الحلقه الثامنة
اقتنع والد ظلال أخيرا أن يري حمزه ويعلم مايريده عله شاب فرصة كما تقول له زوجته ويخف أحد الأحمال عليه
وطلب منها أن تجعله يأتي للمنزل ليتعرفوا عليه
ففرحت وكادت تعلو بالزراغيط ليوقفها بإشاره منه
في إيه ياوليه ياهبلة هتفضحينا هو لسه حصل حاجة
ام ظلال :يوه ياخويا من فرحتي
ربنا يتمم بخير البت دي غلبانة وطيبة وعلي نياتها
فرد عليها زوجها
طب يلا شيلي الأكل وأعملي كوباية شاي حبر منك لله صدعتيني وأنا جاي مصدع أصلا
فنهضت مسرعة حاضر ياخويا
وجرت تنادي ظلال
لتخرج لها مسرعة بتخوف
فأحست والدتها بخوفها فطمأنتها
ماتخافيش يابت أبوكي وافق يشوفه
خليه يجي وقبل أن تجيب ظلال أسكتهم صوت والدها الذي يصيح
فين الشاي ياوليه إيه الشاي الجملي ده
فجرت الأم علي المطبخ وهي تصيح
حاضر ياخويا هوااااا
ودخلت ظلال فرحانة وسعيدة
لتنظر لها إسراء خير ياحبيبتي
ماهو مابقاش علي الحجر غيرك
ظلال بفرحة عارمة
بابا وافق يقابل حمزه
فقامت إسراء تحتضن أختها وتبارك لها وتتمني لها أن يتمها الله عليها بالخير
لتنام الفتاتان وتستيقظان كل الي حال سبيله كعادتهما
أما إسراء فتجد أحمد يقابلها بإبتسامته ويلقي عليها السلام وكأنه ينتظر قدومها ليراها قبل ذهابه لعمله
فتزفر بضيق لا والله دا كتير
أنت فاضي يابني مش لاقي حد غيري ترذل عليه والله لو ماتلميت ياأحمد وأتعدلت وبطلت حركاتك دي اللي مش هتجيب نتيجة لأقول لماما وأنت حر
فيهمس لها بلطف في أذنها
هي زمانها عرفت
فجحظت عيناها يعني ايه مش فاهمة
فضحك وهو يمشي ويصيح ويشير لها بكرة تكبري وتفهمي
وهي تصيح وتبدل بقدميها في الأرض
يابااااي علي رذالتك فتزيد ضحكاته عليها فتذهب مسرعة إلي معهدها
لتجد أم فاروق الهاتف يرن
فتلتقط السماعه لتجد أخيها يهاتفها
فتستغرب وترد خير ياخويا فيك حاجة
أخيها بضحك
بلاش أطمن علي أختي
فتضحك
سألت عليك العافيه ياخويا ماتحرمش منك بس أصلي أستغربت الوقت بدري جدا إيه اللي مصحيك حالا أنت تعبان ألبس وأجيلك
فيجيبها أخاها نعمل إيه في بن أخوكي
فتستغرب مين أحمد ولا ياسر
فيجيبها أحمد ياسيتي من ساعة ماشاف إسراء وهو هابلني أنا وأمه
وعاوز يتقدملها قبل ماحد يسبقه
فتفرح أم اسراء ياألف نهار أبيض
وأنا في ديك الساعة لما أجوز إسراء لأحمد دا أنا أجبها بشوارها لحد البيت
فيفرح أخيها من ردها
ولكن يزداد قلقه
بس ويتراجع
لتحاول طمأنته بس إيه ياخويا هو احنا بينا بس اللي معاك ياخويا ونكمل والمليان يكب علي الفاضي دا أحنا أهل
عيب عليك والله أزعل
فيفرح أخيها
طمنتي قلبي ربنا يطمن قلبك انتي عارفة الواد لسه ماسك الشغل وعامل جمعيات بمرتبه بس شقته الحمد لله موجودة وجاهزة
دا ربنا كرمنا بالبيت اللي جوزك جابه متفصل علينا شقه لينا وشقه لأحمد وشقه لياسر
فتدعي لزوجها مش أبو فاروق ربنا يكرمه ويباركلنا فيه هو قال كده عنده وادين هيحتاج لهم شقق بدل مايلف ويدوخ علي شقق وأستلقط البيت من واحد كان مسافر وبيبيعه وهيجيب في حته ألا فرانكه من بتوع الناس الجامدة
وخده منه برخص التراب عشان كان صاحبه وله جمايل عليه
فيدعو له اخيها
ربنا يباركله يارب بس جوزك هيوافق
فتحاول طمأنته جوزي طيب وغلبان هو حمقي شوية بس بن حلال ، أطمن هكلمه واللي فيه الخير يقدمه ربنا..
واغلقت الخط وتحدث نفسها
وبعدين في الحوسه السوده دي
داأنا لسه قيلاله علي ظلال
الراجل هيلاحقها منين ولا منين
باااس انا اول مايصحي اطسها في وشه وهو لسه مافاقش مايحطش منطق وتضحك علي كلامها
والله انا خايفه لحسن أنا اللي ماحطش منطق من اللي هيعمله فيا
وأجي ف الفيس يقولوا المرحومه كانت بتضحك وهم بيغسلوها
يلا العمر واحد والرب واحد
وأستيقظ زوجها لتقابله بقنبلتها الموقوتة قبل أن يستوعب .
أحمد عاوز يجوز إسراء
فيحاول إستيعاب الكلمات
أحمد مين وإسراء مين
فتحاول إفهامه
أحمد.بن أخويا وإسراء بنتك ياراجل
فجذبها من يدها أنت إيه حكايتك معايا بالظبط سايبك تشتغلي خاطبه ولا بتوفقي راسين في الحلال
فتحاول نزع يدها منه
يوووه رزق وجه للبنات وجواز البنات ستره مابتشوفش الخطف والحاجات اللي بتحصل
ثم اسراء خلاص قربت تخلص وانا قلتلك هتقوم تتجوز دا بيحجزها بس لحسن حد يسبقه وبعد كده خطوبه وبعدها الجواز وأنت عارف حالهم من حالنا لا تعايرني ولا أعايرك دا الهم طايلني وطايلك
أبو فاروق:إيه بلاعة الأمثال اللي فتحتيها في وشي علي الصبح دي غوري حضري الفطار وليه سو بصحيح
فجرت لتحضر الإفطار وهو ذهب الحمام ليستفيق
وأحضرت بالطعام
هاااا ايه رأيك الواد أحمد أخلاق ومتربي دا تربية أخويا وطول بعرض
والبت إسراء غلبانة وحظها قليل مش جميله جدا زي أختها
فيرد والدها بس مش قردة ماهي حلوة وكويسة وألف من يتمناها
فترد عليه يعني لاهي حلوة جدا ولا وحشه جدا وبصراحه مش هلاقي لها زي أحمد .
أتوظف وله شقته وشكله حبها وعارفين أخويا ومراته غلبانة وطيبة مش زي الحموات اللي بنسمع عنهم
هااا قلت إيه
فرد بضيق ربنا يسهل مش كله مره واحده أما نخلص من الغريب الأول
اما القريب في إيدنا في أي وقت نقوله تعالي هيجي
فأيدت رأيه
صح ياخويا عين العقل
فرد عليها طب قومي أعملي الشاي وشوفي المحروس ابنك ماقامش فتح الورشه ليه
فردت بغيظ الواد جاي ياحبه عين أمه متأخر من الورشه علي ماخلص أنت مش سيبته وجيت أمبارح
أنزل أنت أفتحها وسيبه يريح شويه هو بيسهر لوقت متأخر فيها
فأستغرب من ردها شوف الولية
ماشي دلعي فيه ياأختي لما هتبوظيه
فتشيح بيدها
فيغتاظ والله عاوزه تضربي علي كبر
يظهر نسيتي علق زمان وعوزاني أفكرك بيها
فتنظر له يلا خد المفاتيح وروح لأكل عيشك ربنا يرزقك برزقنا
فيبتسم ماشي عشان خاطر الدعوه دي بس
.............
اما ظلال بعد انتهاء دروسها وجدت حمزه بأنتظارها
فحدثته أمي عرفت كل حاجة وقالت لأبويا وقال تروح تقابلة
حمزه وأنا كنت جاي عشان أقولك تاخدي موعد من والدك
خلاص شوفي بكرة مناسب اجلكوا بعد العشا وكلميني علي الرقم ده
واعطاها الكارت الخاص به
فنظرت للكارت
حاضر
هي إسراء أختي اللي معاها موبيل كانت بتشتغل تريكو وحوشت وأشترتة
هبقي أكلمك منه أقولك
فيضحك حمزه لا خدي الموبيل ده بشريحته ومعايا رقمه ويخرجه من السيارة ويعطيه لها إبقي كلميني منه
فتبتعد لا ماقدرش لو ابويا شافه يموتني ويقول جبته منين
فيهمس إليها قوليله جوزي جبهولي
فتغمض عينيها وتشعر برجفة خفيفه تزلزل جسدها الصغير
ثم تستفيق لتبتعد لا ياحمزه ماقدرش لما نتخطب رسمي لكن دلوقت ماقدرش
فيبتسم لها خلاص بكره هجيبه وادهولك قدامهم وكادت تمشي
لتجد ياسر بن خالها
الله الله بقي ءنا هتطلعي روحي
وماسكه في روح واحد تاني
لتغتاظ منه أنت إيه اللي بتقوله ده
ليجذبها من يدها مين ده يابنت
ليجد قبضه حديدية تجذب يده من عليها بقوة وهي يد حمزه لتبعده عنها فهو رغم ضآلته ألا أن معه الحزام الأسود في الكاراتيه
فيلف يد ياسر خلفه
ويجز علي أسنانه لو قربت من خطيبتي تاني يبقي تقول علي روحك يارحمن يارحيم
فيتوجع ياسر خطيبتك منين ياعم
ظلال بثقه ايوه خطيبته وماما وبابا عارفين وقالولي أقوله يجي يقابل بابا بكرو ويخطبني
فحاول ياسر التنصل من حمزه ولكن لامحاله
خلاص ياعم ماكنتش أعرف
ربنا يهني سعيد بسعيده
فتركه حمزه وأبعده
ظلال تحاول تهدأه حمزه فهو دائما رقيق لأول مره تري عصبيته
حمزه وكأن شيئا لم يكن
خلاص حصل خير بس نرفزني انه مد يده عليكي.
يلا روحي وعلي معادنا وأتصلي بلغيني
فنظرت إليه بتفهم حاضر
وذهبت لوالدتها تقص عليها ماحدث
والدتها تطمأنها حصل خير بس هيروح يقول لخالك ومش عاوزين شوشره قبل الموضوع مايتم
أنا عارفة ياسر مش طالع لأخوه ليه
علي العموم هكلم أبوكي لو المعاد مناسب تبلغيه بس أما يرجع من الورشه عشان مانطولش وحد تاني يشوفكوا
فاومأت ظلال برأسها متفهمة
فيا تري مالذي سيحدث في اللقاء؟
وهل سيقنع حمزه والد ظلال بزواحهما؟
