုင်ကာ တစ်​​နေရာကို​ကြည့်မြဲကြည့်လျှက်​​ငေး​​​မော​နေသည့်​ကောင်က​လေးဟာ ထယ်​ယောင်းအသံကြား​တော့ ဆက်ခနဲလှည့်ကြည့်လာပါသည်။

လက်ထဲပါလာတဲ့ချိုချဥ်နှစ်လုံးကိုမြင်သာ​အောင် ​​ဝှေ့ယမ်းရင်းခါပြလိုက်​တော့ သူ့နှုတ်ခမ်းတို့ပြုံးသွားသည်ထင်၏။

အနား​ပြေးသွားပြီး ​နံဘေးမှ​နေရာလွတ်က​လေးကိုဝင်ထိုင်လိုက်​တော့ မျက်ဝန်းဝိုင်းဝိုင်း​လေး​တွေဟာ ထယ်​ယောင်းကိုခပ်​ဆွေး​ဆွေးကြည့်လာခဲ့သည်။

" ​တော်​သေးတယ်ငါတို့​နောက်မကျလို့ .. ​ဂေဟာမှူး​ဒေါ်​ဒေါ်က ​ပေးလိုက်တာ။ အဲ .. ​ပေးလိုက်တာ​တော့မဟုတ်ဘူး .. ငါ​တောင်းလာတာ ဟီး "

စပျစ်အရသာချိုချဥ်က​လေးကိုကမ်းပေးလိုက်​တော့ သူ့လက်​​​သေး​သေးလေး​တွေဖြင့်ယူလာသည်။
ထယ်​ယောင်းလက်ထဲမှာ​တော့ စ​တော်ဘယ်ရီအရသာ​လေးပင်။