Way Back Home ( Completed )

5🍂

Unicode

မီးခိုး​ရောင်သန်း​နေပြီး တစ်စွန်းတစ်စပြာလဲ့လဲ့ထွက်​ပေါ်​နေသည့် စက်ဘီးက​လေး​ပေါ်​ခြေ​တစ်ဖက်ခွလျှက်သားဖြင့် ခြံ​ရှေ့ထွက်ကာတ​ကြော်​ကြော်​အော်​နေ​တော့သည်။

" ​ဂျောင်ဂု .. ဂုကီ .. ​ဂျောင်ဂုကီ​​ရေ .. မြန်မြန်လာ​တော့ကွာ "

သည်နေ့ဟာထယ်​ယောင်းတို့နှစ်​ယောက် ​ကျောင်းစတက်ရမည့်​နေ့ပင်။
အနက်​ရောင်​ကျောပိုးအိတ်က​လေးကို တစ်ဖက်သာလွယ်ထားပြီး ကျန်တစ်ဖက်က​တော့ထိုအတိုင်းချထားလျှက်သား။
ဖြူစွတ်စွတ်အက်ျီကို​တော့ ​​ကျောင်းဝတ်စုံ style pant အနက်ထဲထည့်ဝတ်ထားသည်မို့ ခန္ဓာကိုယ်အချိုးအစားဟာ ခန့်မှန်းကြည့်ရုံနဲ့တင်မြင်သာ​စေသည်။

အထက်တန်း​ကျောင်းသားဖြစ်​တော့မည်မို့ စီနီယာအကိုကြီး​တွေလုပ်တက်သည့်ထိုအပြုအမူ​တွေကို ထယ်​ယောင်း​​အ​သေးစိတ် လေ့လာထားတာဖြစ်သည်။

​ကျောင်းစဖွင့်သည့်​​နေ့မို့ အအိပ်မက်တဲ့ထယ်​ယောင်းမှာ စိတ်လှုပ်ရှားစွာဖြင့်မနက်မိုးလင်းသည်ထဲက ဖွားမနိုးခင်ကိုအ​စောကြီးနိုး​နေခဲ့ပြီး ​ကျောင်းသွားဖို့တက်ကြွ​နေတာဖြစ်သည်။
ပထမစစချင်းရက်မို့လား​တော့ မ​ပြောတက်။

" ​ဂျောင်​ဂု​ ဂျောင်ဂု​ ဂျောင် .. "

အသံဆာဆာ​အော်​နေရင်းမှ နှစ်ထပ်တိုက်ပု​လေးရဲ့​အောက်ထပ်တံခါးဆီမှ တ​ရွေ့​ရွေ့ထွက်လာတဲ့လူနှစ်​ယောက်​ကြောင့် ​အော်ဟစ်​နေခြင်းကိုရပ်တန့်လိုက်ပြီး သွားတန်း​ဖွေး​ဖွေး​လေး​တွေ​ပေါ်​အောင် ဟီးခနဲရယ်ပြလိုက်ပါ၏။

" ​မြေးနှယ် .. ဘာ​​တွေ​လျှောက်​အော်​နေတာတုန်း။ ​ကျောင်းချိန်ကအ​ဝေးကြီးလို​သေးတာကို ​ခဏနောက်ကျလဲဘာဖြစ်သလဲ "

" ဟာ ဖွားကလဲ .. ဒီ​နေ့ကပထမရက်​လေဗျာ ..။ အစ​ကောင်းမှအ​နှောင်း​သေချာတယ်ဆိုတဲ့စကားကိုလဲဖွားပဲခဏခဏ​ပြော​နေပြီး။ ပထမရက်မှာထဲက​နောက်ကျ​နေတယ်ဆိုရင်ဘယ်လိုလုပ်နား​ထောင်​ကောင်း​တော့မလဲ​နော်။ အဲ့လိုနဲ့နောက်ရက်​​တွေပါ​နောက်ကျ​နေရင်ဘယ်လိုလုပ်မလဲ .. အခုလို တက်တက်ကြွကြွ​လေးရှိတာ​ကောင်းပါတယ် "