បន្ទាប់ពីចាកចេញពីបន្ទប់ដែលមានរាងតូចនៅទីនោះ Jungkook ក៏ចូលទៅកាន់បន្ទប់របស់នាយដើម្បីងូតទឹកផ្លាស់ប្ដូរសម្លៀកបំពាក់ថ្មីនិងបានចេញទៅធ្វើការងាររបស់នាយបន្តផង។ ពេលដែលរួចរាល់ Jungkook ចុះទៅរកតុអាហារនៅខាងក្រោមដែលមានអ្នកមីង Yun និងក្មេងៗបានរៀបចំជូននាយហើយរួចជាស្រេចតាមពេលវេលាដែលបានកំណត់។
« លោកម្ចាស់! អាហាររួចរាល់ហើយចាស៎ »
« ខ្ញុំមិនឃ្លានទេ មីងជួយឡើងទៅមើលគេនៅខាងផងហើយយកអាហារទាំងនេះឲ្យគេទៅ » ថាចប់ Jungkook ក៏ដើរចេញទៅរកឡានរបស់នាយដោយមានអង្គរក្សជាអ្នកបើកបរជូនទៅ។
« ពួកនាងចាំជួយរៀបចំអាហារយកទៅខាងលើឲ្យផង ខ្ញុំឡើងទៅមើលគេសិន »
« ចាស៎ » ពួកនាងឆ្លើយព្រមគ្នានិងបានចេញទៅរៀបចំអាហារតាមការបញ្ជា។
មីង Yun បានឡើងទៅកាន់បន្ទប់ខាងលើដើម្បីមើលពីស្ថានភាពរបស់ Taehyung តាមបញ្ជារបស់ Jungkook។ គាត់បើកទ្វារដើរចូលទៅខាងក្នុងយឺតៗដោយមិនបង្ករសម្លេងរំខានអ្វីឡើយ ពេលចូលមកដល់ក៏ឃើញថា Taehyung កំពុងអង្គុយឱបក្បាលជង្គង់យំខ្សឹកខ្សួលម្នាក់ឯងនៅលើពូកដោយបន្ទប់ទាំងមូលបិទបាំងដោយវាំងនននិងភ្លើងងងឹតស៊្លប់ មានតែពន្លឺព្រះអាទិត្យចាំងចូលតាមចន្លោះដែលនៅបើកចំហរប៉ុណ្ណោះ។
« ប្រុសតូច! ឯងយ៉ាងម៉េចហើយមិនអីទេមែនទេ? » គាត់បោះសំណួរនិងសម្ដីពីរោះស្រទន់សួរទៅកាន់រាងតូចដែលយំឡើងញ័រខ្លួនទទ្រើកនោះ បន្តិចក្រោយមក Tae ក៏ងើបមុខឡើងដែលបង្ហាញឲ្យឃើញតំណក់ទឹកភ្នែកដិតដាមជាប់ពេញផែនថ្ពាល់ក្រពុំរបស់គេ ឯភ្នែកដ៏ស្រស់ស្អាតទាំងគូក៏ប្រែជាក្រហមនិងប៉ោងដោយសារការយំរបស់គេនេះឯង។
« ឃ្លានទេហ្នឹង? ចាំខ្ញុំយកអីមកឲ្យឯងញ៊ាំ! » គាត់សួរប៉ុន្តែក៏ទទួលបានមកវិញនូវការក្រវីក្បាលរបស់គេ បញ្ជាក់ថាគេមិនចង់ញ៊ាំហើយក៏មិនឃ្លានអ្វីទាំងអស់។
« ប៉ុន្តែឯងដូចជាមិនបានញ៊ាំអីពីរថ្ងៃហើយ តាំងពីថ្ងៃដែលលោកម្ចាស់នាំឯងមកទីនេះម្ល៉េះ!! »
« ខ្ញុំចង់ទៅផ្ទះ! ខ្ញុំចង់ទៅរកអ្នកម៉ាក់! » Taehyung ពេបមាត់យំកាន់តែខ្លាំងធ្វើឲ្យមីង Yun មិនអាណិតមិនបាន មុននឹងដើរចូលទៅរកគេ។
YOU ARE READING
MR BADBOY // j.jk x k.th
Romance"កូនបំណុល និង កម្មសិទ្ធិ" Contents warning: mpreg, smut, abusive, violent, kidnapping and more...! Main characters: J.jk x K.th
