الحلقه السادسه
حاولت إسراء عدم إعطاء أهمية للموضوع
ماتكبريش الموضوع دي حاجة تافهة
ظلال:دا هو موضوع كبير أصلا شكله كده
ولازم أرسي علي الدور في إيه حد منهم رذل عليكي
قوليلي وأنا أطلع أجيب رقبته
إسراء بضحك هدي خلقك ياأبوسريع
إيه دا ياشيرس
تصدقي انتي( فنجرية بؤ) ولو حد بصلك هيغمن عليكي
ظلال :أه والله أنتي بتقولي فيها
نفسي أنشف كده زي بقية البنات وأبقي قوية
لكن أختك خيبه خالص ولا بتصد ولا بترد وبتغرق في شبر ماية
إسراء بتفهم خليكي كده أحسن علي الفطرة مش زي البنات الخبيثة
دي ميزه فيكي علي فكرة
ظلال بتأفف
بس ساعات بحس أنهم بيعاملوني إني هبلة أو جاية من كوكب تاني
عشان بحب البساطة والعفوي واللي في قلبي علي لساني
إسراء تحتضن أختها
ودي أحلي حاجة فيكي ياهبة ماتضيعهاش منك
فتحزن ظلال حتي أنت بتقوليلي ياهبلة
إسراء تحاول تدارك ماقالت والتخفيف عن أختها ماقصدش والله حبيبتي أنت ست العاقلين كمان
ظلال وتنتهز الفرصه مش هتقوليلي علي اللي حصل بقي
إسراء بعد إلحاح أختها
قصت لها ماحدث
لتضع ظلال يدها علي فمها وتشهق مما سمعت
دا جريء جدا إزاي يدخل عليكي أوضتك كده
إسراء بتضجر إنسان متخلف تعملي إيه بقي
ظلال بضحك بس شكله وقع علي بوزه من ءول نظرة وتضحك ليرتفع صوتها
لتستفز إسراء
يقع ولا يروح في داهية حتي مايهمنيش واد ثقيل
وأسكتي بقي ماتنرفزنيش عشان كان هاين عليا أديله بالبوكس في وشه
ظلال بتهريج ياخطر أنت
فتنظر لها أختها بغيظ
لتجد صوت والدتها يستدعيهما ليسلما علي خالهم وابنائه
إسراء وهي تبدل بقدميها بالأرض
يوووه مش عاوزه أشوفه
ظلال تهدأها
معلش يلا عشان ماما ماتزعلش
وفعلا يخرجان لتجد عينا أحمد مسلطه عليها كعادته فتخفض رأسها وتحاول تجنبه وتتجه لخالها تودعه وزوجه خالها
ولكن والدتها تأمرها ان تسلم علي أحمد وياسر وقد ظنت أنها قد أنتهت
فأتجهت تسلم عليه متجهمة
ليخفض رأسه ويهمس بأذنيها
أفردي وشك بتودعيني بالشكل ده بدل ماتضحكي في وشي
ولما أجي تاني ياريت ماتحبسيش نفسك في أوضتك
فتنظر له بغيظ
وبصوت هامس لا يسمعه غيرهما
ياريت أما تيجي تاني تعرفني قبلها عشان ماجيش البيت يومها وسحبت يدها من يده وأنطلقت لغرفتها ليتبعها بنظراته وإبتسامته العذبه
ليجد أخاه يضربه ليوقظه ماتيلا ياعم بقي
وتأتي ظلال لتسلم
فيهمس لها ياسر
هو القمر بيطلع الساعه كام
ظلال تنظر له مع طلوع روحك إن شاء الله فيضحك بصوت عال حتي ينظر له الجميع فتحرج ظلال وتجري لحجرتها
وتدخل وتغلق خلفها الباب
وتنظر لأختها إيه السافل اللي بره ده
إسراء بتساؤل
مين فيهم
ظلال :سي زفت الصغير
بيقولي القمر بيطلع الساعه كام
قلتله مع طلوع روحك إن شاء الله
ضحك أوي وكسفني
إسراء وتوميء برأسها
ياسر !!
هي ايام بيضا هنشوفها من أولها
بس ياسر دا حته عيل ثانوية عامة
إنما المشكله ف اللوح الكبير مستفز فعلا
قال أفردي وشك
أنت مالك أساسا
هي خلقتي كده أغيرها
ثقيل ثقيل من هنا لبكره
ظلال بإستنكار
طب والله شكله محترم وطول بعرض
مش زي السافل الصغير
