بين عينيها حكايا

الجزءالثاني والعشرون

#بين_عينيها_حكايا
.
.
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
تعليق بين الفقرات وتصويت للقصة
متابعة الحساب دعماً للقصة لطفاً❤️
.
.
.
.
في بداية الأمر تظن أن السماء ستنهار

وفي اليوم التالي تنظر الى سقف الغرفة وتضحك
.
.
.
.
ضَي
_______________________

الكلمات
الغير منطوقة أحياناً تعبر عن المشاعر أكثر من صخب الحروف

اني ضَي الشذرة الثالثة من شذرات
ماما وبابا

أنولدت توأم متماثل ويا أختي فَي بكل شي
نفس بياض البشرة والملامح
بس الفرق لون الشعر عسلي

ولون العيون عسلي مصفر
عشت ببيئة جميلة ومشجعة
ماما وبابا جانو نموذج للأهل المثاليين

من طفولتي وعيت على بابا معلم وفنان دارس فنون جميلة ومبدع بالرسم والنحت

بالمحصلة حبيت الرسم من صغري
وبابا يشجعني
اما ماما فرغم كل الضروف اللي مرينة بيهة
مجانت تبخل علية

بدفاتر الرسم والألوان وهالشي طور موهبتي بشكل
جبير
الأنعطافة الجميلة بحياتي
هي أجود

ابن خالو عماد
أجود اللي تعرفت علي بعمر المراهقة
وسنوات المتوسطة

جان داعم جبير الية
بحكم دراستة وموهبتة بالرسم
وتقارب أفكارنة تقربنا من بعض هواية
خلال سنوات تعرفنا الأولى

جانت عيونة تنطق حب غير معلن
الاحظ هالحب بالتفاصيل الصغيرة
وردة
عطر
فرش رسم
كتاب
لوحة صغيرة
همسات تشجيع

الاهتمام بالتفاصيل خلة گلبي
يعلن هزيمتة أمام هالسيل الجارف من المشاعر المختبئة
اهتمامة جان يعلن حب

بس لسانة ينطق كلمات
مثل طفلتي
كل كلمة والثانية يگلي من تكبرين
لحد مرحلة الخامس أعدادي
اجونة مرة بعزيمة
مشغولين كل مجموعة تحجي مع بعض
همستلة

-جودي عندي لوحة جديدة

- وينهة

-بغرفتي فوگ

-نزليهة دااشوف

-خاصة مااريد احد يشوفهة

صعدت وورة دقايق صعد وراية

-فاتحة باب الغرفة ومخلية اللوحة عالستاند الخشبي
دخل وفتح عيونة بقوة وتعجب

جانت اللوحة جزء من وجهي وجزء من وجهة
ويا رسمة فراشات متناثرة باللون الذهبي على طول اللوحة

-فنااااااانة ضي

جاوبتة بخجل

-حلوة أجود