بين عينيها حكايا

الجزء الثامن

#بين_عينيها_حكايا
.
.
.
.
.متابعة للحساب @ZAHRAA_KKK

تصويت وأضافة للحساب وتعليق فضلاً وليس أمراً
دعماً منكم للقصة ❤️

ملاحضة /القصة تصنيفها للبالغين🚫
أكرر هناك بعض المشاهد للبالغين🚫
أذا لم تستطع قرائتها اقرأ الجزء الذي يليها ❤️

.
.
.
يخادعني العدو فما أبالي

وأبكي حين يخدعني الصديق
.
.
.
.
شذرة
_________________________

تعرفون أحساس السقوط من مكان عااااالي شاهق الأرتفاع
مكان تعرف أذا سقطت منة راح تلگة وقتهة كل جزء بيك مكسور ومنفصل عن الثاني
هذا احساس السقوط الجسدي
أما السقوط الروحي فأذيتة أكبر
لأن ببساطة الروح حسية غير ملموسة
لا تنجبر ولا تتعالج

كملت كلامهة تبجي
-ادري بيك تريدني والدليل حتى التخم الذهب الجبتة الهة هو نفسة اللابستة اني هسة
فتحت دلعتهة ظاهرة جزء جبير من صدرهة

فتحت عيني بغضب ودموع واني اتلمس التراجي والگلادة اللي مزينة صدري واگفة

واتابع مسرحية الخيانة والكذب اشوفهة على وين ترسى
دفعهة يحجي بغضب مكتوم

-الفوگ تسوى راسج اني زوجهة وتلف نفسهة لف من عندي هاي عود واني حلالهة وهي حلالي

-اني هم حلالك سليم بعدهة مدة العقد ماخلصت

كتمت صوت بجيتي منتظرة يكمل كلامة

-عقد وقتي ببساطة يعني متتتتتعة تعرفين شنو متعة

العبرة تكسرت بصدري وشهگت بجي لاأرادياً

التفتلي هو وياهة للشباك مصدومين
ركضت سابقتة

مادخلت للغرفة دخلت الحمام
فتحت المي وأبچي غسلت وجهي وادية اشمر مي على صدري بلكي يبرد گلبي
-حياتييييش شذر جبتيهة تعب بفراگ
وتاليتهة خيانة
أسمع دگاتة عالباب
ويحجي بهمس

-شذر طلعي حبيبي طلعي أحچي وياج

مارديت علي نهائياً
دگ ودگ ودگ الف مرة يحاول يخليني أطلع
مرديت ولا طلعت

نگعت ملابسي مي من گد ما بللت صدري ورگبتي
وجهي صار أحمررر من البجي
وعيوني ورمت ساعتين اني حابسة نفسي بالحمام
حسيت بي ماكو فتحت الباب وطلعت فز هو
جان ساند ظهرة على حايط الغرفة اللي مقابيل غرفتنة

وگف متقربلي

لزم أيدي نترتهة
وفتت للغرفة دخل يريد يحجي

-شذر أريدج تهدين حتى أفهمج كل شي والله افهمج
بس هسة احجي وياي حتى لو حرف
لتبقين ساكتة خل اطمأن عليج

أشرتلة باصبعي على شفايفي

بأن يسكت سكت

اني بتعبي والخذلان اللي جاي أحس بي
تمددت على الجرباية
بملابسي المبللة
تقرب يحجي