الحلقه الثانيه
تذهب ظلال مسرعه لبيتها لتقابلها والدتها بانزعاج
اتاخرتي كده ليه يابت وانا بلالي هنا واقول ياتري ياهل تري
دا ابوكي لو كان جه هو واخوكي كانوا قطموا رقبتك لولا عندهم شغل في الورشه
ظلال :طب اهدي بس وهحكيلك كل اللي حصل
واخذت تقص علي والدتها ماحدث والمرأه تلطم احيانا وتصك صدرها احيانا اخري
واخذتها بحضنها
الحمد لله ان ربنا ستر المره دي
اوعي تقولي لحد الكلام ده ولو ابوكي عرف هيقعدك من الدروس والمدرسه
ظلال :لا ياماما انا عاوزه اكمل تعليمي
ام فاروق:يبقي تكفي ع الخبر ماجور ولو لقيتي درس متاخر بناقصه يغور
ماتروحيش انتي فاهمه
ظلال :هحاول بس مقدرش بتبقي حاجات مهمه هتفوتني بس هحاول مارجعش لوحدي واشوف اللي قريبين من هنا واوفر فلوس اقدر ارجع معاهم بتاكس
ام فاروق :اما نشوف ربنا يستر
ودخلت ظلال وجدت اختها علي الفراش لتناديها وتسالها عن سبب التأخير وظلال بعالم آخر
تتذكر حينما كانت بأحضانه وتنهر نفسها عما فعلته وتحدث نفسها هيقول عليا إيه دلوقتي
معقول في شاب لسه بالأخلاق دي
يضحي بنفسه عشاني دا ممكن كانوا قتلوه بسببي مع انه مش طويل وعريض زي شباب النفخ إلا أنه عنده شجاعه ودمه حامي وعنده غيره أكتر منهم مش زي الشباب الزباله اللي قابلوني
إسراء تصفق أمام وجه أختها
في إيه يابنت بكلمك وأنتي في عالم تاني
ظلال :هاااا اااه أنا هنا أهو
إسراء :هاااا وهنا أهو بدياها بدري اوي
ظلال :تقصدي إيه ماهو اللي مايعرفش يقول عدس
إسراء:طب قولي ياأم العريف في إيه
ظلال :هقولك بس ماتجبيش سيره لحد بتاتا
وقصت لأختها عما حدث
فأحتضنتها
ياحبيبتي الحمد لله إن ربنا سلم
وربنا يجازيه خير الجدع ده
من غيره مانعرفش دلوقت كان جرالك ايه
ظلال بهيام فعلا كتر خيره من غيره معرفش كنت عملت إيه
واحست اختها بشرودها
طيب ياختي أنتي وقعتي ولا الهوا رماكي
