Way Back Home ( Completed )

24🍂

Unicode

ခရီးသွားကား​လေးဟာ ရှင်းလင်း​နေတဲ့လမ်းမကြီးထက်ငြိမ့်​ငြောင်းစွာ။

ကားအတွင်းပိုင်း ခုံတွဲတစ်တွဲစီတိုင်းမှာ စကား​ပြောသံ​တွေကိုယ်စီဖြင့်။
တစ်ဦးနှင့်တစ်ဦး သိကျွမ်းမ​နေသည့်တိုင် အားလုံးကအတူတွဲသွားရမည့်လူ​တွေဖြစ်​နေတာမို့ တစ်ရင်းတစ်နှီးရှိကြ၏။
ထိုကားတစ်စီးလုံး တိတ်ဆိတ်​နေတဲ့​နေရာဆိုလို့ ​ညာဘက်ခြမ်းနောက်ဆုံးကနှစ်​ယောက်တွဲခုံက​လေးသာရှိပါတယ်။

စုံတွဲခုံအသီးသီးဟာ စကားတစ်တွတ်တွတ်​ပြောရင်းလိုက်ပါလာလျှက်ရှိ​​နေ​ပေမဲ့ ထယ်​ယောင်းတို့စုံတွဲခုံ​​လေးမှာ​တော့မတူ။
ရုတ်တရက်ဆိုသလို အတူတွဲသွားရမည့်​ဒေါက်တာချိန်းသွားသည့်အပြင်၊ နံ​ဘေး​ရောက်ရှိ​နေတဲ့​ဒေါက်တာကလဲ စထိုင်သည်ထဲကဘာဆိုဘာတစ်ခွန်းမှမ​ပြော။

နားကြပ်ကြိုးက​လေးကိုလဲပြန်မသိမ်းမိပါပဲ ထိုအတိုင်းသာ​ကျောက်ရုပ်သဖွယ်မတ်မတ်က​​လေးဖြစ်လို့​နေသည်။

ထယ်​ယောင်းနဲ့ အတူတွဲသွားရမည့်​ဒေါက်တာက ​ဒေါက်တာဂျွန်​ဖြစ်သွားတာလား .. အဲ့ဒီလိုများလား ..။

ပြတင်း​ပေါက်ဘက်ထိုင်​နေသည်ဆို​သော်ငြား သူ့အာရုံ​တွေဟာ ပြတင်း​ပေါက်အပြင်ဘက်ဆီရှိမ​နေ။
​ကားထိုင်ခုံအိအိက​လေး​ပေါ်ထိုင်​နေရ​သော်လည်း သူ့တစ်ကိုယ်လုံးတည့်မတ်လျှက်သားဖြစ်​နေပြီး နံ​ဘေးမှ​ဒေါက်တာဆီသို့လဲ မချင့်မရဲဖြင့်ခိုးကြည့်တက်​သေး၏။

ထိုင်ခုံအ​နောက်ကို​ခေါင်းမှီလျှက်​ ယူလာသည့်စာအုပ်တစ်အုပ်ကိုဖွင့်ဖတ်​နေတဲ့​ဒေါက်တာ။
မသိမသာခိုးကြည့်လိုက်​တော့ စာမျက်နှာ​ပေါ်ကဦး​ခေါင်းခွံပုံ။
အထဲမှအ​ကြောင်းအရာ​​တွေကိုထယ်​ယောင်း​သေချာမသိသည့်တိုင် ​ဒေါက်တာဖတ်​နေသည်ဟာ ဦး​နှောက်နဲ့ပတ်သတ်သည့်​ရောဂါအ​ကြောင်း​တွေပင်ဖြစ်လိမ့်မည်။

ခရီးသွားကား​ပေါ်အထိအနားမယူပါပဲကြိုးစားဖတ်​နေသည်မို့ ဒီ​ဒေါက်တာရဲ့စိတ်အားထက်သန်မှုကို​တွေ့​နေရသည်။
ဒါ​ကြောင့်လဲ ​Neurosurgeon Dr.John ဆိုတာဂူဟွာ​ဆေးရုံမှာအ​တော်ဆုံးဖြစ်​နေခဲ့တာ​ပေါ့။