بين عينيها حكايا

الجزء الثلاثون

ينيها_حكايا
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
.التعليق والتصويت بين الفقرات دعماً للقصة
متابعة الحساب دعماً للقصة لطفاً❤️
.
.
.
.
أحترس من الصابرين
فأن نفذ صبرهم حرقوا الموانئ لا السفن

وهج
_________________________

كل اللي داامر بي حالياً مو معقولة يكون
واقع أكيد
يااما حلم
او ضرب من الخيال
گاعدة بمكاني
واباوع الناس تروح وتجي
واني ثابتة بهالكرسي
شكلهة ومنظرهة اول مشفتهة
مدايروح من بالي
گاعدة بملابسي السودة
بملامحي التعبانة
وأسترجع الاحداث اللي صارت
مثل الأعصار
مرت مشكلة شمس مثل الأعصار بالضبط
يمشي بكل قوتة وعنفوانة قالع گدامة
كل شي حلو جابة الربيع
مخلف ورا خريف دائم
رجعت بذاكرتي
لأول أيام انتقالنة للبيت
جنت فرحااانة وطايييرة أن شبح
المشكلة خلص
ميخالف حتى لو راح البيت المهم الناس
اخذو حقهم بعد الكارثة اللي صارتلهم
رغم المال ميعوض ارواح اطفالهم
اللي راحت
لكن هذا شرع رب العالمين والدية واجبة
كل شي ترتب بمكانة
رجعت ظلال لغرفتهة القديمة بالمخزن
بس ركبولهة تبريد
ورجعت اني لغرفة ماما
والتوأم بغرفتنة القديمة
بس الفرق شلنة الاثاث القديم خلينة الجديد
وگلت
من تطلع شمس راح اخليهة وياية
مستحيل اتركهة بغرفة لوحدهة بعد
كل شي رجع طبيعي الا
شي واحد مأذي گلبي وروحي
غياب خالو
خالة ام زيد تتصل كل يوم
والولد كذلك
الا هو عنيد مرات اتصل بخالة
وأگلهة من يجي رمشيلي
اتصل بيج حتى اسمع صوتة

وبالفعل تتصل بية واسمعة يرزل ويصيح
عالولد
أبجي من گلبي اشتاق لصوتة
ومااگدر اتحمل غيابة هالگد
خالو مو بس خال بالمعنى التقليدي
جان صديقي
طفولتي ومراهقتي وتعبي وشبابي هو وياية
شلون انطا گلبة يتركني هالگد
ابجي بالساعات واني گاعدة بالمرجوحة القديمة اللي
اشتراهة لظلال بطفولتهة
اتصل بي يرن وميرد علية
گاعدة كالعادة
بالمرجوحة وتلفوني بيدي
گعدت فَي

-وهوجة انطي مساحتة

-بالله دگي من تلفونج

-دقيقة اجيبة

راحت ورجعتلي

اتصلت رنة رنتين وجاوب
فتحت سبيكر

-الووو

-الو بابا فَي متصلة حبيبتي

-اشتاقيتلك حبيبي

-واني هم بابا
شلونكم البنات شلونهن

-وهج زينة

-مسألتج على احد محدد سألتج عليهم
كلهم

-احمممم زينين الكل بس وهج مقاطعة شمس مداتروحلهة

-براحتهة شتسوي خل تسوي

-اتصل بيهة ليث خالووو قنعهة ترجعلة