بين عينيها حكايا

الجزء السادس والعشرون

بين_عينيها_حكايا
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
.التعليق بين الفقرات والتصويت دعماً للقصة
متابعة الحساب دعماً للقصة لطفاً❤️
.
.
.
.
ثم تستوعب أنك استهلكت نفسك أكثر من اللازم في مسارات تمشي إليها لكنها لا تمشي إليك!
.
.
.
فيَ
_____________________________

في وقت من الأوقات تجيك لحضة أستيعاب
ان أنت داتبذل جهد في المكان الغلط
بس الوقت جان متأخر
لذلك لحضة الأستيعاب تأتي بصدمة قوية
تشل روحك وعقلك

همسات وكلام وهمهمة بأذني
أصوات مااكدر افرزنهة
غواش قوي بعيني والاضوية بالسقف
تبين مخروطية اشوف الضوة وكأني داامر بنفق
والاضوية تضرب مثل الفلاش
بسبب سرعتي

غمضت مرة واثنين وثلاثة
حركت ايدي بالهوا حتى اتمسك بشي
ويختفي شعور الطوفان بالهواء
حسيت أيد دافية لمست أيدي تطمني
وصوت
اي هو صوتة اللي جان يطرب مسامعي يحجي

غيث -فيَ تسمعيني شو بالله دااشوف فتحي عيونج

بقيت مغمضة
ماعاد صوتك يريح مسامعي
ولا كلمات الاطمئنان بانك راح تبقى ساندني تريح
العاصفة اللي عصفت بگلبي

همست ادفع ايدة

فيَ-ماا مااريد اريد وهج

سحب ايدة بسرعة
سمعت صوتهة تبجي يمي

-هياني فيونة لج موتيني والله ردت أموت

فيَ -عطشااانة وهج وعيني مغوشة مدااشوف واضح

-مابيج شي ياروحي شو فتحي عينج للأخير

فتحت عيني وتوضحت عندي الرؤيا
بس غواش ابيض قوي بيهة ومثل النقاط
اميز الشخص واعرفة بس صورتة منمشة
ومشوشة
بجيت

-وهج مداشوف واضح

بجت وهج بصوت
وصوت غيث يستغفر
ويلعن بنفسة

-وهج مييي حبابة

وهج لزمت ايدي وغيث خطى خطوات للثلاجة اللي بالغرفة
انطة بطل المي لوهج
كعدتني وشربتني
كُل متوخر البطل أگلهة بعد
لحد مخلصت بطل صغير كامل
رجعت مددتني
أحس جسمي متكسر ومالي خلگ
حتى الكلام
حجت وهج

-غيث بس انتبه لفَي بين مااتصل بالبنات اطمنهم
من البارحة انشغلت عنهم
طلعت وهج برة الغرفة
وهو اجة گعد يمي

-فَي أسمعيني والله جنت مصدوم كل كلام گلتة جان بسبب الصدمة تعتقدين اني أگدر اقسو عليج انت بالذات
اعرف شگد هشة وتتأثرين وروح عمة مو قصدي لحضة غضب صدگيني

همست بخفوت

-مااريد احجي تعبانة
غمضت عيني ونزلت دموعي
وبدت ذاكرتي تسترجع
سبب عذابي واللي مريت بي