بين عينيها حكايا

الجزء السادس

#بين_عينيها_حكايا
ZAHRAA_kkk
.
.
.
.
.
.
.
.
.ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها 🚫
.
.
.
.
.
.
.
.
ولكنني لما وجدتك راحلاً
بكيت دماً حتى بللت به الثرى
مسحت بأطراف البنان مدامعي
فصار خضاباً باليدين أما ترى

شذرة
________________

أصعب شي يمر على الأنسان هو الأختيار
بين الكرامة والحب
مستحيل الحب يدوم بلا كرامة
دائما الحياة تخلينة بهالمعضلة حتى تشوف مدى قوة تحملنة

رفض أبوية لناظم أكثر من مرة مو بس بسبب كلام
أمة لكن بسبب فكرة الزواج بعقد شيخ بس
هالشي جان صعب يتقبلة أيا كان
اني أعرف ناظم شنو
بس أبوية ميعرفة

بالفترة اللي أجو اقربائنة أم سليم وأبنهة
أبوية حيل أرتاح لسليم
وهو هم فد أنسان خلق وأدب ورزانة
قبل ميرحون بيومين أم سليم حجت ويا عمتي سدرة
لأن ماارتاحت لدلخاز

وعمتي سدرة وصلت الكلام لأبوية
ابوية أبد ماحجة بي وياية مجرد طرح الكلام بس ما
ضغط علية لأن الموضوع جان مجرد كلمة بسيطة من
ام سليم

أبنهة أبد ماحجة بخصوص هالموضوع ويا أبوية

مرت أيام وانشمرت الحصوات عالسطح
طلعت بعد فترة طووويلة هواية

اول مشافني گال

أكابد أحزاني وناري وحرقتي

ووصلكِ ياليلى أراه بعيد

-يا عمر ناظم ليش هيج تسوين بيه

-أحسن ناظم جنت حيييل شايلة بگلبي مااريد اتعصب
وتطلع من لساني كلمة حلوة تخليك تزعل

-عمري مازعلت ولا راح أزعل بيوم عليج السوتة أمي مو قليل أدري

- السمعتة خلاني أيام وليالي ماأنام بعدين انطيتهة الحق
وحيدهة وتريدلك مرة كاملة مكملة واني عوووو.....

ماكملت كلامي ضربني بظهر أيدة على حلگي
اذاني المحبس اللي بيدة

مديت أيدي لشفتي مسحتهة وريحة الدم لعبت نفسي

-أياااااج تعيديهة مرة ثانية ممنوع شذر ممنوع

نزل الدم ورجعت مسحتة

-حتى لو ماعدتهة فهذا الشي مراح ينفي حقيقة الأمر
عيني راحت البعض يشوفة نقص
وماالوم أي شخص كل واحد يشوف الجمال بطريقتة
آني أشوف نفسي بعدني مثل مااني ووالدتك تشوفني ناقصة
الخلل مو بية

سكتت حتى أمسح شفتي
شعل الجداحة يشوف شبية
طلع جفيتة اللي طرزتلة اسمي وأسمة عليهة
مسح الدم بهدوء

-ريت أنكسرت هالأيد قبل لا تنمد عليچ

-ماصار شي لتخاف شوية دم وراح