MR BADBOY // j.jk x k.th

Chapter 74: អ្នកស្នងតំណែង

មួយសប្ដាហ៍ក្រោយមក៚ គ្រួសារទាំងបីបានមកជួបជុំគ្នានៅក្នុងវិមាន Jeon ដើម្បីត្រៀមខ្លួនធ្វើដំណើរចេញទៅកាន់ប្រលានយន្តហោះ។ ពួកគេគ្រប់គ្នាបានណាត់ជួបជុំគ្នារួចហើយតាំងពីសប្ដាហ៍មុនមកម្ល៉េះថានឹងនាំគ្នាទៅសួរសុខទុក្ខម្ចាស់តារបស់ពួកគេនៅឯបារាំង។ តាំងពីជាពីជំងឺមកនិងបានរៀបចំចាត់ចែងឲ្យចៅៗបានរៀបការស្របច្បាប់រួចអស់ហើយ ម្ចាស់តាក៏បានទៅនៅបារាំងវិញដែលជាទីកន្លែងកំណើតរបស់គាត់និងជាផ្ទះជាទឹកដីហើយក៏ជាកន្លែងធ្វើការរបស់គាត់ផងដែរ។

« មកជុំគ្នាហើយមែនទេ? អញ្ចឹងពួកយើងឆាប់ចេញដំណើរទៅប្រយ័ត្នខកជើង » Jungkook សួរទៅកាន់គ្រប់គ្នារួចទើបនាំគ្នាឡើងឡានរៀងខ្លួនដោយពួកគេជាអ្នកបើកបរទៅកាន់ប្រលានយន្តហោះដោយខ្លួនឯង។

Jungkook បានយកឡានមកចតទុកនៅកន្លែងផ្ញើរបស់ប្រលានយន្តជាមួយនិង Hyunjin និង Minho ។ បន្ទាប់ពីផ្ញើរួចរាល់គ្រប់គ្នាក៏អូសវ៉ាលីចេញមកពីគូទឡានរៀងខ្លួននិងធ្វើដំណើរទៅរកច្រកយន្តហោះ VIP របស់ពួកគេ។ គ្រួសារ Jeon គ្រួសារ Lee និងគ្រួសារ Hwang ត្រូវជិះយន្តហោះទៅជុំគ្នាប៉ុន្តែវាគឺជាយន្តហោះ VIP សម្រាប់តែគ្រួសាររបស់ពួកគេប៉ុណ្ណោះ។ ពេលដែលហើយរួចរាល់អស់ហើយទើបយន្តហោះក៏ចាប់ផ្ដើមចេញដំណើរទៅម្ដងបន្តិចៗ។

***

បន្ទាប់ពីចំណាយអស់រយៈពេលរាប់ម៉ោងពីទីក្រុង សេអ៊ូល ប្រទេស កូរ៉េ ខាងត្បូងទីបំផុតពួកគេក៏បានឈានចូលមកដល់ទឹកដីនៃប្រទេស បារាំង ទីក្រុង ប៉ារីស។ ឡានចំនួនបីគ្រឿងដែលត្រៀមនឹងទទួលពួកគេទៅកាន់វិមានលោកម្ចាស់ធំក៏បានមកជញ្ជូនវ៉ាលីពួកគេដាក់គូទឡានរៀងខ្លួននិងបានឡើងឡានគ្រប់គ្នារួចទើបឡានក៏បានធ្វើដំណើរចាកចេញទៅកាន់វិមានរបស់លោកម្ចាស់ Jeon ។

បន្តិចក្រោយមកឡានក៏បានមកដល់វិមានរបស់លោកម្ចាស់ធំហើយវាក៏យប់ទៅហើយដែរ។ Jaehyun បើកទ្វារឡានចុះចេញមកខាងក្រៅមុនគេរកតែអង្គរក្សបើកទ្វារឲ្យមិនចង់ទាន់ ទោះជាមេឃយប់ដល់ម៉ោងគេងក៏ដោយក៏ Jaehyun មិនខ្ចីងងុយគេងនោះដែរ ព្រោះតែគេនឹកលោកម្ចាស់តាទួតរបស់គេជាងនរណាៗទាំងអស់។ គ្រប់គ្នាក៏ចេញមកតាមក្រោយឯវ៉ាលីទាំងប៉ុន្មានក៏ត្រូវបានអ្នកបម្រើយកទៅដាក់នៅឯបន្ទប់គេងចាស់របស់ Jungkook, Minho និង Hyunjin ។