بين عينيها حكايا

الجزء التاسع عشر

#بين_عينيها_حكايا
.
.
.
.

ملاحضة /القصة تصنيفها للبالغين 🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
تصويت وتعليق للفقرات
متابعة للحساب دعماً للقصة فضلاً وليس أمراً
@ZAHRAA_KKK
.
.
.
عندما رحلت أمي
كأنني أغلقت عيني من حرقة الدمع
وعندما فتحتها لم ترحل الظلمة،ولم أعد أبصر بعدها
.
.
.
.
وَهج
_________________________
.
.
.
يتحطم گلبك بأول يوم تفقد بي أمك ومستحيل
يرجع أبد مثل ما چان

تفقد أكثر الأشياء لذة بالحياة
ومايبقى عندك شي تخسرة أكثر من أمك
راح تهون عليك ملذات الدنيا وشهواتها
وتبقى مثل الجسد اللي يطوف بدون روح
.
.
.
.
صوت عالي وعياط يتذبذب بأذني
فتحت عيوني بدت تتوضح الرؤية
هاية غرفة ماما
ايدي بااااردة وتأذيني
رفعتهة بيهة كانولة ومحلول يقطر
الصوت يروح ويجي
فتحت المحلول وگمت
طلعت للصالة
مملية ناس
اتلفت أباوع
هاية خالة هدية تعيط

وذيج زوجة خالو عماد حاضنة ضَي وفَي
وهاية زوجة خالو أياد حاضنة شمس

وظلال اللي گاعدة بزاوية لوحدهة
گمت اتخطى بين الناس
رحتلهة واني أشوف كل شي مثل الحلم
والأصوات تتذبذب بغرابة حوالية

لمست ايدهة فزت

-تعاي ظلال حبيبتي ليش گاعدة
وحدج ماما متقبل وبعدين انت مو گلت اني تغيرت
وفرحنة بيج
گومي گومي اوديج يم ماما
تباوعلي بغرابة
ودموعهة تنزل بغزارة
سحبت ايدي ودتني للغرفة مال ماما
تحاول تمددني

-ارتاحي وَهج حبيبتي بس ارتاحي مو راح تموتين

-لا ولج خل اگوم أساعد ماما هاي كل مجلس حسيني تسوي اني اقدم التوزيعات وياهة شبيج
خل نشوفهة كملت لو بعدهة

شهگت تبجي

-فدوة وهج حبابة بس انتبهيلي
انت تعرفين هذا العزاء المن

-اي شبيج للحسين غير مجلس سنوي نسوي موووو

حضنت راسي تبجي
واني راسي ينفخ داخلة صوت مثل صوت المي القووووي
يهدر بقوة مدوختني ومخلية حتى الرؤية متموجة وضبابية

هدأت بحضنهة
وتمددت
تمسح على راسي
بهدوء

غمضت عيني وبديت اغفى
وبدت مثل الصور والمقاطع
تتسارع براس

هذا ممر طويل گاعدة بي
وذاك خالوو أياد يركض ويعيط دكتور
وهاي اني

هاي ليش اني خارج جسمي واشوفني واني واگفة بجانب شباك جبير واتفرج
منو ذاك اللي عالسدية

شنو هالحلم
شنو هاي ليش ماما نايمة بهالغرفة
هاي منو داتغطيهة
لا لا شبييييج ليش تغطيهة
لج تختنگ رفعي الغطة عن وجهة