១៥ ឆ្នាំក្រោយមក៚ ព្រិចបើកៗតែបន្តិចសោះពេលនេះក៏កន្លងហួសអស់រយៈពេល ១៥ ឆ្នាំបាត់ទៅហើយ លឿនខ្លាំងណាស់តើត្រូវដែរទេ? គ្រប់គ្នាប្រាកដជានឹកស្មានមិនដល់នោះទេថារយៈពេល ១៥ ឆ្នាំកន្លងមកនេះវាពិតជាដើរលឿនដល់ថ្នាក់នេះ ហើយគ្រប់គ្នាក៏ប្រាកដជាឆ្ងល់ហើយថាតើអ្វីៗបានប្រែប្រួលខ្លះក្នុងកំឡុងពេល ១៥ ឆ្នាំមកនេះ?
Jeon Jungkook បានឡើងតំណែងធំជាអគ្គនាយកក្រុមហ៊ុន JEON នៅឯប្រទេសបារាំង វាគឺជាក្រុមហ៊ុនម្ចាស់តារបស់នាយដែលបានបន្សល់ទុកនិងបានផ្ដល់មកឲ្យនាយគ្រប់គ្រងមុនពេលដែលគាត់បានចែកឋានទៅកាលពី ១០ មុនមកម្ល៉េះ។ មកទល់បច្ចុប្បន្ននេះនាយគ្រប់គ្រងវាបានរយៈពេល ១៥ ឆ្នាំហើយ ហើយការងារក៏រលូនបានល្អទៅមុខដែរ។ ចំណែកឯក្រុមហ៊ុនរបស់នាយក៏បន្តតំណែងឲ្យទៅកូនប្រុសច្បងរបស់នាយជាអ្នកគ្រប់គ្រងបន្តក្នុងនាមជាលោកនាយកក្រុមហ៊ុន។
Jeon Jaehyun មានវ័យ ២០ ឆ្នាំជានាយកក្រុមហ៊ុន JJH ដែលផ្លាស់ប្ដូរពីឈ្មោះឪពុកមកជាឈ្មោះរបស់ខ្លួន។ រូបរាងខ្ពស់ស្រស់សង្ហាដូចជាលោកប៉ារបស់គេអញ្ចឹង វ័យក្មេង ឆ្លាតវៃ ហើយក៏ម៉ត់ចត់នៅក្នុងការងារផងដែរ។ ជាអ្នកបន្តតំណែងនៅក្នុងការរកស៊ីជួញដូរផ្លូវងងឹតនិងមានឈ្មោះជាអ្នកដឹកនាំជំនាន់ថ្មីនៅក្នុងគ្រួសារម៉ាហ្វៀត្រកូល Jeon ផងដែរ។
***
វ័យកាន់តែច្រើនសម្រស់កាន់តែស្រស់ស្អាត Kim Taehyung ភរិយារបស់លោកអគ្គនាយក Jeon ឬក៏ជាមនុស្សជាទីស្រលាញ់របស់ម៉ាហ្វៀ Boss Jeon។ សព្វថ្ងៃមានងារជាភរិយានិងជាម្ដាយរបស់គេដែលមានកូនចំនួន ៣ នាក់នាបច្ចុប្បន្ននេះ។ Jaehyun ជាកូនបងមានអាយុ ២០ ឆ្នាំ hyunhee ជាកូនទី ២ មានអាយុ ១៨ ឆ្នាំនិងកូនស្រីពៅនោះគឺ Jeon Heerin មានអាយុជិត ១៤ ឆ្នាំហើយសល់តែប៉ុន្មានថ្ងៃទៀតប៉ុណ្ណោះនឹងឈានចូលដល់គំរប់ខួបអាយុ ១៤ ឆ្នាំរបស់នាង ហើយក៏ជាគំរប់ខួបលើកទី ១១ នៃការចែកឋានរបស់លោកតាទួតរបស់នាងតូចដូចគ្នា។
សម្រឹបជើងស្រាលៗរបស់នាងតូច Heerin បោះជំហានចុះមកពីខាងលើបន្ទប់ ដោយស្ថិតនៅក្នុងឈុតឯកសណ្ឋានសិស្ស។ Heerin ចុះមកដល់ខាងក្រោមក៏បានឃើញ Appa តូចរូបស្រស់របស់គេកំពុងចម្អិនអាហារពេលព្រឹកជាមួយលោកយាយរបស់គេនិងមេដោះ Yun នៅឯផ្ទះបាយទុកសម្រាប់គេញ៊ាំមុនពេលចេញទៅសាលារៀន។
YOU ARE READING
MR BADBOY // j.jk x k.th
Romance"កូនបំណុល និង កម្មសិទ្ធិ" Contents warning: mpreg, smut, abusive, violent, kidnapping and more...! Main characters: J.jk x K.th
