Way Back Home ( Completed )

2🍂

Unicode

နေ့ရက်တိုင်းရဲ့နွေရာသီဟာ သူ့အစဥ်အလာအတိုင်းပုံမှန်ဆိုသလိုအိုက်စက်ကာပူ​နေခဲ့ပြီး ထယ်​ယောင်းရှင်သန်​နေထိုင်ရတဲ့သဘာဝတရားကြီးဟာလဲ သူ့အချိန်နဲ့သူပုံမှန်လည်ပတ်​နေခဲ့​သည်။
ထိုသို့မဟုတ်ပဲ ထယ်​ယောင်းရဲ့ ပုံမှန်လည်ပတ်ချိန်​တွေထဲကို​တော့ထပ်ပြီးတိုးဝင်လာခဲ့သည်က ​ဘေးအခန်းက​ကောင်​လေးပဲဖြစ်လို့​နေသည်။

ရောက်​ရောက်ချင်းမို့ ​လူကြောက်​တက်၍စကားနည်းသည်လားဟုထင်ခဲ့ရ​ပေမဲ့ ညစာစားချိန်ပြီးသည့်အချိန်အထိကိုထို​ကောင်​လေးဟာ ​အေးစက်မြဲ။

ဖွားထံမှ​ပြောလာသည့်စကား​တွေကို​တော့ ​သူ့ဘက်မှခေါင်းညိမ့်​ခေါင်းခါလုပ်တက်ပြီး ထယ်​ယောင်းကစကားတစ်ခွန်းတစ်ခွန်း​ပြောသည့်အချိန်တိုင်းမှာတော့ ထိုသို့မရှိပါပဲ ငြိမ်သက်လျှက်သာ ထယ်​ယောင်းမျက်နှာကိုကြည့်ရင်းနား​ထောင်​​နေ​တော့သည်။
ထို​ကောင်​လေးအ​ကြောင်းကိုစဥ်းစား​ရင်းပင် ညနက်သည်အထိ တစ်ညလုံးထယ်​ယောင်းအိပ်မ​ပျော်။
အိမ်​ရောက်တာတစ်ရက်မပြည့်​သေးသည့်တိုင် ပ​ဟေဠိ​ပေါင်းများစွာကထို​ကောင်​လေးထံရှိ​နေပါသည်။

" အာ .. ​နောက်ကျ​နေပြီပဲ "

အိပ်ယာထက်မှာငူငူကြီးထိုင်​နေရင်း နံ​ဘေး၌​အော်မြည်​နေတဲ့​ကျေးဌက်သံကိုကြားမှ သူ့မနက်ခင်းကိုအရင်ထက်ပို၍ အချိန်ဆွဲ​နေမိမှန်းသတိရ​တော့သည်။

တစ်​နေ့တာလုပ်ငန်းစဥ်​တွေကို ဆက်တိုက်လုပ်​ဆောင်အပြီး အခန်းထဲမှထွက်လာကာ ​ဘေးဘက်ဆီသို့အကြည့်​ရောက်မိ​​တော့ ပိတ်ထားဆဲဖြစ်တဲ့ ဧည့်သည်​ကောင်​လေးရဲ့အခန်း။

ခိုးကြည့်ဖို့ရာမရည်ရွယ်​ပေမဲ့ စူးစမ်းချင်တဲ့စိတ်က​လေး​ကြောင့်​ခြေသံကို​ဖော့ကာ တံခါးနားသို့တ​ရွေ့​ရွေ့တိုးကပ်သွားလိုက်သည်။
တံခါးဝ​ရှေ့အ​ရောက် တုန်ရီ​နေတဲ့လက်တို့ကို တံခါးလက်တန်း​ပေါ်ဖွဖွတင်လိုက်ဟန်ပြင်​တော့ စိတ်သွားတိုင်းလက်မပါပဲ အ​နောက်သို့သာပြန်ပြန်ဆုတ်​နေမိ​တော့သည်။

ထယ်​ယောင်းပုံစံကမသိရင် သူများပစ္စည်းကိုသူများမသိ​အောင်ယူ​​တော့မည့်ပုံစံနှယ်။
အရင်ကဆို ထယ်​ယောင်းနဲ့သိသိမသိသိ ထယ်​ယောင်းဘက်ကစကား​လိုက်​ပြောရင်း လက်ကိုင်တာ​တွေ၊ ပခုံးဖက်တာ​တွေ ထိုသို့​သောရဲတင်းသည့်အပြုအမူမျိုးကိုက​လေးပီပီလုပ်​​​လေ့ရှိ​ပေမဲ့ သည်​ကောင်​လေးနဲ့ကျမှ ထိုသတ္တိ​တွေဟာလဲ အစပင်ရှာလို့မရသည်အထိ​ပျောက်ကွယ်ခဲ့ရ​တော့သည်။