Way Back Home ( Completed )

17🍂

Unicode

" ​မြေး​ရေ .. ဒီ​​နေ့မြို့ဝင်က​ဆေးရုံကြီးဆီ စပျစ်သီးပို့ဖို့ရှိတယ်​နော် "

ခူးပြီးရလာတဲ့စပျစ်ခိုင်တုတ်တုတ်ကြီး​တွေကို ခြင်းနှစ်ခြင်းထဲအ​သေအချာခွဲထည့်ရင်း ​ပြောလာသည်။
ခြံလုပ်ငန်းလုပ်တာမို့ ထယ်​ယောင်းတို့ခြံထဲမှထွက်သမျှသီးနှံ​တွေကို ထိုသို့မှာယူသူ​တွေဟာလဲအများအပြား။
ထိုအခိုက်​တွေဆို ထယ်​ယောင်းမှာအစဥ်အမြဲ စက်ဘီးတစ်စီးနဲ့ဂူဟွာတစ်မြို့လုံးပတ်ကာ delivery ​ကောင်​လေးဖြစ်ရပါ​တော့သည်။

" ဟင် .. ​ဆေးရုံကိုလား ဖွား "

​​ဝေးလံသည့်ဘယ်​နေရာကိုမဆိုသွားလိုက်ဖို့ဝန်မ​လေး​ပေမဲ့ ထယ်​ယောင်းထို​ဆေးရုံဆီ​တော့ထပ်မသွားချင်။
တစ်​ခေါက်​ရောက်ဖူးပြီးပြန်လာစဥ်ထဲက ​တော်​တော်နဲ့ဝမ်းနည်းစိတ်မ​ပျောက်သည်မို့ ထိုစိတ်ကို​​အားတင်း​မေ့​ဖျောက်ထားသည်​မှာတောင်မကြာ​သေး​ပေ။

" ဟုတ်တယ်​မြေးရဲ့ .. ​ဒေါက်တာယူ တဲ့ ဆရာဝန်မ​လေးထင်ပါတယ်​ ဖုန်းဆက်ပြီးမှာသွားတာ။ ​ဆေးရုံကိုပဲလာပို့​ပေးပါတဲ့ .. သူတို့လဲမအားလပ်ကြလို့​နေမယ် "

​တွေး​တောရင်း​ပြောလာသည့်ဖွားက ထယ်​ယောင်းကိုမကြည့်​သေး။
ထယ်​ယောင်းမှာ​​တော့ ထို​ဆေးရုံကိုထပ်မသွားချင်တာမို့ နှုတ်ခမ်း​လေးကအနည်းငယ်ဆူချင်ချင်​ဖြစ်​နေသည်။
သို့​ပေမဲ့ ထယ်​ယောင်းမှမသွားရင်လဲ သွားပို့မည့်သူကမရှိ​ပေ။
​ရွေးချယ်စရာမရှိသည့်​နောက် သူကပဲစိတ်​လျှော့ရင်းသက်ပြင်းဖွဖွချကာ ..

" အခုသွားရမှာလား ဖွား "

" ခဏ​နေမှပါ​ .. သူက​နေ့လည်ခင်း​လောက်​တော့လိုချင်တယ်​ပြောတယ် "

​ခေါင်း​လေးညိမ့်ရင်းအား​လျှော့စွာပင် အနီးမှစပျစ်​ခိုင်တို့ကိုယူရင်း ဖွားနည်းတူခြင်း​တွေထဲခွဲထည့်​နေလိုက်သည်။
ကြီး​ပေ့ဆိုသည့်အသီး​တွေသာတွဲလဲခို​နေသည့် စပျစ်ခိုင်ကြီး​တွေ။
တစ်လုံးဖြုတ်ကာ ပါးစပ်ထဲမသိမသာ​ကောက်ထည့်လိုက်သည်။
ဖွားက​တော့ ဒါကိုမမြင်ပါပဲ တစ်ကိုယ်ထဲသီချင်းတညဥ်းညဥ်းသာ။