بين عينيها حكايا

الجزء الخامس

بين_عينيها_حكايا
.
.
.
.
.
.
.
.
تصويت ومتابعة للحساب
تعليق ومشاركة رابط القصة دعماً للحساب
.
.
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها

            يريد المرء أن يعطى مناه
           
            ويأبى الله الا ماأراد

شذرة
__________________

مرات يجيك أحساس أنك خارج جسمك وكل اللي
يصير حواليك هذا حلم وممكن أي لحضة يختفي
ويروح وترجع للحقيقة اللى تتمناهة

هذا اللي جنت أحس بي ولحد الآن حتى بعد مرور أشهر
على أعدام أخوتي
بين يوم وليلة

أنشعلت أول شرارة للحرب الأيرانية العراقية
كانت الحرب عالجبهات
بالبداية هالشي خلة ادمغتنة تنشغل شوية عن الفاجعة اللي
وگعنة بيهة
بدة ناظم يختفي لفترات طويلة ويرجع يومين يدبرهة واحد مسؤول الة بس حتى يشوفني
بكل موعد نزول الزم گلبي بكفي واني خايفة
خاف صارلة
شي

اليوم موعد نزولة أنتضرت وانتضرت لحد مصارت ١١ بالليل
أيست منة ونزلت دموعي
الفاجعة اللي شفتهة خلتني مرعوبة وأخاف على المتبقي
من أهلي وأحبابي

كل يوم اخابر هدية أسأل عن أولاد أخوية
واطمأن على عمامي وعوائلهم يلة گلبي يرتاح

گمت ماشية لباب السطح حتى أنزل
حسيت بطبة بالسطح

بسرعة التفت بسرعتة ناظم أجة حضني
ردت أبعدة عني لاول مرة يقترب مني بهالشكل
وگام يهمس

-من الجبهة لعيونج حتى بعدني بملابسي وسبح مسابح
اووووف مرمرتي گلبي لعيونج أبوگ نفسي من الموت
حتى بس يطمأن گلبج

بعدت عن حضنة رفعت راسي لوجهة الذبلان ومسمر من لون الشمس
مديت أيدي على وجهة ستوهة طالعة لحيتة لمستهة
غمض عينة وسحب أيدي باسهة
وجرني گعدنة عالدجة يم الزرع

-شلونج شذرتي

-لوني راح ويا أخوتي ومباقي بعيوني غير لمحة لون
تخصك أنت أبد لا تتركني اذا تركتني معناهة الحياة انصبغت بالسواد وماعدت أشوف شي

-اوعدج وعد رجال وياج باقي وبس قضاء ربي وقدرة گادر يبعدني عنج

-أششش أسم الله فدوة لتجيب طاري الفراگ

-شذرتي هواي جدت أمور يرادلنة گعدة طويلة وعندي موضوع أريد أگعد وياج اناقشة وبلكي يارب نلگالة حل

-شنو الموضوع ناظم أمانة لا تخوفني

-سهل عيوني أنت أن شاء الله سهل هسة خل اروح أسبح لازم لعبت نفسج من ريحتي

كشش وجهة وهو يضحك

حضنت كتفة بأيدية وبست الرتبة مالتة
سحب راسي باسة