الحلقه 15
عندما تطرق إلي مسامع إسراء هذا الخبر التعيس إنفطر قلبها مره أخري
وذهبت مسرعه لوالدها
هو أنا دايما فوق البيعه
ليه بتعاملوني كده .....
بالمرة مع ظلال نعمل لإسراء
أنت أكيد مش أب ولا يمكن تكون أبويا
ليعطي لها كفا يوقعها أرضا
هي حصلت يابت تقوليلي أنا الكلام ده
وينظر لزوجته دي أخره دلعك فيهم بقي دي تربيتك ياهانم جايه تقل أدبها علي أبوها
طب قسما بالله لو كان معاه يدخل
لكنت دخلتك أنتي كمان وخلصت منك ومن عارك
ماله أحمد يابت سايقه العوج عليه ليه
أنا ملاحظ ومتابع مش أهبل وبرياله وشايف دلعك عليه والواد ساكت وشاريكي وأنت ولا طمران فيكي وبتتبتري علي النعمه الي في أيدك
ويجذبها من يدها والشرر يتطاير من عينيه وينظر بعينيها
أنتي تعرفي حد تاني يافاجره
فتتلعثم وترتعد أوصالها
لا والله ماأعرف حد انا .... بس
فيقاطعها
يبقي تعملي اللي أنا شايفه في صالحك. البنات مالهاش الأعتراض
لحسن يمين بالله أكون جايب خبرك
فتأخذها أمها بأحضانها وتجذبها منه لا دي إسراء ماتقدرش تكسر كلمتك ياابو فاروق داأنت الخير والبركة
وماحدش له قول بعد قولك
فيتحدث بغضب خلاص غوروا من خلقتي فورتوا دمي عاوزه تصغرني قدام الناس بعد ماتفقت يقولوا عليا عيل وبرياله أنا...
عشان أبقي لبانه في بؤ الناس ويقولوا عيل بيرجع في كلامه
غوروا من خلقتي بصوت أرعبهم وجعلهم يجرون كالفئران من أمامه
ليجلس علي فراشه يخرج غليونه لينفث فيه غضبه عله يهدأ بعد هذا التوتر المزعج الذي سببته أبنته له
أما الأم فأخذت أبنتها تهدأ من روعها بعد تعنيف والدها لها وأيضا تعلمها بخطأها بأن تتفوه مع أبيها بهذه الوقاحه ربما لو طرحت فكرتها بأدب كان أستجاب لها ولكن طريقتها زادت حاله الأحتقان بينهما
فأعتذرت إسراء لوالدتها علي طريقه الكلام هذه
وبررت هذا بحالتها النفسية وأنها لا تحب أحمد وكأنه مفروض عليها
لتفهمها أمها أن الحب يأتي بعد الزواج بالعشره الطيبة بين الزوجين
وعندما تتعامل معه كزوج بعد زواجها ستفهم ماتقوله والدتها لانها تعلم تربية أحمد فقد نشأ بقريه وتعلم بها الأخلاق الحميدة علي يد أبيه
فهي تعلم تربيه أخيها لأحمد جيدا .غير ياسر تماما لأن أخيها كان قد مرض وأهمل بتربية ياسر أما أحمد فهو من يقف دائما بجانب أسرته ويتحمل المسؤلية
فالرجل بأخلاقه ونشأته السليمة ورعايته لأهله فمن ليس به خير في اهله ليس به خير بأحد
فقد قال رسول الله
خيركم خيركم لأهله وأنا خيركم لأهلي
لتهدأ إسراء بعض الشيء بعد حديثها مع والدتها ولا تريد زيادة الأمر فقد رأت مافعله أبيها فقد كاد أن يقتلها
........................
ودخلت علي أختها وعيناها حمراوتان
كأنهما كأسان من الدماء
لتفزع ظلال وتلقي بالفون الذي تحادث به حمزه
في أيه ياأسراء مالك حبيبتي
إسراء لتطمئن أختها
مافيش حاجه دا رمش دخل في عيني
ظلال بتعجب رمش إيه وزفت ايه أنا سامعه زعيق أبوكي بره معاكي
فتلقي بنفسها علي فراشها تبكي ....
ماحدش قادر يفهمني أعمل أيه بس ياربي أنتحر وأخلصكوا مني
ليأتي بعدها يوم الفرح والبنتان عند الكوافير متزينتان بأحلي الثياب
ويأتي العريسان بسيارات تصطحبهما
والجميع يحسد البنتان علي العريسان فرغم جمال ظلال ولكن حمزه رجل مقتدر مليونير والجميع يتمني مثله لأبنته
أما إسراء رغم أن أحمد فقير إلا أنه طول بعرض وسيم ولديه شقه ووظيفه وتتمناه أي فتاة من نفس الوسط
ويحسدون إسراء أنه نظر اليها وفضلها علي غيرها رغم ان معه بالعمل أجمل منها بمراحل ولكن القلب ومايريد
لا يملك من أمره شيئا. لايعرف لماذا هذه بالذات هل لأنها لا تعطي له وجه فأحيانا القط يحب من يناكفه .ام سكن حبها قلبه من النظرة الأولي دون سابق إنذار.
وفي الحفل كتب كتاب الأختين
وأستمتع حمزه وظلال بالرقص
أما إسراء فرفضت وكان أحمد يرقص مع أصدقاؤه ويلاحظ إسراء وهي حزينه في الكوشة تنظر لأختها السعيدة بزواجها من حبيبها حمزه
فيتنهد ويرجع يتناغم مع اصدقاءه .
انقضي الحفل
وذهبت إسراء مع أحمد يوصلها لبيتها
وعلي الباب يباغتها بقوله
مالك ياإسراء حاسك مش سعيدة
فتكتم دموعها ...أنا ... أبدا مش سعيدة ازاي دا اليوم اللي بتتمناه كل بنت
فينظر بعينيها مش حاسك
فتنظر له أزاي بقي
أحمد باستنكار
مش عارف بس حاسس بحاجة غريبه فيكي
أنا عارف إني مابجيش كتير عشان الدراسه زي ماقلتي وشغلي واخد وقتي وماتعرفناش كويس
بس لما تعرفيني أنا واثق هتحبيني
فترد باقتضاب إن شاء الله
فينظر لها بسبب ردها
ويستطرد مش هتقوليلي اتفضل
إسراء ماحدش هنا راحوا يوصلوا ظلال
فيهمس لها بأذنها
علي فكره أنا حوزك ولسه جايين من الفرح طازه
فتبتعد بردو لسه يادوب كتب كتاب
فيزفر ماشي يااسراء
أتفضلي وأقفلي علي نفسك علي مايجوا سلام وجري علي الدرج
أما حمزه أصطحب ظلال لشقتهما
بصحبه الأهل الذين قاموا بتوديعهم
وتركهم
ويتمنون لهم مستقبل مشرق سويا
ليحمل حمزه ظلال بطريقة فجائية
فتفزع وتقول أخس عليك ياحمزه خضتني
فيرد سلامتك من الخضة ياقلبي
وينزلها بالداخل
ليحتضنها يااااه ياظلال
فاكره الحضن ده لما جريتي عليا يوم الحادثه اللي اتعرفت عليكي فيها
فتنظرله فاكرة معرفش عملت كده ازاي بس حسيت ساعتها أنك أنت اللي قادر تحميني وإن أماني في حضنك أنت بس
فيرد عليها وأنا كمان كان أول مره أحس أني مسؤول عن حد بالشكل ده وأنه مربوط فيا بقيت مش عاوزك تسيبيني
ومن ساعتها قررت تبقي بتاعتي أنا بس حتي لو هخطفك من أهلك لو مارضيوش بالجوازة دي
فتحرج وتنظر لأسفل فيقيم وجهها بأصابعه يلا بقي أقلعي الفستان المنفوش ده مش عارف أحضنك
فتجحظ عينيها
لا أقلعه إيه
فينظر لها أمال هتامي بيه
فتقول له
لا اضير ياخويا
فيستوعب ماتقول
أضير وأخويا الاتنين في جملة واحده
ثم اضير دي انقرضت من التلاتينات عثرتي عليها في أنهي متحف دي
دي من الحفريات ياظلال
قتضحك علي كلماتة
خلاص لف بلاش أضير
فيحدثها بخبث خلاص هقعد وأحط ايدي علي وشي
فتفهم مايرمي اليه
لا يااخويا انا مش هبلة وتفتح صوابعك وتشوف
فيضحك علي طريقتها العفوية الطفولية
خلاص ادخلي الحمام وغيري براحتك بس ماتتأخريش وأعطاها قميص نوم تنظر وتقلب فيه وتجحظ عينيها
أنا ألبس ده مش ممكن
فينظر لها ليه مش جوزك وأنا بقولك أخرجي بيه داأحنا في حجرة النوم
فترد بخجل لااااا أكسف
فيمثل أن إنتابه ضيقا منها
وبعدين بقي هنفضل علي كده كتير
خشي غيري قلت.
فتأخذه منه وتجري مفزوعه من طريقته ليضحك ويضرب كفا علي كف مما تفعله به
هتجنني البت دي أنا مجوز طفله فعلا
بس أعمل إيه بحبها
ويرتدي ترنجه وتخرج هي تحاول تشد من أسفل فينزل من أعلي ترفع من اعلي فيقصر من أسفل
لتقول له لا انا هخش أغيره
فيجذبها ويحملها والله ماهو راجع
ويقبلها لتغوض معه في هذه الدنيا الجديده التي يصحبها فيها وهي عاجزه عن المقاومه فقط تسلم نفسها لتياره فيسبحا معا دون مقاومه
.........................
ليذهب الجميع لرؤيتهما في اليوم التالي
ومعهم إسراء وأحمد الذي أحضر معه طبقا من الشيكولاته للعرسان
وانفردت الام بابنتها لتعلم منها التفاصيل وتطمئن عليها
لتجد ابنتها في غاية السعادة فتدعو لها وتتمني لأختها وأخيها السعادة أيضا
أما أحمد فيميل علي إسراء
عقبالنا أما يجوا يباركولنا زي حمزه وظلال
فتفزع وتنظرله دون رد
فيعلم ماترمي له نظرتها وكأنها تتمني عدم حدوث هذا اليوم وألا يكون قريبا
فهي لاتقول ويتمني أن يكون إحساسه خطأ ويكذب أحساسه فإن لم تكن تريده فلماذا لا تصرح بهذا وكان سيتقبل الأمر او يقنعها ويحاول أن تعطيه فرصه فإن أبت فسيتركها .
ولكنها تكتفي بالنظر له وفقط هذا ماتفعله ولا يفهم أهي رفض أم موافقه ويتمني ان تخيب ظنونه
ثم أنصرف الجميع متمنيين لظلال حياه سعيدة ولأخواتها أيضا
فماذا ستتوقعون في الاحداث القادمة؟
