لست بطفله
الحلقه32
لتنتفض ظلال بعد كلماته الهامسة وتنهض مسرعة مبتعدة عن الفراش
وتجحظ عينيها تقصد إيه بكلامك
فينهض مقتربا منها
تعالي بس ماتفهمنيش صح أنت خايفة من أيه أنا هعرفك غلطك بس مش هعملك حاجة وهي جاحظة العينين بسبب كلامه
ليمسكها بطرف أصابعة من ملابسها ويديرها لتصير أمامه مرة أخري
ويتوجه لها بسؤال
دا منظر ست ؟
فتنظر لنفسها بتعجب
ظلال بدهشة مالي وست الستات كمان
فيضرب كف علي كف ويقهقة
بمريله KG1دي !!
ظلال بضيق
لا بقي أنت زودتها أوي ماسمحلكش تقول كده
أنا برتاح في القمصان الجل دي
مابحبش القمصان التانية
فيضحك ليستفزها ماهي التانية دي بتاعة الستات لكن دي بتاعة الأطفال
وفي نفسها تسب فيه رخم وبارد
ثم تنظر إليه وأنت إيه فهمك أصلا في حاجة الستات
فيعقب عليها بنوع من الإستفزاز
الله يرحمك يامادي كنت أدخل ألاقي أنثي تحل من علي حبل المشنقة وقمصان إيه ودلع أيه
دا كان عليها حته تؤبرني
فتنظر له بغيظ مين مادي دي
ظافر بإستغراب مراتي السابقة
ظلال بإستغراب هي ماتت
ظافر ليغيظها أكتر تفي من بؤك الجمال والدلال ده عاوزه تموتيه حرام عليكي
ظلال بضيق مش انت اللي بتقول الله يرحمك
ظافر :الرحمه بتجوز علي الميت والحي علي فكرة
ظلال بغيظ ولما أنت بتحبها أوي كده ومش طايق بعدها وبتتغزل فيها طلقتها ليه
ظافر ويدير لها ظهره ويبتسم لا حب أيه وأنا بتاع الكلام ده
وظلال في قمة الغيظ منه
لترد أصلك ماعندكش قلب ولا بتحس
فيلتفت لها طب علميني ياصاحبة الإحساس المرهف
فتبتعد وتتراجع لتلتصق بالحائط وهو يضع كلتا يديه علي الحائط وهي بينهما
لتجيب عليه وانا مالي أعلمك أنا ليه
فيجيبها بهمس في أذنها
مش مراتي ولا اروح لواحدة غريبه تعلمني
فتنظر له بضيق أنت حر
ليستنشق عبير شعرها ويقترب من شفتيها التي تمدها بسبب ضيقها منه حتي كاد يقضمها
لتغمض عينيها فيتراجع ويقف ينظر إليها لأستفزازها أكثر فأكثر لتفتح عينيها وتنظر له ليزداد غيظها منه وتنزل من بين يديه وتجري تتدثر بغطاءها
فيأتي من خلفها يحتضنها لتجحظ عينيها ثم تغمضها كالأطفال بسرعه وهو يحس بتعبيراتها التي لأول مرة يتعامل مع مثلها فهي حالة فريدة من نوعها بالنسبة إليه يحاول إستكشافها وفي نفس الوقت يحاول أذابه الجليد بينهما بعد ماحدث بينهما من خلافات
اما هي آثرت النوم دون تفكير فيما يفعله ولكنها تحس بأنه متعجرف ويتعمد إستفزازها ويضيق عليها الخناق وهي لا تطيق هذا
ليستيقظان في الصباح ويرتدي ملابسه وهي تحس بألم في معدتها وميل إلي القيء
فتجري علي الحمام تفرغ مافي جوفها ليأتي مسرعا لها
مالك خدتي برد ولا أيه
داانا ماولعتش التكييف حتي
ظلال بتعب بعد أن اقتربت من الفراش
لا أنا حاسه بقالي فتره بالموضوع ده زي ماحصل في حمل إسلام فابتعد عنها يعني أيه تقصدي أيه
ظلال بتلقائيه أقصد أني حامل
فجذبها إليه حامل يعني أيه
وازاي ومن مين
فنظرت له بأستغراب
يعني أيه أزاي ومن مين
هي الناس بتحمل إزاي وأنا متزوجة مين عشان تسالني من مين ولا ناسي
ظافر وقد جن جنونه
أنت مجنونة ولا بتستهبلي
أنا مابخلفش العيل ده جه أزاي أنطقي وإلا هقتلك
ظلال ببكاء العيل ده أبنك ولو مش مصدق أبقي أعمل DNA
ظافر وهو غير مصدق
لا والله أصلنا في زمن المعجزات بقدرة قادر واحد مافيش أمل في الأنجاب ويخلف
ظلال تحاول إقناعه بتحصل كتير وربنا قادر علي كل شيء
ظافر وهو كالمجنون
أنتي عاوزه تجننيني وألقي بها علي الفراش
أنا لازم أعرف الكلب اللي خونتيني معاه ومش بعيد أكون ظلمت نادر كمان واحدة من الشارع هنتظر منها أيه
وتركها ومشي لتجهش في البكاء من كلماته ولا تدري ماذا تفعل مع هذا الثور الهائج
فالله وحده يعلم بأنها مظلومة وهو القادر علي أن ينجيها مما هي فيه لتخرج دفترا تكتب فيه بعض الكلمات حينما يضيق بها ذرعا ولا تجد متنفسا غير الكتابة
فسطرت هذه الكلمات علها تجد فيها متنفسها
