الحلقه الثانية عشر
رجع الجميع للمنزل وإسراء لا تري أمامها من الضيق
لتجد اختها بالغرفة فتصفق الباب خلفها
لتتفوه ظلال شكلها والعه.....
ولم تكمل لتجد قنبلة موقوتة أمامها
بنت أنتي أنا مش نقصاكي ولا طايقة نفسي.
ونفسي أرتكب جريمة ومش لاقيه غيرك في وشي أتقي شري الساعة دي أحسن لك
ظلال تنتبه لأختها بجديه في إيه ياسوسو مالك أول مرة أشوفك كده
لترتمي علي فراشها وتنفجر باكية
لتذهب لها أختها تربت علي كتفها وتقيمها في إيه أول مرة أشوفك كده
أحمد عملك حاجة
فترتمي بأحضان أختها
بابا قرأ فتحتي علي أحمد البارد مع خالي وبدون حتي مايسألني رأيك إيه في الجوازة المهببه دي
تقوليش هو اللي هيجوز مش أنا
فتحاول أختها تهدأتها
ياسيتي دي قراءه فاتحه هو جوزهولك والله الواد كويس ومحترم وبيحبك
ماتجربي يمكن تحبيه ولو ماحبتهوش
قولي مش موافقه أخترعي أي حجة
يمكن يطلع بخيل ولا أي عيب فيه وساعتها ماحدش هيقولك لا
إسراء :إزاي يعني هو في كده
بهيمه ماليش رأي
إزاي بابا يمحيني كده وأكني مش موجودو دا كله عشان يرد الجميل لخالي علي اللي عمله معاه زمان
يقوم يضحي بيا
ظلال :وليه ماتقوليش أنه واثق في تربيه أحمد وأنه رجل هيحافظ عليكي
ولو لقاه عكس كده أكيد مش هيوافق تكملوا
فأقتنعت برأي اختها
تفتكري كده !!
ممكن بابا يرفض يكمل الجوازه لو أنا قلتله مش عوزاه
ظلال لتهدأتها
اكيد طبعا حبيبتي
بابا غرضه مصلحتنا
إسراء تباغتها يعني لو رفض حمزه هتعملي إيه
ففزعت ظلال تفي من بؤك لا إن شاء الله يوافق
بس لو رفض هعمل إيه يعني أنا مسلماها لله واللي عاوزة ربنا هيكون عمري ماأعترضت علي قضاءه وهو دايما بيعملي الخير
فاحتضنتها اختها
اكيد حبيبتي أنتي تستاهلي كل خير
وأسفه إني إنفعلت عليكي ربنا يخليكي ليا
فإحتضنتها ظلال ويخليكي ليا حبيبتي
فدخلت الأم في هذا الوضع
ربنا يشفي
في إيه طقم الحنية اللي علي غفلة ده ماكنت سامعة زعيق من شويه
فقامت إسراء أمام والدتها
يعني يرضي مين ده اللي عمله بابا
إزاي يوافق من غير مايستشيرني
هو مين هيجوز
فكتمت الام فم اسراء
إتلمي يابنت بدل ماابوكي يجي يرنك علقة أنتي عاوزة تكسري كلامه وتصغريه قدام الرجالة
هو خالك حرجه وماقدرش يفلفص
ودا كلام رجالة
أسراء بتعجب
بس كان أستني يقولهم هاخد رأي الجاموسة اللي هتجوز مش ساحبني زي الدبيحه للمدبح
الام :أما أنت عليكي تشبيهات
إيه الزريبه اللي دخلتها دي بهيمة وجاموسة
روحي يابنت نامي مش فيقالك
وإياكي الكلام ده تقوليه لأبوكي
هو مخه صعيدي ولما بيتربس يلا السلامة
خلينا عايشين في سلام يابنتي
أنت مش عارفه أبوكي يعني
بدل ما تخليه يحلف بالطلاق وأنت عرفاه
فرأفت بحال أمها
حاضر ياماما مش هكلم
وذهبت لفراشها تتدثر
وأغلقت الأم الأضواء وتركت الفتاتين نائمتين لا تدري كل واحدة كيف سيكون مصيرها
وفي الصباح
كادت ظلال تخرج ليستوقفها والدها
أنا هكلم حمزه إنهارده ونشوف الموضوع هيرسي علي إيه
فاومأت برأسها وخرجت
اما إسراء فحاولت تجاهل نظرات والدها إليها وخرجت مسرعة
لتقابل أحمد وهي لا تطيق النظر إليه
فينظر لها
طب قولي صباح الخير حتي
فتنظر إليه ممكن ماتكلمش معايا خالص
احمد باستفهام طيب ليه طااا دا إحنا قرأت فتحتنا رسمي
فتجز علي أسنانها
يعني أنت عارف إني مش طيقاك ورايح تتقدملي يابارد
فيقترب منها
اذا كنت بسمحلك زمان تتكلمي علي مزاجك دلوقت في حدود ماتتخطيهاش عشان هبقي زوجك ولازم تحترمي جوزك ياأنسة يامهذبة
فحاولت التحدث زوج مين أنت ....
ولم تكمل
أنا لسه ماخلصتش كلامي وبصوت حاد لتتوقف عن الكلام
أنا لو مش واثق إنك هتحبيني ماكنتش خطيت الخطوه دي
ثم أنت إيه اللي مش عاجبك فيا ولا عاوزة واد فافي سيس من بتوع اليومين دول اللي مسقطين بنطالوناتهم
إسراء لا طبعا مش عاوزة من دول
بس أنا مابحبكش
أحمد :وأنت تعرفيني منين عشان تحبيني
إسراء :أهو أنت اللي قلت أعرفك منين عشان أحبك
فيميل عليها ويهمس بأذنها
يبقي لازم تعرفيني الأول
وتركها وذهب
لتضرب كف علي كف والله ماشوفت برود أكتر من كده الواد ده هيجبلي جلطة وأنا في عز شبابي
أمال لو اجوزته هيجبلي شلل رباعي
منك لله يابابا علي اللي عملته فيا
لتدخل محاضرتها
وتجد اخر غير كمال
فتميل علي صديقتها
أمال فين كمال
عقبال عندك كانت خطوبته أمبارح وشكله خربها وماقدرش يقوم الصبح ونام قتيل ودخل البيه بداله
لتصدم صدمة عمرها فقد أصبحت كالأسفنج تتلقي الصدمات وتمتصها
لتنظر لها صديقتها
مالك لهو انت كان عندك امل فيه لسه
إسراء بنفي وبحزن
لا بس أنا كمان اتقرأت فتحتي أمبارح
فتصدم صديقتها وتوبخها ياجبانة وماتقوليش
إسراء :مش لما أعرف أنا الأول
فتجيبها صديقتها بسخريه إيه فزورة
إسراء أه أبويا عملهالي مفاجأه
فتميل عليها
ومين سعيد الحظ
عاحمد
فتضحك علي أسلوب صحبتها
ايوه ياختي ومقابلني الصبح يديني كورس في الاخلاق والزوجة الصالحة
فتميل عليها صديقتها
لا ماينفعش بالهمس كده بعد الهبابه دي نروح الكافيتريا نرزعلنا سنكوتشين نتقوت بيهم وتقولي ماعندك كلي آذان صاغية
لتصحبها وتقص عليها ماحدث
فترد صديقتها
والله الواد ده كويس وبيحبك وشاريكي واحدة تقول لخطيبها بارد كويس انه مالافكيش جوزين أقلام يعدلوكي
إسراء :مين ده والله كنت أصوت وألم عليه أمه لا إله إلا الله وقلت بيتحرش بيا وعجنوه وطحنوه
فتضحك صديقتها قادرة.
قوية ومفترية
جايبه القوة دي منين يابنت داأنت شبر وأقطع
داأنا اللي طول بعرض لو قالي كلمه بس هطب ساكتة يدي الحلق للي بلا ودان
إسراء أقلعهولك ياحبيبتي والفردتين كمان
فتجيبها صديقتها مع الاسف القلب ومايريد
لتستاذنها إسراء
أنا ماشيه بقي لحسن حمزه جاي اليوم وهشوف لو ماما عاوزة حاجة اجبها أو أعملها لأن ظلال يدها في المايه الباردة وكل حاجه دروس دروس
..............
أما ظلال فتنهي دروسها لتجد حمزه منتظرها ليصطحبها معه لبيتها لأن أبيها أخبره أنه سينتظره اليوم
فتذهب معه بعد محايله خوفا أن يراهما أحد معا
ولكن حمزه يوضحلها أنه سيذهب معها للبيت فما المشكله وأقتنعت أخيرا
ليذهبا معا ويستقبلهما والدها وينظر لظلال التي تجري للداخل بسبب نظرات والدها
أما حمزه فيفهم نظرات والدها
ماتلومهاش هي
والله ماكانت عاوزه ترجع معايا
أنا اللي أصريت لأني جاي البيت وعشان كده ياريت نعمل الخطوبه عشان تبقي حاجة رسمي وتبطل الرعب اللي هي فيه
وساعات بتبقي متاخرة أقولها أعزمك ماترضاش فلو رسمي والناس عارفة
هتبقي مافيش مشكلة
ليبغاته والدها بس هتبقي خطوبة من غير أهلك
حمزه بتلعثم مانا قولت لحضرتك إللي فيها وأكيد سألت وعرفت إن ظافر في ألمانيا ووالدي قعيد وتأكدت من صدق كلامي وإلا ماكنتش بعتلي إنهاردة
ليوميء محمود براسه فعلا يابني وماشوفتش حد تكلم وحش في حقك
كل الناس شكرت فيك
خلاص يابني علي بركة الله نتفق ونقرأ الفاتحة
حمزه :مش هنختلف انا عاوز ظلال بس من غير شنطة هدومها أنا شقتي جاهزة واللي عوزاه هجيبه حتي لو عاوزة تغيرالعفش كله
محمود :لا يابني داانت قولت جايبه من بره
يبقي نقرأ الفاتحة
طيب والخطوبة
أنا بقول تبقي عائليه هنا والفرح يبقي في قاعه عشان في دراسه لسه
حمزه مجيبا وأنا تحت أمرك في ءي شيء ولو عاوزة الفستان والكوافير وكل شيء يجلها البيت أنا مسؤول عن كل شيء
ففرح محمود
خلاص اتفقنا ونعمل خطوبة اختها كمان حتي لو هيلبسوا الدبل
حمزه :وأنا هبعت الجواهرجي بتاع العيله تنقي اللي عوزاه ولو طنط عاوزة حاجه تأخدها فجحظت عين الام
ليستطرد ودبل أختها كمان هدية من عندي للعروسين
محمود بنفي لا يابني دا كتير جدا
حمزه :مافيش حاجه تكتر علي ظلال
أنا فعلا بحبها وشاريها وبخاف عليها
وعمرك ماهتندم أنك إدتني بنتك وبكره تعرف
محمود بتفهم
عارف يابني سيماهم في وجوههم
لتنهض الأم يلا ياإسراء نجهز العشاء
فيستحي حمزه مش كل مرة أتعبكوا
الام تعبك راحه ياحبيبي والله يابني
أنت محبتك زي ولادي بالظبط
وإنصرفت لتفرح أخيها بالخبر السار
وتعد العشاء
فماذا سيحدث بعد ذلك ياتري؟
