بين عينيها حكايا

الجزء الأربعون

#بين_عينيها_حكايا
.
.
.
.
.
تحذيييييير هذا الجزء يحتوي على مشاهد للبالغين 🚫
تحذيييييير هذا الجزء يحتوي على كلمات. للبالغين 🚫
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
.
التعليق بين الفقرات والتصويت دعماً للقصة
متابعة الحساب دعماً للقصة لطفاً❤️
.
.
.
.
.
أمسك بقاياك يكفي منك ما وقعا
خُدعت لا بأس ؟ من في الناس ماخُدعا

وهج

_______________________

صدمة ونضرات حزينة واني أشوف خالو
يشرحلي معاناتة وحبة الغير معلن لأمي

-خااالو انت انت جنت تحب ماما

-جنة صغار اني والولد مراهقين
وكالعادة الأهل يصيتون فلانة لفلان
واني مراهق وهمة كل يوم گايلين شذر لأياد
وجان جليل يضحك ويگلي
ماانطيك اختي مدام ماعندك اخت ونصير گصة بگصة
مجنت مخلي ببالي هيج حسابات
لحد مكبرت شذر گدام عيني
ابد مباوعتلهة بنضرة شهوووة يشهد ربي
بس گلبي تعلق بيهة
هوواية وتقدمت اول مرة
ورفض عمي
وبالثانية هي رفضت
ومن حاجيتهة گالت انت اخوي
اللي بقيتلي
وبهيج گطعت الأمل وتزوجت
وفعلا صرتلهة أخ
لأن شذر تستاهل
نهة كلامة وهو يباوع لعيوني المدمعة

-ام دميعة

-انقهرت خالوووو انقهرت

-نصيب بنيتي نصيب رب العالمين
وربي يشهد من تزوجت ام زيد واني
بالفعل ماعديت شذر غير اختي

عدة هاليوم علية بحزن شديد
ومشة الوقت واني وعمو ناظم نلتقي كل يوم
اما ديان فعبارة عن
مشاعر دافية
وكلمات راقية
دائما يعاملني  برقي
حتى غزلة مهذب
كل يوم نجتمع ساعة نكمل الشغل سوية
رغم مكتبي موجود بس لازم بمكتبة نشتغل
يسوي شغلات غير محسوسة تخليني
اركز بتفاصيلة
مثلا غير من الگهوة لجاي النومي الحامض
لأن گتلة لتشربهة هواية علمود گلبك
لو الحدود اللي مخليهة بينة خوفا على مشاعري
كل شي يسمع كلامي بي
الا أسمي مصر يسميني جوري
نضراتة الهادئة نحوي تخليني
احب روحي من جديد
يباوعلي بأبتسامة دافية
تبث الطمأنينة بروحي

-ليش تباوعلي هيج

-شلون يعني هيج

-هيج بدفو

-تستاهلين جوري احول صقيع روحج لصيف مشمس
ينعش روحج بالدفو بعد العذاب

-هيج ميصير

-شنووو

-انت تعرف تعبر عن مشاعرك بالكلام اني مااعرف

-واني متنازل عن الكلام اريدج بس تكونين يمي
وگبال عيني بروحج اللي تشع حب
وبعيونج اللي سابياتني
وبشعرج المجنون اللي سلب عقلي من اول مرة