بين عينيها حكايا

الجزء الرابع والأربعون

##بين_عينيها_حكايا
.
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
تصويت وتعليق بين الفقرات
متابعة الحساب لطفاً دعما للقصة ❤️
.
.
.
.

أنا لا أنسى يوماً من جعلني اضيء في عتمتي
أو جعلني أضحك بالرغم من شحوب وجهي

شمس
_________________________

أمشي بخطوات سريعة
كل خطوة توگع ويااهة الف دمعة
وكأن العشر خطوات بين الشارع
وبيتنة اخذو من عمري عمر ثاني سرعت خطواتي
ركضت للبيت
دخلت الطارمة
ولگيت ظلال  واگفة هناك بعيون دامعة
وخوف مرسوم على وجهة

حجت كلمتهة بخوف

-جنتي ويا شمس رجعتيلة بعد كل اللي صار
واللي سوااااااا

تقربت منهة شافت وجهي الوارم من البجي
وحلگي اللي يجري دم

حظنتني بخوووف

-شسوووالج شمس وين لگيتي
سحبتني وياهة لغرفتي

دخلنة سدت الباب
كعدتني عالسرير وگعدت وهي لازمة أيدي

-شلون تواصلتي ويا شمس

باوعتلهة بتعب

-منوو

-مراد جنتي ويا موو شفتج صعدتي سيارة

وگعت دموعي وشهگت

-اسكتي كافي شموسة كافي بس ارتاحي
واحجيلي

حجيت بخنگة

-اريد جهاز التبخير

مددتني عالسرير وخلتلي ماسك الجهاز بوجهي
كعدت يم راسي خلت راسي
على رجلهة
تمسح على شعري
ربع ساعة فك صدري من الخنگة
رفعت الماسك
وهي طفت الجهاز وشالتة

-احجيلي شمس لتخليني بقلق ضيعتي من عمرج
سنة بسببة شرجعج الة

- هذا مو هوو

-لعد منو

-يحيى

گلت أسمة وغطيت بنوبة بكاء
لأول مرة مواساة بدون ملامة
تمسح على شعري بهدوء
سحبت كلينكس من الميز الجانبي
مسحت الدم اللي ينزل من شفتي

-احجيلي شمس
جربيني جربي تصادقيني
والله مراح أخذلج
والتحجي يبقى سر بينة
اذا غلط اصححة وياج
واذا صح انصحج شلون تستمرين بي
بدون اذية
سولفي وراح تلگيني سند وكتف يتحمل
همومج

بهالكلمات انطلق لساني يحجي
قصتي ويا يحيى
اللي اختصرت منهة
اذيتة الية ببداية تعارفنة
وشلت جزء الزواج الكذب وبديت
رحلة عودة للماضي
واني أسحب صندوگ الصور
وأفتح خزانتي أشوفهة كل شي
جان يجيبة الية حتى يغير من نفسيتي المحطمة
بعد موت صديقتي
احجي ودموعي تنزل واني اطلعلهة الصور
وكل صورة وشنو الذكرى مالتهة