لست بطفله
الحلقه 39
ظلت بنان واجمه أمام صديقة عمرها فلم تتخيل للحظه أنها ستفعل بها هذا
ولكن لما لا وقد فعلت بأبنة عمها كما قالت صديقتها التي من لحمها ودمها كل ذلك ولم تأخذها بها شفقة ولا رحمة
وأنطلقت تجري من أمامها وخرجت تجول بالشوارع لا تعرف إلي أين تذهب
إلي أن أدماها التعب والإرهاق
وهي تجول وتجول بالشوارع وتتعرض للمعاكسات والتحرشات وتجري من هذا
وفي أخر المطاف وجدت قدماها تعودان بها لنفس الطريق لتذهب لصديقتها باكية
حرام عليكي ليه تعملي فيا كده
وصديقتها ترد وفيها أيه يعني
أنتي ليكي جسم جميل وشعر جميل وألف يتمنوا يترموا تحت رجلك ليه ماتستغليش جمالك وتكسبي منه
فجحظت عيناها
أنتي بتقولي ايه عوزاني أتحول لفتاه ليل لكل من هب ودب
لتنظر لها صافي أمال عملوا الوسائل الحديثه ليه هو أحنا هننزل ندور بنفسنا
فأستغربت بنان مش فاهمة تقصدي إيه
صافي :في أنستجرام دلوقت بتنزلي صور ملفته وفي ناس بتبعت الرقم وغيره وغيره
فنظرت لها بنان بغضب
أنت أكيد أتجننتي
أنا لا يمكن أعمل كده
أنا معايا تجاره بيزنس وهنزل أدور علي شغل وأظن اللي خدتيه كفايه أني أقعد هنا وماتطالبنيش بفلوس حاليا
صافي بعدم إكتراث
براحتك أنت غاوي تعب
ودخلت بنان الحمام لتغتسل من همومها التي جلبتها لنفسها
أما عم سعيد فقد خرج ليضع القمامه أمام شقتة حتي ياخذها عامل القمامة صباحا
وهو يقطن أسفل صافي
ليجد المترنحين ويستند كل منهما علي الآخر ويصعدا لشقة صوفيا
ليغلق الباب بعنف ويسب ويلعن في هذه الفتاة التي تعد وصمة عار في المنطقة
وتراه حوريه زوجته فتتعجب لحاله مالك ياحاج
فيرد بعصبية البنت دي مش هتجبها البر
حوريه بتعجب هي مين دي
سعيد بضيق البنت اللي ساكنة فوقنا وكل شوية شباب داخل وشباب خارج وخلت سمعة العمارة ف الوحل
حوريه بتوتر
وأحنا مالنا ياحاج ربنا حليم ستار علي عبيده
وأحنا عندنا ولايا ربنا يستر عليهم
مالناش دعوة بيها أدينا عايشين زي باقي السكان
ماأنت أتصلت بالمالك ونفضلك لأنه مسافر ومش هنا وقالك ماممعيش فلوس وهي وخداها تمليك مايقدرش يخرجها وقالك لو معاك أنت فلوس أعرض عليها وأشتري منها
فتعصب عليها سعيد
هو أنا حيلتي حاجة دي الشقة دي اللي سترانا وإيجار قديم
أروح اجبلها ربع مليون ولا نص مليون منين دا لو عصروني ماهنزل ألف جنيه
دا الغلاء اللي في البلد خلي الناس هتاكل بعضها علي القرش
هو المرتب بيكفي دلوقت
قال أشتريها منها قال
حوريه بإستسلام خلاص يبقي نسكت ونلم نفسنا ونعيش زي إللي عايشين
ثم أنت عارف أمها خوجاية
يعني الكلام ده عادي بالنسبة لها
وكمان ممكن معاها الجنسية وتشحططنا في السفارات
أتلم ياراجل وأعقل وخلينا نربي عيالنا
.....................
أما بنان خرجت من الحمام علي حجرتها ولم تسأل عن الجالسين مع صوفيا
وأخذت تبحث عن وظائف خاليه
ووجدت ضالتها وعقدت العزم علي الذهاب باكرا إلي شركة السيوفي
لتقدم السيرة الذاتية (C.v )
