لست بطفله
الحلقه 23
كلم ظافر محام آخر يقوم بالمهمة بدلا من كمال
أما كمال فاتصل علي الفور بصديقه أحمد ليخبره أنه يريد الإلتقاء بظلال زوجة حمزه في أمر خطير
فأخبره أن والد ظلال مريض وأن لديه كشف اليوم سيذهب للدكتور ثم يذهب بعدها لحماه ليطمئن عليه
فاخبره كمال علي الفور
أنا هعدي عليك أخدك للدكتور ونروح نزوره
واحمد يرفض حتي لا يرهقه ولكن كمال صمم ان يذهب معه
وبالفعل أخذه للطبيب للاطمئنان علي الجرح الذي بدأ يلتئم
وأعطاه بعض العلاج ثم ذهب معه إلي ظلال وفي الطريق
أحمد يتحدث إليه مش عاوز تقولي في إيه
كمال بتردد البقاء لله
إسراء وأحمد في نفس واحد
في مين
كمال :حمزه جوز ظلال توفي
احمد يغمض عينيه إنا لله وإنا اليه راجعون
إسراء ويعلوها الدهشه إزاي وإمتي
كمال بتردد حادثة واعتقد من اسبوع ومخبيين لأن نزول ظافر ومسكه الشركة فجأه مش طبيعي
بس لسه معلنين الوفاة
إسراء ببكاء ياحبيبتي ياظلال
دي تروح فيها لو عرفت
هنقولها إزاي دي
كمال بتلعثم المهم اللي جاي مش اللي فات
أحمد وإسراء ينظران لبعضهما البعض
يعني إيه هو في أكتر من الموت
كمال بتوتر لما توصل هتفهموا كل حاجة
وبالفعل وصلوا البيت
لتفتح أم فاروق
بردو جيت يابني وانت تعبان اخس عليكي يا إسراء فقاطعها أحمد معي ضيف
فتتنحي وتقول أتفضل يابني
إسراء تذهب لتنادي أختها وتأخذ منها إسلام تلعب معه وتهدهده حبيب خالتو وحشتني
فتنظر لها ظلال لتتذكر إسراء من بالخارج ينتظر
يلا بينا ياظلال في ضيف عاوزك
ظلال بتعجب ضيف مين حمزه رجع
اختها بتأثر يلا بس وهتعرفي
كمال عندما شاهدها
قام ليمد يده البقاء لله يامدام
فتنظر للجميع بدهشة وهي تستبعد موت حمزه وتتلمس الكلمات التي تنفي هذا
إسراء تمسك بها اقعدي حبيبتي وأستاذ كمال عنده كلام مش هيقوله غير قدامك
وبالفعل أستطرد كمال
حمزه توفي وأعلنوا وفاته
بس .... فقاطعته أنت بتقول إيه
حمزه مين الي توفي حمزه مسافر
كمال لتهدأتها
مدام ظلال تماسكي الموضوع اكبر من موت حمزه كمان
اهله رافضين فكرة أنه اتجوز وخلف ومفكرين بكدب عليهم أو لعبه لأن كل الشركة ونص الفيلا وحاجات تانية بإسم حمزه ورافضين يحطوكوا أنت وإبنك في إعلام الوراثة
وهي مذهولة
والأم تترحم عليه
أعوذ بالله من دي بشر ياكلوا مال اليتيم
كمال :هم مش مصدقين أصلا أن حمزه يكون مجوز ومخلف أنا فاهم ظافر بيشك في صوابع يده
ولازم نتصرف بسرعة ونطلع شهادة وفاة حمزه اللي بعد والده ونعمل إعلان الوراثة يعني لازم توكيل بالقضايا مدام ظلال تعمله فورا عشان نلحق قبلهم
ظلال ببكاء وانا مش عاوزه منهم حاجة
كمال :لو أنت مش عاوزة فين حق إبنك إزاي تتنازلي عنه وهتقوليله إيه لما يكبر ضيعت حقك
أحمد بتفهم كمال عنده حق ياظلال أنت مش حرة نفسك دا حق إبنك اللي هيطالبك بيه قبل أي حد
ظلال بانهيار يعني أعمل إيه أبوس إيدهم أنت ماتعرفش اللي حصلي دول ناس ماعندهمش رحمة أنا ماكنتش أعرف مين ده بس دلوقت عرفت
وقصت ماحدث لها من ظافر
لتحتضنها امها
وماقولتيش ليه
ظلال وتغمض عينيها أقول إيه بس وأنا جيت لقيت بابا طب وقع من طوله هحملكم همي أكتر ماأنتم
لتربت الأم علي كتف بنتها معلش يابنتي كان مستخبيلك الهم دا فين أترملتي وعلي إيدك عيل وأنت لسه ماجبتيش عشرين سنة
كمال :المهم دلوقت بكره تعملي توكيل عشان نلحق نخلص إجراءاتنا بسرعه
فاروق :وأنا هخدها بكره ونعمل التوكيل وندهولك وأخذ رقم كمال وأعطاه رقمه
وفعلا تم عمل التوكيل وأيضا الاجراءات تمت وأتصل كمال بظلال
لابد ان يذهب معها للفيلا لملاقاه ظافر والجميع
وبالفعل ذهبت ظلال وكمال وفاروق إلي الفيلا
كمال :طب أسبقوني علي ماأركن
ودخل فاروق وظلال معها إسلام علي كتفها من بوابة الفيلا ليوقفهما الحارس وايضا كانت أشجان أخت حمزه الصغيرة في حديقه الفيلا لتذهب تسأل الحارس
ليجيبها عاوزين يدخلوا بالعافية
أشجان :أيه الجرابيع دول أنتم مين وعاوزين أيه
فاروق بعصبيه أنت اللي مين إحنا أصحاب الفيلا دي
أشجان بعصبية أنت مجنون
فاروق :أنت اللي مجنونة وستين مجنونه ياحرامية
لتضربه بالقلم فيحاول التعدي عليها ليقف الحراس
فاروق بغضب قسما بالله لأدفعك تمنه غالي أوي القلم ده
ويأتي كمال الذي تأخر حتي وجد مكان ملائم
في أيه وطبعا الجميع يعرفونه
خلاص هم تبعي ودخل بهم كان الجميع مع المحامي الكبير
ليأتي كمال وعندما شاهدتها ناهد
أنت تاني مابتحرميش مش طردتك مرة
وقام ظافر ينظر إليها بغضب
أنا مش كرشتك من الشقة قبل كده كمان جاية الفيلا أما بجاحة بصحيح
كادت تذهب ليمسكها فاروق دا حقك أنت واللي مش عاجبه هو اللي يمشي
كمال يحيي أستاذه المحامي الكبير
اظن حضرتك هتعرف الأوراق دي صحيحة ولا مزورة
ظافر ينظر أيه ده
فيأتيه رد المحامي
مظبوطة وسليمة مية في المية
دا عقد زواج حمزه من ظلال وشهاده ميلاد إسلام إبنه
ودا إعلام الوراثة طبعا من حق مراته وإبنه الورث لأن الوالد توفي بعد حمزة والإبن بيحجب الأخوه
ليقف ظافر ويأخذ الأوراق
أنت واثق من أن الأوراق دي سليمة
المحامي يؤكد علي ذلك
فتهم ظلال بالمضي بعد نظرات ظافر الغير مصدقة ليجذبها من يدها فتنظر موضع يديه وتنظر له بتعجب
ليقول أمشي أطلعي فوق
فتنظر له أنا مش ممكن أعيش هنا مع ناس بيكرهوني ومش مصدقني
لتقوم ناهد أنت بتقول إيه ياظافر أنت صدقتهم
ظافر بعصبية خلاص ياناهد وتجحظ عينيه لترتعب
فيستطرد الأوراق سليمة ومش هناكل حق بن أخوكي حتي لو أبوكي كان ظالم وكتبله كل حاجه هنا
ظلال :وأنا مش هقعد هنا فيهمس باذنها وأنا قلت خدي إبنك وأطلعي فوق وأنا مابحبش أكرر كلامي
ظلال بعصبيه وأنا لايمكن.... فقاطعها
بصوت جهوري خلااااص يبقي تمشي وتسيبي إبنك
ابن حمزه البنهاوي لايمكن يتربي إلا في بيت البنهاوي زي أبوه
ولو مش عجبك الباب يفوت جمل
ظلال :وأنا لايمكن أسيبه لكم
ظافر :يبقي تسمعي الكلام خديها ياناهد
كاد كمال أن يتحدث فأوقفه باشاره من يده إنتهي دورك يامتر وكل واحد هياخد حقه أنا مش هاكل حق بن أخويا الوحيد
فسكت كمال لأنه يعلم ظافر جيدا طالما صدق ووعد فسينفذ
أما فاروق فكاد يتحدث وأنا مش هسيب أختي هنا لكم
فنظر له ظافر باحتقار
أمشي ياد من هنا وأمر الحرس بأخذه للخارج
وفاروق يهدد والله ماهسيبكوا إما وريتك أنت وأهلك مابقاش أنا فاروق
أما بنان عندما سمعت بزواح حمزه ذهبت مسرعة لحجرتها
بقي كده ياحمزه دي أخرتها والله لاوريكوا كلكوا ياولاد البنهاوي تكلونا لحم وترمونا عظم زي مامصيتوا دم أبويا والآخر صبرت علي أمل أجوز حمزه وأورث والآخر تيجي جربوعة من الشارع تاخد الجمل بما حمل ماشي أنا وانتوا والزمن طويل
أما ناهد فنزلت لأخيها
أيه اللي عملته ده تخلي الجربوعة دي وسطينا
ظافر :أمال أسيبها لوحدها تبهدل كل اللي عملناه في السنين اللي فاتت لازم تبقي تحت عيني ناسيه الشركة عشان حد يضحك عليها ولا تبيعها بدون علمنا دا أنا صفيت شركتي وهتنضم للشركة دي لانهم في الأصل نفس الشركه بس أفرع منها
والأخر أسيبها لعيل طايش يضحك عليها ويبيع شقي عمرنا ولا لأخوها اللي بيشرب بانجو ده يضيعها
ناهد بتفهم عندك حق
وقام نادر ليربت علي كتف ظافر
معاك حق ياظافر في كل اللي عملته
ولو أحتجت حاجه أنا موجود
يلا ياناهد عشان ورايا شغل بكره
ناهد :مش عاوز حاجة ياظافر
ظافر :لا حبيبتي بالسلامه أنت
ودخل مكتبه ليجلس علي كرسيه ويرجع ظهره وراسه للخلف
ويخلل أصابعه بخصلات شعره
أنا إيه اللي بيحصلي ده ماكنت عايش في المانيا ملك فجأه الدنيا تتهد فوق دماغي كلها
ليأتيه اتصال بهاء
تم التحويل ياباشا عشان تبقي واثق
فيا ومن غير ماأخد ورق الضد لأني واثق فيك مش زيك
ظافر يضحك وأنا واثق فيك فوق ماتتصور ومتأكد من كده وعشان كده هتلاقي الورق بإسمك في خزنه في البنك
بهاء بإستغراب بجد يعني الورق معايا من الأول
ربنا يديم المعروف بينا ياصاحبي
وعلي فكره مراتك كانت بتسال عن ثروتك وعرفت أنك بعت كل حاجه كانت جاية هي وقريبها اللي اسمه...
ظافربسرعة إلياس
بهاءوقد تذكر أه هو ده واد طري كده
ظافر يضحك تشربه لو رفعت طلاق خلص الأجراءات
بهاء بتفهم أكيد طبعا
وأغلق معه الخط ليرجع بظهره مره أخري
ثم يستدعي الداده لتذهب تنادي ظلال
فتذهب لها الداده
تدق الباب لتأذن لها بالدخول
الداده :ظافر بيه عاوزك يابنتي
فانتفضت عاوزني أنا فين وليه
الداده :في المكتب تحت ماتتأخريش
وتركتها لتسير ظلال ذهابا وإيابا في الغرفة وتنظر لإبنها النائم
ياتري عمك عاوزني في إيه
ونزلت بسرعة لتدق الباب فيأذن لها بصوته الجهوري أدخلي
فتدخل علي أستحياء خافضة رأسها
أفندم
فلا يقيم وجهه عن الأوراق التي أمامه
أقعدي
فتنظر له أفندم
فينظر لها قلت أقعدي مابتسمعيش
فتجلس علي الفور علي أقرب مقعد
ياتري ماذا تخبيء الأيام لظلال وكيف ستكون إقامتها هنا في الفيلا
